معانا .. حتنسى 8 حاجات


إذا قمت الآن بحجز دورتنا , و اقتنائها , حتقدر (بجدارة) تنسى 8 حاجات و تلغيهم من قاموس حياتك إن شاء الله ..

تصميم الإعلانات الجديد copy

الملل من أكتر الحاجات اللى بتخلّى عدد كبير من الحاضرين فى أى محاضرة أو ندوة أو دورة , أو ما شابه .. إنه يسيبها و يمشى !! .. المحاضر ممكن يكون معتاد , مش بيهزّر أو بيقول حاجة تضحك … و المحاضرة تكون دايما جد فى جد .. و ساعتها , مهما كانت المعلومات شيقة , الحاضرين ممكن يناموا برضه ..

لكن عندنا بفضل الله ..

الموضوع ده مدروس للدرجة اللى تخلينا نتعمد إن مفيش 20 دقيقة تمر فى أى محتوى بنقدمه إلا و يتم تطعيمه بفكاهة أو طرفة مناسبة , من غير تكلّف أو استذواق !! .. و ده بيكسر حاجز الملل تماما بفضل الله ..

eeeeeeeeeeeee

  و من أكتر الحاجات اللى ممكن تبعد أى فرد عن فكرة اقتناء الكورسات أو حضور الندوات , هو سعرها اللى يبدو للمتلقى إنه مبالغ فيه .. لإنه لم يدرك قيمتها , أو لإنه اتلسع قبل كده من كورسات كانت غالية جدا و لكنها كانت دون المستوى , فعشان كده , ممكن يقرر إنه ينفخ فى الزبادى ..

و لكن عندنا بفضل الله ..

الموضوع مختلف .. لإنه بيضمن لك رجوع حقك بالكامل فى حالة عدم استمتاعك بالمادة المقدمة و فشلك فى اجتياز اختبار تقييمى نهائى .. , بجانب إن القيمة المادية المطروحة للكورس , كانت مناسبة لكل اللى حصلوا معانا عليه .. بشكل خلاهم يتصلوا بينا فيما بعد , للسؤال على إصداراتنا القادمة بإذن الله ..

eeeeeeeeee

أسوأ شىء فى التقديم لأى دورة أو اقتناء أى كورس , هو إنك ما تكونش واثق فى المحاضر اللى حيقوم بالتدريس .. و كإنك بتشترى سمك فى مية !! .. و الموضوع ده بيخلّى عدد كبير من اللى عاوزين يطوّروا نفسهم , يخافوا جدا قبل الإقدام على خطوة زى دى .. و للأسف , تلاقى معظم الأماكن (غير المتمكنة أو غير الواثقة فى ما تقدمه) , تمتنع عن نشر عينات أو محاضرات كاملة للمحاضرين الموجودين فيها , و ده بيزوّد الشك أكترو و أكتر ..

و لكن عندنا بفضل الله ..

تقدر تشاهدنا بنفسك (مجانا) بسهولة شديدة , قبل ما تقرر إنك تقتنى دوراتنا فى الباقة الخاصة بكل صيدلى متميز .. و ده عن طريق الضغط على الروابط الآتية ..

مقاطع من محاضرات دورة

Advanced Condensed OTC Course

.. September 2011

In Alex

تساقط الشعر

http://www.youtube.com/watch?v=bm73asGAVg8

الاكزيما

http://www.youtube.com/watch?v=3cd6a_GeBr0

الأنيميا .. نبذة مختصرة كى نفهمها ..

http://www.youtube.com/watch?v=AlyGJTXlBxc

عن الإسهال الفيروسى ..

http://www.youtube.com/watch?v=HrV7GPz1VPE

عن الأدوية التى تؤثر على الوظيفة الجنسية بالسلب ..

http://www.youtube.com/watch?v=XCb7Uag3jJU&feature=relmfu

————————————-

و محاضرة كاملة , عن الأدوية أثناء الحمل 

http://www.youtube.com/watch?v=9h7e1dHTE9I&feature=relmfu

ee

تكدس المعلومات و صعوبتها , من الأشياء اللى بتخلّى أى حد يطفش من إنه يطوّر نفسه فى دورة أو ندوة أو حتى محاضرة واحدة .. و الخوف من النسيان , أو النسيان نفسه , لكل المعلومات دى , هو الناتج الطبيعى من التكدس ده .. خاصة إن المعلومات بيتم عرضها على الحاضرين فى الغالب , على هيئة “جزر منعزلة” .. و على الجميع إنه يبدأ فى الحفظ و التلقين و خلاص زى أيام الكلية .. و ده طبعا إلا ما رحم ربى ..

و لكن عندنا بفضل الله ..

اعتمادنا فى أسلوب الشرح , بيعتمد على ما يسمى بتقنية “ترتيب أوراق الدومينو” .. لما تترتب كل المعلومات فى سلسلة طويلة سهلة , كل معلومة فيها تمهد للى بعدها , بشكل يخليك تحفظ معلومة واحدة بس من كل 10 معلومات مثلا , أو تستنتجهم كلهم بالفهم بأسلوب شيق يبتعد تماما – بفضل الله – عن الحفظ و التلقين

eeeeeeee

فى معظم الأوقات , تلاقى اللى بيحضر ندوات أو كورسات بيكون متحمس جدا فى البداية , و لكن بعد كده , تلاقيه بدأ “يخسّع” و يكسل بشكل ملحوظ .. أو ينهى الدورة اللى بدأها , و بعد كده يركنها عنده فى كشاكيل أو ينسى اللى فيها , و “يأنتخ” و يفضل على حاله , من غير ما يكون طوّر نفسه باللى استفاده , أو يشتغل بيه .. و ده بيضيّع كتير من فايدة الدورة , أو الندوة ..

و لكن عندنا بفضل الله ..

المحتوى اللى بنقدمه مش مجرد علم بحت يتلخص فى شوية معلومات جنب بعضها .. و لكنه كوكتيل من خبرة حياتية و مواقف مرينا بيها , بجانب عدد كبير من نصايح التنمية البشرية , و الدلائل على إن مهنتنا دى مهنة عظيمة , و احنا قادرين على إننا نستعيد عظمتها تانى زى زمان .. و ده بيخلّى اللى يحضروا معانا أو يقتنوا باقتنا , يتحولوا لدينامو بشرى , يقدر يعمل المستحيل فى مهنته بإذن الله ..

eeeee

بعض الكورسات بتسلّم الحاضرين بلوك نوت و قلم جاف , عشان يبدأوا ينقلوا كلام المحاضرين , أو يكتبوا من على السبورة .. و فى الآخر , كل الورق ده بيكون مصيره فى الغالب , هو ورا ضرفة من ضرف البوفيه أو النيش !! .. لإن استرجاع المعلومة من الورق هو صعب فى الأول و فى الآخر .. و ده بيخلى ناس كتير تبعد عن فكرة حضور أو اقتناء الكورسات ..

و لكن عندنا بفضل الله , ..

المعلومات تطبيقية بحتة .. يعنى مش حتحتاج ورقة و قلم علشان تفتكرها .. لإنك حتطبقها بنفسك فى الصيدلية فى أقرب وقت .. فحتفتكرها بطريقة عرضها , و بالفكاهة اللى اتقالت معاها , و بتعبير وشى أثناء إلقائها .. و كل الحاجات دى , حتخليك بتستمتع بالباقة , و كإنك بتتفرج على فيلم درامى شيق (زى تيتانيك مثلا أو أفاتار) , أو كإنك بتتابع رواية جامدة , لدكتور نبيل فاروق , أو لدكتور أحمد خالد توفيق ..

eeee

كل ما أقابل صيدلى , ألاقيه بيشتكى “مر الشكوى” من موضوع انعدام الثقة فى الصيدلى .. المريض بيثق فى الطبيب و فى الممرضة و فى جاره خريج كلية التربية أو الآداب , و يستشير كل دول بخصوص صحته .. لكن تتكلكع الدنيا لما النصيحة أو المشورة تطلع من بق الصيدلى .. و تلاقى المريض فى الغالب بيختم الحوار بكلمة “ع العموم أنا كنت ناوى إنى أروح أكشف أحسن” .. فتحس إن المريض بيثق فى طوب الأرض , لكنه لا يثق فيك !! ..

لكن عندنا بفضل الله ..

بعد ما اقتنى عدد كبير من الصيادلة باقتنا فى الـ OTC و الـ Pharmacology , اتغيرت حياة كتير منهم للأفضل , و عرفوا قيمة إن الصيدلى يكون مطوّر نفسه , و استغلوا ده مع مرضاهم , للدرجة اللى خلت ثقة المرضى فيهم تتضاعف بشكل ملحوظ , من بعد مشاهدة الباقة بالكامل مباشرة !! .. و ده هدفنا .. و هو استعادة ثقة المريض المصرى فى الصيدلى المصرى .. و ان شاء الله حنحقق الهدف ده خلال أقل من 5 سنين .. و ربنا ييسر الحال ..

eeeeeee

آخر حاجة بقى , و هى المعضلة اللى كتييييييير بيقابلوها فى الكورسات الحية أو حتى فى دورات الأونلاين بنظام البث المباشر !! .. و هو إن الحاضرين ممكن عدد منهم ينام من كتر التعب و الإجهاد .. و فى الحالة دى , صعب إنه يستفيد باللى بيتم تقديمه .. و تبقى كارثة لو الموضوع استمر بالشكل ده , لعدد من المحاضرات , لإن ده معناه إن صاحبنا كان جاى يقضى وقت نومه داخل المحاضرات ..

لكن عندنا بفضل الله ..

نظام الأونلاين اللى بنقدمه , بيضمن لك إن تشاهد الدورات بالمعدل المناسب ليك .. فى الوقت المناسب ليك .. و المكان المناسب ليك .. عاوز نصيحتى ؟؟ .. انا دايما بانصح , بإن اللى حيقتنى باقتنا , يشاهد منها 45 دقيقة يوميا , قبل النوم مباشرة , عشان يحقق أقصى استفادة , لإن ده بيخلّى العقل الباطن يشتغل على الـ 45 دقيقة دول , و يفضل يعيد و يزيد فيهم أثناء النوم , و كإنها مذاكرة من غير مجهود , و ده بيثبت المعلومات اللى بتتم دراستها جدااااااا ..

———————————————————

نحن نقدم إليك ثلاث دورات منفصلة , تتكامل فيما بينها , لتتعرف على كم كبير من العلم الصيدلانى الممتع فى أكثر من 50 ساعة ..في 3 ديفيديهات على هيئة فيديوهات مسجلة بجودة عالية صوت و صورة يمكنك مشاهدتها بالمعدل المناسب في المكان المناسب  ..

الأولى : فى علم الـ OTC .. و كيفية التعامل المحترف داخل الصيدلية ..

فى 18 ساعة مكثفة , نتناول مناقشة أكثر الحالات الشائعة , و التى ترد إلى الصيدلية بشكل يومى و متكرر .. و نتعلم كيفية التعامل معها , ضمن 10 تخصصات طبية مختلفة .. متى نقيم الحالة و نعالجها ؟؟ .. و متى نقرر تحويلها إلى الطبيب ؟؟ .. و ما التخصص المناسب لهذه الحالة ؟؟ .. مثلا , متى يحتاج مريض التهاب الأذن الوسطى أن يذهب إلى طبيب أمراض الباطنة ؟؟ .. و متى يحتاج الذى يعانى من ألم ركبتيه , أن يذهب إلى طبيب أمراض الدم و المناعة ؟؟ .. و هذا من أهم ما نقدمه ..

و ضمن ما نقدمه أيضا , كمّ هائل من النصائح التى يجب عليك أن تقدمها لمريضك فى الصيدلية , للحصول على أفضل فائدة من العلاج الذى يتناوله .. و تجنب أهم الأضرار و الأعراض الجانبية الخاصة به ..

التخصصات :

أول يوم : جلدية / مسالك / عظام ..

ثانى يوم : باطنة و جهاز هضمى / أنيميا ..

ثالث يوم : أنف و أذن و حنجرة / صدر ..

رابع يوم : أمراض ذكورة / أمراض نساء / أطفال ..

تتسلم داخل الدورة أيضا , كل المراجع التى تم تحضير الدورة منها , و 5 أعداد من مجلة الجروب (صورة المجلات) , التى تعتبر مرجعا خاصا فى كيفية التعامل المحترف داخل الصيدلية .. كل ذلك كهدية إضافية ..

شاهد المزيد على الرابط

الدورة الثانية : بعنوان Applied Pharmacology .. لتطبيق علم الفارماكولوجى داخل الصيدلية ..

فى هذه الدورة , نلتقى لأكثر من 22 ساعة (فى 15 محاضرة) , لنستمتع بعلم الفارماكولوجى الرائع , و نناقش أهم مبادئه و أساسياته , بأسلوب يربط بين المعلومة الأكاديمية , و الواقع العملى داخل الصيدلية , و منهجية سلسة و مبسطة , تبتعد عن التعقيد و الحشو الزائد ..

فى المحاضرتين الأولى و الثانية , نمهد بمقدمة لذيذة للأمر , .. و فى المحاضرات 3 و 4 و 5 , نستمتع بفهم الجهاز العصبى الذاتى أو Autonomic Nervous System

و فى محاضرتين تاليتين , ندرس كيفية عمل 5 مواد داخل الجسم و مشتقاتهم و هم الهيستامين / السيروتونين / الأنجيوتنسين 2 / أكسيد النيتريك / البروستاجلاندينات و الليوكوترايينات ..

ثم ندرس على التوازى و حتى نهاية المحاضرات الجهازين العصبى و الدورى , بأسلوب أكثر من مشوق و مفيد .. إلى أن نختم بمتعة الفهم و التلقّى , فى محاضرة مرض السكرى و النقرس ..

و ملحق بالساعات المصورة بجودة عالية , ملخّص يدوى لأهم المحاضرات بتقنية الخريطة الذهنية (صورة الخريطة الذهنية – الصرع) , و تفريغ مكتوب بصيغة “بى دى إف” لكل المحاضرات (صورة من التفريغ) , يمكنك من طباعته إن كنت من هواة القراءة الورقية ..

شاهد أجزاء من المحاضرة الخامسة على يوتيوب .. على الرابط الآتى ..

و الآن نقدم لك أيضا الإصدار الثالث لنا , و هو دورة  OTC As It Should Be , و التى تعتبر المستوى الثانى من دورة الـ OTC , .. تحتوى على 12 ساعة إضافية من العلم التطبيقى جدا , فى تخصصات و حالات لم يتم عرضها فى المستوى الأول من الدورة Advanced Condensed OTC Course ..

كم هائل من الموضوعات الجديدة الي تم تناولها في هذه الدورة

على سبيل المثال و ليس الحصر :

الصداع .. و إزاى ممكن يكون مرض فى حد ذاته , و إزاى يكون عرض لمرض تانى !! ..

الارق .. و الناس اللى مش بتعرف تنام كويس , و إزاى تقدر تنام فى أقل من 45 ثانية فى الوقت اللى تحبه😉 ..

مقويات الذاكرة .. للناس اللى مش مركّزة , و بتنسى كتير , و تيجى لك أيام الامتحانات عاوزة تفتكر أكبر قدر من المعلومات🙂 ..

طنين الاذن .. و أسبابه المحتملة , و إيه آخرى معاه داخل الصيدلية , و أسرار كتابة بعض الأدوية له , برغم كونها لاستخدامات أخرى أشهر منه !! ..

حالات الرمد : الزغللة بقى و وجع العين و المياه البيضاء و الزرقاء و التهاب الملتحمة و الكيس الدهني .. و غيره كمان🙂 ..

التدخين و كيفية التوقف عنه , بدون أدوية , ببرنامج الـ 27 يوم تفصيليا , و تأثير ده على أمراض كتير بالإيجاب

السمنة .. و أهم الأخطاء الشائعة عند محاربتها , و آخر الطرق لقياسها و التغلب عليها إن شاء الله ..

آلام الرقبة .. و أسبابها الـ 3 الأشهر المختلفين , و كيفية التغلب عليهم بسهولة إن شاء الله ..

الانزلاق الغضروفي .. و أهم النصايح اللى نوجهها لمريضه فى مراحله الأولى , و كيفية التفريق بالـ History بس , و أخطر الأخطاء الشائعة اللى ممكن ننصح بيها المريض بغير علم !! .. و أهم الادوية اللى بتتوصف عند الطبيب بخصوص الحالة طبعا

الكساح .. و خطورة حقن فيتامين د بالتفصيل , و أفضل الطرق للتغلب عليه على المدى الطويل ..

الشوكة العظمية .. فهمها كويس , مع فيديو رائع يلخّص الحدوتة فى دقيقتين ..

التهاب الزائدة الدودية .. و كيفية التعرف عليها فى لحظات , و خطورة إعطاء مسكنات فى الحالة دى ..

.

حمو النيل و كيفية التغلب عليه فى فصول الصيف ..

.

تشقق الكعبين , و كيفية التغلب عليه فى فصول الشتاء ..😀 ..

.

و غيرها من المواضيع الشيقة .. بالاضافة لجزء خاص بالاسعافات الأولية و شرح متميز لها بشكل متخصص للصيادلة فقط : في هذا الجزء سيتم مناقشة كيفية التعامل في الحالات الطارئة و حالات الاغماء (لو واحد وقع قدّامك فى الصيدلية أو أى مكان , تفكّر إزاى بسرعة و شكل منطقى و ممنهج) و الحروق و التسمم و الحساسية و الاختناق …

….

شاهد Sample مجانى من الدورة , على الرابط الآتى ..

.

و بذلك تكتمل باقتنا Learn Pharmacy At Home , بفضل الله , فى 3 ديفيديهات مضغوطة , فى 50 ساعة و أكثر ..

للحصول على الباقة تفضّل بمشاهدة تفاصيل الاقتناء و طرق الدفع في هذا الرابط

http://wp.me/P2YNXX-1E

مع تحياتي

أحمد الجويلى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s