من كلاسيكيات التنمية البشرية


classics

من الكلاسيكيات فى التنمية البشرية

بس بأسلوبنا !!

.

.

.

.

.

.

.

.

.

قرر مدير أحد شركات الأحذية , إنه يبعت 2 مندوبين للشركة فى بلد أفريقى , عشان يشوف ظروف السوق هناك لو حبّوا يصدروا لها أحذية فى المستقبل .. و طلب منهم إنهم يجهزوا تقرير مكتوب بعد 3 أيام من دراسة السوق هناك

و نتيجة اختلاف طريقة تفكير كل واحد فيهم , جات طريقة كتابة التقرير مختلفة تماما , بالرغم من إن الظروف اللى شافوها فى البلد الأفريقى إياه , واحدة !!

الأول كتب فى يأس : الناس فى البلد دى ما بتلبسش جزم .. حضرتك عارف ده معناه إيه ؟؟ .. يعنى فرصتنا فى النجاح فى البلد دى منعدمة .. باقول لك : ما بيلبسوش جزم خالص !! .. 

أما التانى , فكتب فى حماس : الناس فى البلد دى ما بتلبسش جزم .. و ده معناه إن فرصتنا فى النجاح خرافية لو قدرنا نعرّف الناس على الثقافة الجديدة دى , اللى هى لبس الأحذية , بمجرد ما نقول لهم ع المزايا بتاعة استعمالها , أكيد حينبهروا .. و ساعتها حنكسب دهب يا افندم

و طبعا واحد منهم اترفد , و التانى اترقّى !!!

و كل ده بسبب طريقة التفكير الإيجابية اللى صاحبنا التانى فكّر بيها .. و اللى خلّت ظرف ما , مهما كان سىّء فى عيون الآخرين , إلا إنه قدر يستغله لصالحه و يطلّع منه كل المكاسب اللى يقدر عليها ..

و دى نصيحتى المتواضعة ليك .. أيا كان الظرف اللى بتمر بيه , دوّر دايما ع الحاجة الكويسة اللى فيه .. و لو ما لقيتش دلوقتى , قول “لعله خير” , صدّقنى , بعد فترة بسيطة حتلاقى الحكمة بتظهر لك من وراه .. و كإن ربنا بيثبت لك إنه كان خير فعلا بالنسبة لك !!

أحمد الجويلي

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s