اشترك الآن فى برنامج The mission الجديد


برامج كتير قامت فكرتها على المسابقات بين أشخاص عاديين عندهم مواهب غنائية أو غير غنائية , و يتم تصعيدهم فى تصفيات يشوفها عدد كبيييييير , لحد الوصول للنهائى و الفوز باللقب ..

كلنا ممكن نكون شفنا الفكرة دى , فى برامج زى : Arab’s got talent و X-Factor و Arab idol و Fear factor extreme و The voice و صوت الحياة .. و طبعا كان أبوهم الروحى فى القصة دى (على حد علمى) هو برنامج Star academy ..

د عمرو خالد منذ فترة فى تقديم نفس الفكرة فى برنامج بروح جديدة , و كان اسمه “مجددون” , و للأسف مفيش أجزاء تانية تم تقديمها لسبب مش معروف .. و الكلام ده من قبل الثورة ! ..

احنا بقى , نوينا نقدم حاجة زى كده .. و لكن للصيادلة و طلبة كلية الصيدلة فقط .. يشترك فيه كل الراغبين إن شاء الله , و يكونوا هما السبب فى انتشار البرنامج على الفيسبوك و غيره , عن طريق إن المتسابق نفسه يبلّغ أصدقاؤه و معارفه ع الفيس , بإنه بقى عضو فى البرنامج و إنه محتاج تصويتهم له , للاستمرار فى المسابقة , و إنه يتصعّد لمراحل و مستويات أعلى ..

و بكده يبقى كل متسابق بيشارك بنفسه فى نشر فكرة البرنامج , بشكل يخلي أى شركة (نفسها توصل لكل جمهور الصيادلة على الفيسبوك) تتمنى إنها تشارك فى البرنامج و تبقى من الرعاة الرسميين له .. بإذن الله ..

و المتسابقين فى الحالة دى حيكتسبوا خلال شهرين فقط , كم كبيييييييييييير جدا من المهارات الأساسية لهم فى حياتهم العملية , زى القدرة على عمل search محترف , و القدرة على العمل الجماعى , و تحمّل الضغط النفسى و الوقتى .. إلخ إلخ .. بجانب الشهرة و الأضواء اللى حتتصاعد مع كل مرحلة ^_______^ .. و فى الآخر , الفائز النهائى حيكون له جايزة عمره ما كان يحلم بيها (و مش موبايل , عشان انا سامع الكابتن اللى ورا كان بيقولها فى سره ^_______^) .. حنعلنها قريب إن شاء الله ..

و كل المتسابقين حيكسبوا بعون الله , حاجات غير المهارات اللى حيكسبوها .. حاجات عينية .. ممكن تكون بالنسبة لهم تهنئة على وصولهم للمراحل المتقدمة ..

البرنامج مدته شهرين , يقوم على 7 مراحل , يجرى تجهيزهم حاليا إن شاء الله .. و كل مرحلة مدتها أسبوع .. 3 أيام لتجهيزها من المتسابقين و 3 أيام للتصويت عليها من الجماهير (لإن الجمهور هو الحكم الوحيد) و يوم لإعلان النتيجة و استبعاد أقل المتسابقين فى عدد الأصوات , و إعلان استمرار المتسابقين اللى فاضلين ..

 

Cover page

 

الفرق بين فكرتنا و بين الأفكار اللى بتتنفذ فى برامج التليفزيون , هو إن فكرتنا تكاليفها قليلة , و مش بتعتمد على التليفزيون فى الأصل .. و كمان – و ده الأهم – إن الهدف من وراه نبيل و غالى , و هو خلق كوادر صيدلانية متميزة , يتم تسليط الضوء عليها , خلال شهرين بس إن شاء الله .. و ده – بصراحة – هو هدفى الرئيسى من ورا البرنامج ذى الـ 60 يوما !! ..

كل متسابق أو مشترك , حيبعت لنا بياناته (صورته الشخصية “6*9” – السيرة الذاتية الخاصة بيه – و أى حاجة عاوز يضيفها) , بس الكلام ده عند الإعلان عن بداية البرنامج إن شاء الله ^_^ ..

أنا عاوز كل واحد بيقرا الكلام ده دلوقتى , يتخيل نفسه لما يوصل للمراحل النهائية أو يوصل للجايزة النهائية (اللى عمرك ما حتقدر تتخيلها ^_^) .. و مش كده و بس .. ده انا متأكد إن سطر زى اللى جاى ده , ممكن يفرق معاك جامد جدا , لو اتحط فى أى C.V. او اتفتح عليه كلام فى أى شركة , رايح تعمل فيها Interview .. السطر هو ..

“وصلت للمرحلة الـ (خامسة) .. (مثلا) فى برنامج “The mission” , الشهير اللى تمت إقامته فى فبراير و مارس لعام 2013″ ..

دى حيبقى معناها لأى شركة أو فى أى إنترفيو , إنك متعدد المهارات (اللى قلنا عليها) , بجانب إنك تقدر تسوّق لنفسك كويس , و بتتميز بالإيجابية و الالتزام .. و حاجات تانية كتير , .. أى شركة ممكن تكون بتدور عليها فى اللى المفروض يشتغلوا معاها .. المسألة مش مجرد شهادات زى ما قلنا ..

و زى ما كل الناس علقت على فكرة المسابقة اللى فاتت , و إننا نقدم جايزتها “موبايل قيمته حوالى 1000 جنيه” (هما مش 1000 جنيه قوى يعنى ^_^) , و قالوا إن ده “هبل فى الجبل” !! .. و إننا مش حننجح فيها , و إن مفيش حد حيتفاعل و كده .. و فى الآخر , ربنا أكرمنا بنجاح فى المسابقة دى , عمرنا ما كنا نتخيله , و ربنا فتح لنا من خلالها آفاق عمرنا ما كنا نحلم بيها .. نفس الفكرة فى البرنامج ده برضه .. الناس بتقول إنهم فى إجازة و مش حيبقى فيه إيجابية من الصيادلة ولا الطلبة .. و لكنى مراهن على حماسكوا و قدرتكم على “إدهاش” الآخرين !! ..

و متأكد إنكم مش حتخذلونى ..

 

اشترك معانا دلوقتى (كمتسابق أو مشجع) , بالطريقة دى :

 

أولا : اضغط لايك لصفحة البرنامج على الفيسبوك

 

https://www.facebook.com/ThePharmacistsMission

 

ثانيا : اضغط على Get notifications بالطريقة دى , عشان تحصل على آخر أخبار البرنامج يوم بيوم , عن طريق الصفحة و تتابع أخبارك كمتسابق , أو أخبار متسابقك المفضل

 

facebook-get-notifications

 

ثالثا : انشر الرابط و بوستات الصفحة فى كل مكان على قد ما تقدر , لجذب أكبر جمهور للفكرة , و تحقيق الهدف من ورا البرنامج خلال فترته بإذن الله .. و هو خلق كوادر صيدلانية متميزة , تكتسب مهارات رائعة , و يكون الحكم للناس عليها من حيث جودتها و روعتها إن شاء الله ..

 

تابعونا على الجروب , و اللى ناوى يشترك معانا , يكتب نيته فى كومنت هنا , يعمل لايك .. بس ما يعملش شير دلوقتى .. خلّى الشير لوقته بعدين .. اتفقنا ؟؟

و لو حد عنده أى سؤال .. أنا تحت امره ..

باحبكم ..

أحمد ..

10 responses to “اشترك الآن فى برنامج The mission الجديد

  1. اللهم كن معنا بعونك واكتب لنا النجاح والتميز بفضلك فأنت الموفق والمعين
    اللهـــــــــم زدنا علما وعلمنا ما ينفعنا ووفقنا لنشر ما علمتنا اياه ….🙂
    اسما

  2. لو ده جنااااااااااااااااااااااااااااان هتجنـــــــــــــــــــــــــــــن هههههههههههههههههههههههه

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s