معلومات سريعة عن مرض الصدفية


الصدفية مرض جلدى .. ذاتى المناعة .. يعنى الجسم و مناعته هى اللى بتكون السبب فيه .. خلايا الـ T-Cells الموجودة تحت الجلد فى مناطق معينة , بتبدأ تخلى خلايا الجلد تنمو بشكل سريع , و تكمل دورة نموها بشكل غير طبيعى فى 7 أيام , بدلا من 28 يوم .. فالجلد يظهر بشكل غير ناضج لدرجة كافية , و يكون فيه ألم و فوقه قشور بيضاء و ممكن يكون فيه هرش أحيانا ..

مرض الصدفية ممكن يظهر فى أى عمر .. و لأى جنس , و بأى درجة فى أى وقت للأسف .. و عشان كده , لازم نلتزم بإنه مرض غير معدى , و نبنى على ده إننا من المحبب إننا نسلّم على المريض بإيدينا بشكل قوى , لتعويضه عن الشعور بالألم النفسى اللى بيحسّ بيه لما الناس بتتجنب إنها تسلّم عليه لما تشوف إيديه عاملة إزاى بسبب المرض , و يفتكروا إنهم ممكن يتعدوا منه ..

5c8e73d7812ec4de68fc70f7464b826d

الصدفية أنواعها كتير جدا .. و ممكن تظهر فى أماكن مختلفة فى الجسم .. و لكن الشائع إنها بتظهر فى الأماكن اللى فيها احتكاك أكتر .. و مع كده , ممكن نلاقيها بتظهر فى فروة الراس , أو داخل قناة الأذن , فى حالات نادرة .. و تشخيصها بيكون صعب فى الحالات اللى زى دى ..

الصدفية مرض مناعى .. و عشان كده , ممكن الأطباء يضطروا لاستخدام مثبطات المناعة المختلفة , و على رأسها الميثورتريكسات , للسيطرة على حدة المرض أحيانا .. و لكن دى مش الحالة اللى يتم التصرف فيها صيدلانيا , دون استشارة الطبيب .. الحالات الأهون من كده , ممكن نتصرف معاها بحرص عن طريق النصايح اللى حنقولها فى الآخر , بجانب استخدامنا لبعض الدهانات المميزة , اللى جابت نتيجة مع عدد كبير من المرضى ..

من أهم الدهانات دى , “ألوريد” , و اللى اخترعته د. أغاريد الجمال .. من مصر .. و متواجد بالسوق المصرى بقيمة 16 جنيه بس .. و فيه صمغ عسل النحل , بجانب مستخلص الصبار .. و دول لهم تأثير مذهل على بقع الصدفية الموجودة فى الجسم بإذن الله ..

الصدفية ممكن تمتد – لو لم يتم علاجها بشكل صحيح – لحد ما توصل للمفاصل , و تعمل حاجة اسمها psoriatic arthritis , بتكون خطيرة جدا , و تشابه فى شكلها مرض الروماتويد , لتشابه السبب المرضى بينهم ..

الصدفية علاجها – زى ما قلنا – المفروض يستمر مدى الحياة .. و عشان كده , حابين ننبه ع النصايح اللى المفروض نقولها للمريض , و هى :

أولا : المريض لازم يرتّب نفسه على إن المرض مزمن إلى حد ما .. يعنى مش زى دور البرد اللى ممكن يخف منه بعد يومين تلاتة , بجانب إن علاجه بياخد وقت لحد ما يجيب نتيجة .. و عشان كده , لازم نقول له : بلاش يأس .. و الامل فى الله دايما موجود ..

ثانيا : ممنوع على المريض منعا باتا استخدام الكورتيزونات .. د. حامد عبد الله (أستاذ الجلدية و الذكورة بالقصر العينى) – الله يمسّيه بالخير – كان دايما بيقول ان استخدام الكورتيزونات الموضعية للصدفية غلط خالص .. أما استخدامها على هيئة أقراص بالفم , مع مريض الصدفية , فهو جرييييييييمة ..

ثالثا : جفاف الجلد عامل من عوامل زيادة حدة المرض .. كل ما كان الجلد رطب بشكل سليم , حنلاقى الشفاء بييجى أسرع بعون الله .. و ده من خلال حاجتين , أولهم الحفاااااااااظ على شرب الميّة بشكل منتظم و كااااافى لترطيب الجلد من الداخل .. يعنى 2 لتر ماء يوميا أو أكثر .. و ثانيهم تجنب تعرض الجلد من الخارج للماء و إنها تتبخر من عليه بدون تنشيف سريع بفوطة ناعمة ..

رابعا : استخدام الكريمات المرطبة , أيا كان سعرها , شىء مهم جدا و مفيد لمريض الصدفية , للحفاظ على ترطيب الجلد زى ما قلنا ..

خامسا : التعرض المنتظم لأشعة الشمس النافعة (اللى بتكون قبل الظهر , أو بعد العصر) .. عشان نقلل (بالأشعة فوق البنفسجية) من نشاط الخلايا الموجودة تحت الجلد , و اللى بتسبب زيادة نموه بشكل غير سليم , ..

سادسا : الاهتمام بالحالة النفسية .. دايما بنقول لمرضى الصدفية اللى بيتابعوا معانا : كل ما تكون مبسوط , تلاحظ إن المرض بينحسر .. أما لو اكتأبت , فتأكد إن المرض حيكمّل عليك لا قدر الله ..

شوف الفيديو ده , عشان الدنيا توضح أكتر قدام عينيك إن شاء الله

فى نهاية كلامنا , حابين نكون قدّمنا حاجة جديدة بخصوص الصدفية , و يا ريت تشوف رسالتنا المصورة عنها , من داخل صيدليتنا من هنا

و لو عجبك الكلام .. ما تنساش تضغط شير , قبل ما تمشى بقى ..

تحياتى ..

د. أحمد الجويلى

10 responses to “معلومات سريعة عن مرض الصدفية

  1. بجد ربنا يحميكو ويكرمكو انا مصاب لمرض الصدفيه واستفد جدا وانا فعلا بقاوم المرض برغم ان مافيش اى تحسن ولكن النفسيه الجيده له عامل وتاثير قوى ضد المرض المؤذى هذا اشكركم جدأااااااااا

  2. الحقيقة بارك الله فيكم وفي جهودكم وجعل كل ما تقدمونه في ميزان حسناتكم آمين
    أنا دفعة١٩٩٤ ووالدتي دفعة١٩٦٨ والحقيقة
    بنستفيد مما تقدمونه
    علماً إن والدتي كانت تُدرس في معهد التمريض
    كلية العلوم الصحية حالياً بالكويت) في فترة الثمانينات إلا إنها دائماً تقولي إن دائماً هناك جديد
    وتحرص على الإستزادة منه وأنا كذلك
    فبارك الله فيكم وأعانكم على تقديم كل ماهو جديد ومفيد ويجعل من الصيدلي يقوم بواجبه نحو مجتمعه
    جزاكم الله خيراً

  3. أشكركم عَلي الفديو البسيط الرائع٠ وبالرغم من انني لست طبيبه ولكني أحب ان اثقف نفسي بمعرفة نوع وحقيقة المرض الذي أعاني منه٠انا بأخذ حاليا نوعان من الكريمات وسوف أستشير طبيبي بالعلاج بالصبار حيث انني أحبذ العلاجات بالأعشاب الطبيعيه٠ جزاكم الله كل خير علي التوضيح السهل الممتنع

  4. انا بشكركم جدا على مجهودكم الرائع . انا مريض بصدفية اﻻظافر منذ ثﻻث سنوات وتركت عملى وﻻ استطيع العمل او المشى بسبب اﻻم اﻻصابع . ومؤمن ان المرض والشفاء من عند الله . من فضلكم افادتى على اﻻميل ان كان هناك ملتقى دعم نفسى لمرضى الجلدية باى مستشفى حتى اكون مع اشخاص مثلى متفهمون . ﻻنى لﻻسف اتعرض لمواقف سيئة جدا بسبب مرضى

    • اهلا بيك يا سيدى الفاضل , و ألف سلامة ليك .. برجاء التواصل معانا على الإيميل ده

      augpharma@gmail.com

      أو بالبحث عنه ثم التواصل ع الفيسبوك .. و هو أفضل لنا .. و لكن أرجو فى كل الحالات أن تشاهد الفيديو ده

      • ممتاز جدا ربنا يكرمكم على مجهودكم . وفعلا حصل معايا كتير فعلا انى كنت فى صيدلية والصيدلى ميرداش ياخد الفلوس مباشرة منى وبيستنى لحد ما بمشى واول ما بطلب الدواء بﻻقيه حذر جدا ومنتبه فجاة ومتوتر وصاحب الصيدلية فى مرة رد لى اعتبارى بانى ﻻقيته بيسلم عليا بحرارة واتكلم معايا شوية فى مرضى وقالى انه عارف انه مش معدى .بس لﻻسف دة بنى ادم واحد متفهم ناهيك عن تجربة اﻻدوية الغير نافعة والتشخيص الخاطئ من قبل دكاترة الجلدية وقلة كﻻمهم ( خد اﻻدوية دى وابقى تعالى يوم كذا )
        ربنا يزيدكم من علمه ويبارك لكم فيه

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s