قالوا عن الباقة


أمنية عبد الرحمن

اشكر استاذى وقدوتى فى مجال ال community pharmacy على اهداءه لى ولزملائى خبراته الرائعة المثمرة القائمة على اساس علمى وتصحيح للمفاهيم الخاطئة … والتى تساهم بشكل كبير فى تحسين حياة المريض بل و انقاذه احيانا … من خلال الباقة … اكرمه الله عنا و عن مرضى المصريين  جميعا

أمنية عبد الرحمن

horizontal-36856_640

أحمد أنس حافظ

السلام عليكم ورحمة الله وبركاته .. هذه نصيحة من أخيكم فى الله (حديث التخرج) أحمد أنس حافظ ..

شوفوا يا شباب (بالذات من هم على أعتاب التخرج أو حديثى التخرج و خائفين من زحمة سوق العمل و كثرة الصيدليات و المناديب و و و….. ) .. الواحد عندما أكرمه الله بأخذ تلك الدورة الصيدلانية الماتعة النافعة مع د/أحمد الجويلى – وفقه الله لكل خير و نفع به – حس بالفعل أن له دور مهم جدًا فى مجتمعه لا يصح أبدًا أبدًا أن يتخلى عنه مهما حصل …. و بكل أسف , سوء المنظومة التعليمية و الأسلوب الذى تعلمنا به فى كلياتنا خلانا ننسى تقريبًا ما درسناه طوال الخمس سنوات بل لا نحب مهنتنا و تقل قيمتها فى أنفسنا …

يا شباب الخير و صيادلة المستقبل و بكل صدق: لمَّا أخذت هذه الدورة حصلت لى هذه الفوائد :

 1) معرفة كذا حقيقة منسية و رسائل مهمة جدًا جدًا عن كل دواء بدلاً من أننى أصرف روشتات وخلاص دون إبداء أى نصح للمريض بل حتى ما أكتبه على علبة الدواء للمريض يكون من كلام الطبيب فى الروشتة !!

2) تجعلك بإذن الله على أرض راسخة لما أحد الناس يسألك فى الصيدلية أو غيرها عن أى دواء بالذات ما تعلمته و أخذته شفهيًا فى هذه الدورة.

3) تعلم بعض الآداب – على هامش الدورة وفى وسط الشرح ,- وأنت تستمع بجد للدكتور أحمد الجويلى – أكرمه الله – و متى تمزح مع العملاء, و متى تكون مشفقًا و متعاطفًا معهم

4) بالإضافة أنك تقريبًا لا تنسى ما أخذته فى هذه الدورة بالذات لو سجلته كتابةً و قرأته حتى فى مواصلاتك للبيت , بعكس بكل أسف ما عانينا منه من بعد التخرج ،،، هذا غير أنك لن تصاب بالملل مطلقًا بإذن الله من الفوائد التى تتلقاها كل دقيقة والشرح الماتع الذى لا يعوض فى أى مكان آخر على حد علمى ..

5) كما أنك أثناء التعلم ستعلم أن العلم بحره وااااسع جدًا وأن الأمر لا يتعلق بدورة تأخذها أو شهادة (معتمدة) وخلاص , بل هذه الدورة , كمثال , ما هى إلا بداية وفتح الطريق لك فى تطوير نفسك وتنميتها و أنك تسد الثغر الكبييير الذى فرط فيه كثير من صيادلة عصرنا بكل أسف

6) بالإضافة طبعًا لشخص الأخ الحبيب د/أحمد الجويلى وما يتمتع به من حسن العلم والصدق والأمانة فى الأداء و تواضعه لمن يُدَرِس لهم بالإضافة لروح الفكاهة الجميلة وخفة الظل الرائعة عنده

وهذا الكلام أشهد الله تعالى عليه وأدين لله تعالى به , بلا رياء و لا سمعة ولا حب ظهور و لكنها كلمة حق أكتبها له و أحسب أنه يستحقها ..

horizontal-36856_640

مؤمن جابر

دورة الدكتور احمد الجويلي من الدورات المفيدة جدا لاي صيدلي , هتساعده فى انه يقدر يساعد المريض ويقدم له احتياجاته الطبية داخل الصيدلية مع اسلوب عرض شيق و متميز و خبرة عملية كبيرة جدا هتقدر من خلالها انك بجد تكون صيدلي فاهم و انا سعيد جدا اني حضرت الدورة دي و اللى فعلا فيها كم كبير من المعلومات التى لا غنى عنها لاى صيدلي

مؤمن جابر-مصر 2

horizontal-36856_640

جيهان حبيب

اصدق تماما علي كلام زملائي السابق واشعر بنفس شعورهم ..شعور العرفان والتقدير لاستاذي واخي الفاضل د/احمد الجويلي لما قدمه لنا من تيسيير وتبسيط في تقديم العلم الصيدلي بطريقه شيقه ورائعه بل وعلي مستوي عال من الجوده و الاحترافيه ولكن تجربتي تختلف قليلا عن تجربة اخواني طلاب صيدلة الذين استعانوا بكورس الفارماكولوجي اون لاين لمساعدتهم في مذاكرة الماده في الكليه او حديثي التخرج الذين استعانوا بكورس الاو تي سي لمساعدتهم في الحياه العمليه او الوقوف في الصيدليه ..فقد كانت دورتي الفارماكولوجي والاو تي سي اون لاين علي الترتيب منقذا لي لاستعادة مكانتي مره اخري كدكتوره صيدلانيه بعد انقطاع تاااااام عن كل مايخص الصيدله دام لاكثر من خمس سنوات بعد التخرج ثم الزواج ثم الحمل والولاده ورعاية البيت والاولاد وهي فتره ليست بقليله بل كفيله انها (تنسي الواحد اسمه )…وعندما عزمت علي البدء من جديد في استرجاع معلوماتي كان الامر في غاية الصعوبه والتعقيد ،فالكثير من الكتب العلميه والصيدلانيه موجود علي النت وكل كتاب لايقل عن الف صفحه ولكن ليست هذه هي المشكله…ولكن المشكله كانت ان ذاكرتي اصبحت خاليه من اي معلومه تخص الصيدله لدرجة انني كنت لا اتذكر ما معني (اوتاكويدز)..وكان مايشعرني بعظم كارثتي اكثرهو تبدل الحال عن سابقه لاني والحمد لله كنت من المتفوقين خلال سنوات الدراسه بالكليه وايضا خلال فترات التدريب الصيفي التي بدأت من اعدادي صيدله والجميع كانوا يشهدون لي بالكفاءه والتميز مما اهلني ان اكون مسئوله عن شيفت كامل داخل الصيدليه وانا لازلت طالبه ..ولان ربنا سبحانه وتعالي واسع الكرم ويهب المنحه من قلب المحنه قدر لي ان اري اعلان الدورات علي (اليوتيوب) ومن ثم السؤال عليها والاسراع في طلبها ..وما ان وصلتني الي باب بيتي وفتحت محتواها حتي انبهرت بكم المعلومات الموجوده وطريقة الشرح الرائعه وطريقة العرض الحديثه (الخريطه الذهنيه والبريزي ) والاهم من كل ذلك ان هذه الدورات تتيح لي التعلم في الوقت والمكان والمعدل المناسب وتتيح لي تكرار شرح المعلومه وقتما اشااء… ومن وقتها والحمد لله وانا مواظبه علي التعلم يوميا والتفاعل مع زملائي الافاضل علي جروب الفرست فارماكولوجي الذي اكسبني الكثير من الخبرات واهداني الكثير من الاصدقاء الرائعين علميا واخلاقيا وحثني علي السعي وحضور دورات اخري لايف ،والحمد لله تبدل الحال للاحسن وكأن كورسات دكتورنا الفاضل د/احمد الجويلي كانت نقطة تحول وانطلاقه كبيره بالنسبه لي والحمد لله…..واهمممممم ميزه تتميز بها هذه الدورات هي (ربط العلم بالحياه العمليه ) فعلا فعلا والله ،اصبح التعلم سهل وممتع وميسر في اي وقت بدون تعقيدات ، ومن يرغب ان يشاهد بنفسه عليه مشاهدة الرسائل الصيدلانيه المصوره والمحاضرات المجانيه علي موقع الجروب او علي قناة الجروب علي اليوتيوب …واخيرا اود ان انتهز الفرصه واتقدم بخالص الشكر لكل من قدم لي المساعده من زملائي الافاضل علي الجروب واخص بالشكر د/عمرو القاضي ، د/تامر شاهين ، د/امنيه عفيفي ، د/محمد عطيه ، وطبعا طبعا د/احمد الجويلي مصدر الطاقه والابداع لنا جميعا ..ادعو الله ان يزيدكم من علمه وفضله ويجعل مجهودكم في ميزان حسناتكم ويرزقكم الاخلاص في القول والعمل وينفع بكم ويسدد خطاكم .

horizontal-36856_640

محمد سعد

قبل كتابتى لهذة السطور القليلة وبعد طول تفكير فى كيفية اعطاء صاحب هذا العمل العظيم حقة ماوجدت غير ان اقول وبأختصار بارك الله لك يادكتور احمد فيما قدمت لنا من علم وتعلم . واحب ان اقول اننى شرفت بحضور Advanced Condensed OTC Course  فى عام 2011
وبحق اقدم الشكر للدكتور احمد الجويلى على ما افادنى به من معلومات لاحصر لها
واحب ان اشكرك ايضا على مجهودكم الرائع بخصوص رسائل صيدلانيه يوميه
فقد غيرت الكثير بالنسبة لمعلوماتى الصيدلانيه
واخيرا احب ان انصح زملائى الصيادلة وخصوصا طلاب كلية الصيدلة
لو حابب تتعلم فارما بطريقة مبسطة وترتيب وفهم مبسط وسهل

عليك بدراسه applied pharmacology

اوعدكم هتحسوا بفرق كبير وحب للفارماكولوجى

محمد سعد

horizontal-36856_640

كريم كمال

ببساطة شديدة انا كطالب في كلية الصيدلة اقدر احكم علي الدورة دي من خلال وقفتي في الصيدلية قبل وبعد الدورة .. قبل الدورة كنت بقدر اقرا الروشتات و اطلعها عادي جدا بس ما كنتش حاسس اني كدة دكتور مكنش عندي المعلمومة اللي اقدر ازودها للمريض او عندي بس خايف تكون غلط يعني كانت شغلانة سهلة ملهاش اي علاقة بالصيدلية

لكن بعد الدورة , الحمد لله , فهمت حاجات كتير ما كنتش فاهمها و معلومات كتير اقدر اقولها للمريض معلومات كنت متأكد منها و شغال بيها و طلعت غلط و معلومات كتير اتعلمتها في الكلية بس ما كنتش عارف استخدمها فين و ازاي ببساطة (عرفت ازاي ابقي دكتور)

كريم كمال 2

horizontal-36856_640

إبراهيم محمد عبد القادر 

بالنسبه للكورس الخاص بالدكتور احمد الجويلى فهو من افضل الكورسات الى ممكن اى طالب يستفيد منها فهى تحتوى على معلومات مبسطه وسهلة والاهم انها فى الصميم وتفيد كل من يسمعها ويكون منها معلومات قيمه تنفعه مباشره فى الحياه العمليه. وما افيدها اذا اقتناها الدارس مبكرا .انا عن نفسى اتعلمت منها كثيرا جدا وفتحت لى افاق جديده فى الاستمرار فى العمليه التعليميه حتى بعد انتهاء الدراسه ..

إبراهيم عبد القادر 2

horizontal-36856_640

أحلام حسن

 منذ أول التحاقنا بكلية الصيدلة كان لدينا شغف مستمر لدراسة مادة الفارماكولوجي بسبب ما كنا نسمعه دائما من زملائنا الأكبر سنا أن تلك هي المادة اللي ستجعل منك صيدليا حقيقيا ولكن بعد ان تم تدريسها لنا بالفعل لم يكن الواقع بتلك الصورة وبعد مشاهدة واقع ممارسة المهنة في أكثر من مكان كانت الفجوة بين الدراسة و العمل تزداد يوما بعد يوم إلي أن وصلت ذروتها بالنسبة إليّ للدرجة التي جعلتني أجد أنه من المستحيل أن أحقق المعادلة الصعبة دون أن أضطر أحيانا إلى تجاهل ما درسته …. ولكن بفضل الله بدأت الرؤية تتضح من جديد بعد حضورنا لدورة الأوتيسي لأستاذي أحمد الجويلي و هنا وجدت أنه من الممكن أن أمارس المهنة كما تعلمت دون الإخلال بمبادئي لأننا تعلمنا متى نتعامل مع الحالة بمنتهى الاحترافية عندما يستدعي الأمر و متى نقوم بتحويل المريض إلى الطبيب عندما يجب أن يتوقف دور الصيدلي عند مرحلة معينة ليقوم بإفساح المجال لتكملة باقي المنظومة الطبية من خلال دور الطبيب … وبعد ذلك قررت أن استزيد من العلم فقمت بإقتناء دورة الفارماكولوجي أون لاين و وجدت فيها ما كنت أبحث عنه منذ أن كنت طالبة و هو ربط العلم بالواقع المهني في نفس الوقت بالكيفية التي تجعل نسيان المعلومة شيئا ليس سهلا …. وبعد مشاهدتي لهذه المحاضرات وجدت نفسي أصبحت أتحدث بلغة الفارماكولوجي في كل شيء ولذلك خرجت مني تلك الكلمات كتشبيه مجازي لما رأيته من مستوى رفيع لم أجد مثيله في كل المحاضرات و الدورات التي قمت بحضورها من قبل .

.. If we want to describe Dr.Ahmed El-Gewaily by using pharmacology language; we can say that : The antagonism between Dr.Ahmed El-Gewaily and other lecturers on the students’ targets of lectures action is….. a Non-competitive pharmacodynamic antagonism, i.e. there is noooo competition at all, as he acts on an ion channel rather than the receptor sites at which other lecturers can act on….so whatever they do , they cannot compete with him and he has the upper hand to exert the desired effect

أحلام على

horizontal-36856_640

 داليا عسل

 من الاخر كدة الكورس ده  OTC زادنى جراءة و ثقة انى انزل اتدرب ف الصيدلية و انا فااااهمة مش حافظة و دى اول مرة اكون فى محاضرة و افهم و بطريقة ممتعة و شيقة فى نفس الوقت . فى كورس (OTC) فهمت ازاى اربط بين الحياة الدراسية والعملية , عرفت اللى مش ممكن اعرفة فالكلية يعنى ازاى اشخص المرض من خلال اعراض المريض المصرى وكمان عرفنى على عالم الادوية بطريقة سهلة و اكيد ان شاء الله هفعلها مع التدريب , دلوقتى عرفت ازاى ممكن اكون دكتورة فاهمة

horizontal-36856_640

شهيد أحمد

دوره otc في رأيي اعتمدت كليا علي طريقه العرض بالاضافه الي المحتوي ولكن. طريقه العرض من اجمل الطرق اللي شوفتها لحد دلوقتي وكم من واحد عنده العلم ولكن مش بيقدر انه يوصله بالطريقه المناسبه انما مع دكتور احمد الجويلي كان العرض جميل جدا وانا والمعلومه اتعرضت بسلاسه والاجمل طريقه التمثيل والحوار في توصيل المعلومه
(مع دكتور احمد الجويلي هتمزمز ميراندا وانت بتابع المحاضره)

شهيد أحمد 2

horizontal-36856_640

إكرام داوود 

بسم الله الرحمن الرحيم بجد باقة الدورات اللى تشرفت وحضرتها لدكتور احمد الجويلى افادتنى جدا جدا لانها زودت معلوماتى جدا و بدأت اطبقها من اول يوم حضرت فيه الكورس وبقيت اقدر اوصف كويس اوى و كسبت مصداقية كبيرة جدا بين الناس لان بالفعل الوصف بيجيب نتائج فعالة وانا بانصح الطلبة والخريجين انهم يقتنوا الباقة و بجد مش هيندموا و كمان يتابعوا الرسائل الصيدلانية اللى بيقدمها دكتور احمد الجويلى اللى بجد انا بستفيد من خبرته كل يوم و بدعيله ربنا يوفقه .. و من نجاح لنجاح ان شاء الله

horizontal-36856_640

أحمد خليل

بصراحه الواحد بعد مااخذ دوره ال otc حسيت انى دكتور صيدلى فاهم شغلى وانى اتعرف على واحد زى الدكتور احمد الجويلى دى كفايه باسلوبه الشيق وطريقته المميزه

أحمد خليل

horizontal-36856_640

محمد شكرى 

الدورات ممتازة للي لسه بادئ حياته المهنية و تعتبر أساس بأسلوب سهل و مميز…فيها كلام ناتج عن خبرة ليس يسهل الحصول علي بعض المعلومات من خلال القراءة ولكن الخبرة تضع تاجا فوق المعلومات

النظرية والتاج متوج بتاج أخر و هو أسلوب الدكتور أحمد الجويلي (الدكتور الصيدلي الذي يستحق اللقب واللي تعب علشان يوصل للمعلومات دي ويوصلها للي بعده) …

horizontal-36856_640

أحمد عماد الدين

Advanced Condensed OTC course, your gate to obtain long-term experience in a short period of time . First of all , I would like to introduce to you one of the most interesting, humble and knowledgeable men I have ever seen, “Dr.Ahmed El-Gewaily”. According to my own experience through attending the Advanced condensed OTC course under the leadership of Dr.Ahmed El-Gewaily, I have learnt a lot through pharmacy management , dealing with different patients with different characters with different disease types and what is the the best optimum solution to treat the patients on both care and business values. OTC drugs are meant to be the drugs that are dispensed on the counter and can be safely prescribed to the patient by a pharmacist through different diseases such as headache, GERD, acne, gastric ulcer, constipation, diarrhoea, epistaxis, auto-immune diseases such as(psoriasis & rheumatoid arthritis), bacterial and viral tonsillitis, otitis(fungal or bacterial),rheumatoid fever, diabetes, anaemia, dehydration, urinary tract infections, liver diseases, allergic diseases, even andrology diseases and more. This course is simply a condensed long term experience taken in a short period of time to maximize the effect of all pharmacists and to advance their skills through differentiating between the Drug-Drug interactions, Food-Drug interactions, contraindications and warnings. Moreover, it also simplifies for you the best pharmaceutical drugs with its different generic names that are available in different pharmaceutical companies which stands through the market that give the optimum pharmaceutical treatment based on the compliance of the patients that used them, in other words it simply discusses the “tips and tricks” and how to deal with critical and urgent cases that can knock on the door of your pharmacy at any time. For me, this course was actually a very interesting, beneficial and entertaining at the same time especially if it is taken under the leadership of Dr.Ahmed El-Gewaily. You should take it, you will not regret it.

أحمد عماد الدين 2

horizontal-36856_640

وفاء مصباح صقر

السلام عليكم..

ازيك يا د.أحمد حبيت أشكرك على المعلومات الرائعه والاسلوب الشيق في شرح الotc بصراحه الواحد استفاد منها جدا جدا جدا خصوصا ان طريقة توصيل المعلومة سهله ومبسطه وشيقة ومختصرة……حضرتك فعلا بتدي المعلومه اللي محتاجها الصيدلي دون افراط أو تفريط …..جزاك الله عنا ألف خير …..وأنا في انتظار الاصدار الثاني من الدورة في القاهره ان شاء الله أحضرها المره دي.و للأسف نظرا للظروف وضيق الوقت أنا لسه ماشفتش محاضرات الفارما لكن أكيد هتكون رائعة زي الotc.أجمل حاجه ان المعلومه بتثبت مش بتتبخر زي الكيمياء وياريت دكاترتنا في كلية صيدلة يعرفو ان فعلا أسلوب الشرح وطريقة توصيل المعلومه بتفرق كتيييييييييييييييييييير أوي مع الطالب وبتخرج طالب فاهم محب لكليته ومهنته مش طالب حافظ عشان يمتحن وبس لا بيستفيد ولا بيقدر يفيد المجتمع.

horizontal-36856_640

كريستين ألبرت

استفدت من مواضيع كتير فى حياتى العملية واهم ما استفدت منه كان عن Dermatology, Haematology , Orthopedics , RT , ENT , pediatrics , Andrology , Gynaecology , GIT, UT .. , حقيقى باتمنى ان الكل يقدم على حضور الكورسات المفيدة دى فعلا لانها هتفرق فى حياتكم العملية كتير .. و شكرا ..

horizontal-36856_640

أحمد عليان

في كلية صيدلة و باتكلم بالاخص عن كلية من الكليات العريقة زي كلية صيدلة جامعة اسيوط اللي بتفتقد الربط بين الحياة العملية والكلام النظري اللي موجود في الكتب والمحاضرات ونلاقي بعد لما نتخرج انا احنا مطالبين اننا نشوف الحياة العملية اللي ما درسنهاش في الكلية وده على حسب النصيب اننا نقع مع دكتور صيدلي شاطر ويبدا يعلمك حبه حبه وتاخد وقت كبير في الموضوع او تشتغل مع واحد واقف في الصيدلية ممكن يكون مدرس في الاخر وطبعا معلومات مش على اساس علمي بالمره . أما مع الدورة اللي اتشرفت اني حضرتها في اسيوط لاقيت الموضوع بيختصر عليا حاجات كتييييييييرة واسئلة بسألها لنفسي : يعني مثلا في النظري يقول ان الدوا الفلاني مفيد في حالات كذا كذا انما الجرعة كام ؟؟ الله اعلم , .. طيب ايه الموجود منه في السوق ؟؟ الله اعلم .. انما الحالة في الكورس مشروحة من بداية المريض بيجي ازاي الصيدلية والاسئلة اللي بتسئلها انت كصيدلي اللي تخلي المريض يحس فعلا انك دكتور مش “صبي صيدلي” ويبدا يثق فيك ويقعد يحكي لغاية لما تعرف كل الاعراض وبعدها تعرف ازاي تتعامل معاه ما بين ” اه ده يروح لدكتور كذا “, لا ده” ممكن ياخد كذا ” ومش كدا وبس لا كمان تتعامل ازاي من الناحية النفسية اللي ممكن تاثر في العلاج بشكل كبير وده دور الصيدلي الحقيقي اللي مش بنتعلمه في الكلية …وقعدت مع نفسي قلت يمكن علشان بذاكر على ادي فروحت لاوائل دفعتنا لاقيت زيي تقريبا استااااااااااااااااااااااذ في المذاكرة وكده انما ميعرفش الدوا في السوق ازاي !! .. الدورة بتخليك تحط رجلك على اول الطريق وبتختصر عليك وقت كبير جداا واللي بالطبع تخليك متميز عن زمايلك

أحمد عليان

horizontal-36856_640

محمد رفعت 

ابغض دخول المدرج بالكليه لحضور المحاضرات المنهجية , مش عارف ليه يمكن عشان الاسلوب او الماده العلميه او طريقه عرضها بحس ان الكلام ال بيتدرس شيء و الواقع العملى و المجال الصيدلى شيء اخر ! أما – و على النقيض مع الدورة – حسيت ان الكلام ده هوا اللى بيفيدنى و يزود معلوماتى كدكتور صيدلى فاهم شغلى , عمرى ما مليت اثناء الكورس , بل كنت شغوف انى اسمع اكتر واستفيد ,, والحمد لله قدرت اربط بين الحياه النظريه فى الكليه والحياة العمليه فى الصيدلية

محمد رفعت 2

horizontal-36856_640

رضوى على رضوان

من الكورسات الرائعة ال اخدتها و اثرت فيا جامد و استفدت منها هو كورس د/ أحمد .. محتواها العلمى ممتاز , تناول مواضيع كتيرة مهمة و بنتعرضلها كتير فى الصيدلية , و طبعا دكتور احمد أفادنا بخبرته ف الصيدلية وبالمواقف الى اتعرض لها طريقة العرض : مفيش احسن من كده وعجبنى جدا البريزى (اللى هو أجدد من الباوربوينت) و لفت نظرنا كلنا جديد و فكرته مبتكرة اسلوب د/ احمد كفاية لوحده انه يخلينى احضر الكورس ده .. اسلوب يشدك و يخليك تسمع له كويس وتستوعب كل كلمة بيقولها حتى لو بيتكلم بسرعة .. انا حضرت محاضرات كتير و قليل , .. بس ما استفدتش زى ما استفدت من شرح د\ احمد .. بس كنت أتمنى إن يكون وقت الكورس يبقى اكتر من كده بس بقى الظروف هى اللى حكمت .. ربنا يباركله يارب وينفع الناس بعلمه وعمله ويجعله ف ميزان حسناته .. وان شاء الله ده كله هيبقى صدقة جارية ليه , .. و اتمنى لو فيه كورس مكمل ليه إنى آخده , .. و نصيحة لاى طالب صيدلة او خريج انه ياخد الكورس ده او الديفيديهات بتاعته .. لانه هيفرق معاه كتير و فيه ربط كبير بين الحياة العملية و بين اللى درسناه ف الكلية و اللى احنا مانعرفش درسناه ليه !! يمكن بمعلومة واحدة تنقذ حياة بنى ادم جالك الصيدلية .. ربنا يكرمك يا د/ احمد و بالتوفيق إن شاء الله ..

horizontal-36856_640

عمرو إسماعيل

السلام عليكم ورحمة الله وبركاته كلمة شكر وعرفان بالجميل .. و من لا يشكر الناس لا يشكر الله كلمة حق أشهد بها .. شكرًا د أحمد الجويلى جزاكم الله خيرا .. بعد أخذى لدورتى الفارما و الـ “أو تى سى”بنظام “أون لاين” , أشعر بتجدد الدماء فى عروقى , و أشعر بقيمتى الصيدلانية و مدى فاعليتها فى المجتمع , .. و ذلك رغم خبرة أكثر من عشر سنين إلا أنى كنت أحتاج الدورتين فعلا .. و يعلم الله إنى استفدت كثيرا جداً منهما , و التطبيق كان سريعا جداً على الحالات التى أقابلها حاليا و بدأت قطف الثمار سريعا و أحتسب عند الله و أنا أفيد المرضى و أعالج بعض الحالات و أنصح الآخرين و أبث الأمل فى الجميع.. و الأجر والثواب منه سبحانه وتعالى .. ثم العائد المادى .. أنا يا د أحمد فى إنتظار بشغف الجزء الثانى من دورة الـ “أو تى سى” ولك منى كل الحب والتقدير ..  أخوك/ صيدلى عمرو إسماعيل أحمد – جامعة الأزهر 2000 جيد جداً مع مرتبة الشرف – الشرقية

amr

horizontal-36856_640

أميرة عادل 

” أحسن حاجة ف الكورس ده .. أنك بتحس أنك قاعد ف الصيدلية و فى مدرج الكلية ف نفس اللحظة .. يعني بتاخد مادة علمية و بتاخد خبرة عملية .. و بالنسبة لى أنا شايفة ان ده أسلوب التدريس الصحيح .. و اللى خسرنا كتير أننا متعلمناش بيه م البداية .. بتعرف أهم حاجة تميزك كصيدلي عن أى حد واقف ف صيدلية بأى شهادة تانية .. بتعرف تطلع إيه إمتى و إزاى بأسس علمية مش بالتعود و خلاص .. خلاصة خبرة ناس كتير فى سنوات طويلة بتوصلك ف ساعات معدودة .. “

horizontal-36856_640

مروة أنور نصر

• تعد هذه الدورة إحدى أقيم و انفع الدورات التي حضرتها .. لقد استفدت منها الكثير في حياتي العملية و العلمية كما أضافت لي الكثير عن كيفية التواصل مع المرضى .. إن حضوري هذه الدورة و اقتنائي للـDVD الخاص بها ساعدني كثيرا على التغلب على عقبات معينة كانت قد واجهتني … الشكر كل الشكر لمن قام على تفعيل هذه الدورة الرائعة و لمقدمها د/ أحمد الجويلي كل التقدير و الاحترام

مروة أنور نصر

horizontal-36856_640

أحمد ممدوح على

الكورس بجد مفيد جدا لأى طالب عشان ينزل الصيدلية , و عاوز يطبق اللى درسه نظريا فى الكلية و يقدر يقدم patient counseling كويس .. و بجد استفدت كتيييير من الحالات اللى حضرتك كنت بـ”تمثلها” .. و طبعا المعلومات اللى حضرتك قدمتها ممكن أى حد يقولها بس بجد أسلوب حضرتك فى الشرح مشوق و مميز كده ..

أحمد ممدوح على 2

horizontal-36856_640

7 responses to “قالوا عن الباقة

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s