كشف أسرار مسابقة الجروب الأخيرة


تعالوا مع بعض , نناقش المواضيع اللى جات فيها أسئلة مسابقة الجروب , لعام 2013 .. و نشوف كده كام معلومة ممكن نطلع بيها ان شاء الله ..

01 (Large) copy (Large)

السؤال الأول : ..

Mainly for productive cough in geriatrics :

a) Ultrasolv syp.
b) Tussivan syp.
c) Sinecod syp.
d) Selgon supp
e) None of the above

لازم نكون عارفين قبل الإجابة على السؤال ده , إن الناس العواجيز , بيبقى صعب عليهم إخراج البلغم عن طريق الكحة , فالأفضل دايما عندهم إننا ندوب البلغم فى مكانه , من غير ما نتعبهم أكتر باستخدام طارد البلغم .. و عشان كده , احنا بنستخدم “مذيبات البلغم” , زى ألتراسولف شراب (الاختيار الأول) اللى بيحتوى على 3 حاجات ممكن يذيبوا البلغم ..

Oxomemazine + Guaifenesin + Carbocysteine

و ده حيكون من أفضل الخيارات اللى ممكن نستخدمها فى السن الكبير , طالما مفيش موانع لاستخدامه عند المريض ..

السؤال الثانى : ..

The following case should be referred to a hematologist :

a) Aplastic anemia
b) Rheumatoid arthritis
c) Haemophilia
d) Thalassemia
e) All of the above

دكتور أمراض الدم و المناعة , مش بيتعامل مع حالات الأنيميا و بس .. لكن بيتعامل كمان , مع حالات الروماتويد “مرض مناعى فى الأصل” , و مرض زيادة سيولة الدم .. أو الهيموفيليا يعنى .. و عشان كده , فالإجابة هى الاختيار الأخير

السؤال الثالث : ..

Headache can be managed in pregnant women by :

a) Paracetamol
b) Indomethacin
c) Ergotamine
d) benzhexol
e) physostigmine

الصداع عند الست الحامل , المفروض نتعامل معاه بحرص شديد جدا , لإن الاستخدام غير الواعى للمسكنات مع الحامل , ممكن يؤدى لإجهاض أو تشوهات لا قدر الله .. و عشان كده , فلازم نقول إن الدوا الآمن للحالة دى , هو الباراسيتامول بالتحديد .. يعنى الاختيار الأول ..

شوف محاضرة كاملة , عن الأدوية أثناء الحمل , من هنا

السؤال الرابع : ..

Catafast sachets :

a) Safe during pregnancy
b) Effervescent granules
c) Powerful analgesic for teeth pain
d) Can be adminstered by peptic ulcer patients
e) Same composition as voltaren tab.

أكياس كاتافاست من أقوى و أسرع المسكنات اللى ممكن استخدامها لعدد كبير من المرضى .. و لكن لازم نقول عليها شوية حاجات .. أولها إنه غير آمن أثناء الحمل .. و ثانيها إنه لما بيتحط فى المية , مش بيدوب و لا بيفور .. و من الأفضل إنه ما يستخدمش مع مرضى قرحة المعدة , لإنه مسكن قوى , بيؤثر على إنزيمات COX المسئولة عن حماية المعدة , .. و طبعا بيكون مختلف فى تركيبه شوية , عن الفولتارين .. لإن الفولتارين بيكون عبارة عن ديكلوفيناك صوديوم .. أم الكاتافاست (و الكتافلام برضه) , عبارة عن ديكلوفيناك بوتاسيوم .. و على كده , فالإجابة هى الاختيار الثالث ..

السؤال الخامس : ..

Blurred vision can be a sign of :

a) Glaucoma
b) Hypertension
c) Brain tumor
d) Anemia
e) All of the above

لما ييجى لنا حد فى الصيدلية , عنده زغللة , ما ينفعش إن يكون كل تعاملنا معاه , هو إننا نحوّله على طبيب العيون , لإن المشكلة ممكن ما تكونش فى العين خالص .. و من المفروض علينا إننا نسأله شوية , عن السبب المحتمل , و اللى ممكن يكون أى سبب من الأسباب اللى تم ذكرها فى السؤال ..

الجلوكوما أو المية الزرقا .. ارتفاع ضغط الدم .. ارتفاع ضغط المخ (الناتج عن ورم فى أغلب الأحيان) , أو حتى الانيميا , اللى بتسبب نقص وصول الدم و الأكسجين بكفاءة للعين , .. كل الحاجات دى تسبب زغللة .. و عشان كده , الإجابة هى الاختيار الأخير ..

السؤال السادس : ..

Tramadol :

a) Is an OTC drug
b) Has a voltaren-like action
c) Synthetic opioid
d) Causes no addiction
e) All of the above is true

الترامادول عبارة عن “بلوى مسيحة” .. قوى جدا , و لكن ممكن يسبب إدمان .. حقنة واحدة منه تساوى خمس حقن مورفين .. و هو مشتق صناعى منه , و بيشتغل على نفس مستقبلاته تقريبا .. و على ذلك , فهو بيسبب إدمان طبعا , و مش بيخرج بدون روشتة داخل الصيدليات على الإطلاق .. و ده المفروض يعنى .. و عشان كده , فالإجابة الصحيحة هنا , هى الخيار الثالث ..

السؤال السابع : ..

White patches on the tongue can be :

a) viral
b) fungal
c) bacterial
d) autoimmune
e) All of the above

الطبقة البيضا , اللى بتبقى على اللسان عند الأطفال الصغيرين , أو الكبار أحيانا , بيبقى سببها التهاب فطرى .. و بيكون علاجها , هو مضاد موضعى للفطريات , زى نيستاتين أو ميكوستاتين .. أو ميكوناز أو دكتارين جيل .. , و على كده , تكون الإجابة الصحيحة هى الاختيار الثانى

السؤال الثامن : ..

The optimum first aid technique for hypertensive crisis in the pharmacy is to adminster sublingually:

a) Capotril 25 mg tab
b) Natrilix tab
c) Lasix 40 mg tab
d) Concor 10 mg tab
e) Any of the above

كان زمااااااااان , يقول لك لو عاوز تلحق مريض ضغطه مرتفع قوى , اديله حقنة لازيكس .. لكن دلوقتى الدنيا اتطورت , و بقى الحل السريع , هو إنك ترمى – تحت لسانه – قرص كابتوبريل 25 مجم , و ساعتها , حتلاقى الضغط اتظبط شوية .. و لو فضل عالى بعد ربع ساعة , ممكن ترمى – تحت لسانه برضه – قرص تانى .. و تاخده فى تاكسى و تطلع بيه ع المستشفى عشان يظبطوه أكتر ان شاء الله .. و على كده , فالإجابة الصح هنا , هى الاختيار الأول ..

السؤال التاسع : ..

Otitis media cases can occur due to :

a) GERD
b) Knee pain
c) Hepatitis
d) Dehydration
e) None of the above

الارتجاع المريئى , ممكن يسبب مشاكل كتير , أولها السعال أو الكحة , و التهاب البلعوم أو الحنجرة , تآكل الأسنان , و التهاب الجيوب الانفية , و كمان التهاب الأذن الوسطى .. و كل ده بسبب إن الحامض المعدى , بيخرج من المعدة , و يمشى فى المسار ده كله , لحد ما يوصل للودن عن طريق قناة استاكيوس .. و فى الحالة دى , بيكون الحل عند طبيب الباطنة , مش طبيب الأنف و الأذن و الحنجرة .. و عشان كده الإجابة هى الاختيار الأول

كل المعلومات دى يتم ذكرها بفضل الله , فى المستوى الاول و الثانى من دوراتنا فى الـ OTC , و تتم تغطيتها فى دورة الـ Applied Pharmacology بتوسع و احترافية بفضل الله ..

اسمع الملف الصوتى ده , و ابقى قول لى رأيك🙂

2 responses to “كشف أسرار مسابقة الجروب الأخيرة

  1. جزاك الله خيرا والهدف الاساسى من المسابقة هى المعلومة ولو تكون مسابقة كل 3 شهور مثلا يبقى كويس وتكون جوائز رمزية والمسابقة الكبرى فى المناسبات كما تفعلون – لك تحياتى

  2. الله يجزيك الخير يارب … مناقشة رائعة بأسلوب علمي مبسط جدا ..الله يعطيك العافية دكنور ^_^
    بانتظار المزيد بإذن الله

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s