إزاي أطوّر نفسي كصيدلى ؟؟| الجزء الثاني


self-improvement-checklist-mindmap

السلام عليكم و رحمة الله و بركاته 

كتير باستقبل الاتصال ده اليومين دول ..

– السلام عليكم .. د أحمد ؟؟

– و عليكم السلام و رحمة الله .. أيوة يا افندم , تحت أمرك 

– أنا كنت عاوزة حضرتك فى طلب

– عينينا

– مش عارفة آخد كورسات إيه فى الصيدلة , عشان أبقى صيدلانية شاطرة

– تمام يا ستنا .. الموضوع بسيط إن شاء الله

– إزاى ؟؟

و أبدأ فى شرح بعض النقاط سريعا , رأيت أنه من الأفضل أن أجمعها هنا فى بوست سريع يوفر عليكم الوقت و دقائق الموبايل أيضا 

الأمر بيعتمد على حاجتين .. 

أول حاجة : إحنا واقفين فين ؟؟

يعنى خلفيتنا العلمية حجمها بالتقريب كام ؟؟ .. تديها كام من عشرة ؟؟ .. طوّرت نفسك قبل كده إزاى ؟؟ .. خريج من إمتى ؟؟ .. إيه المواد اللى شايف نفسك قوى فيها ؟؟ … و إيه المواد اللى شايف نفسك ضعيف فيها ؟؟ .. أخدت كورسات قبل كده أثناء الدراسة ؟؟ .. طب بعد الدراسة ؟؟ 

دى بتكون أول حاجة لازم نعرفها .. 

أما تانى حاجة فهى : إحنا عاوزين نروح فين ؟؟

إيه الهدف ورا تطوير نفسنا ؟؟ .. عاوزين نبقى فى أنهى “كارير” بعد الكورسات دى ؟؟ .. هل الهدف هو التطوير عشان العمل فى الصيدلية ؟؟ .. ولا الهدف هو تغيير المجال من الصيدلية لحاجة تانية ؟؟ .. العمل فى شركة مثلا .. أو السفر للخارج .. أو المصانع .. أو التكليف .. أو معامل التحاليل … أو أو أو … على حسب المكان اللى نفسك تشتغل فيه .. 

و على حسب إجابة السؤالين دول , بنحدد أهم الحاجات اللى ناقصانا عشان نكمّل نقاط الضعف اللى عندنا , و نحولها لنقاط قوة .. عشان نحقق الحلم بتاعنا ..

على سبيل المثال , فيه كورسات كتير ممكن تنفعنا .. أنا لو عاوز أروح شركة , المفروض أركّز على دراسة نظام الشركات فى المجال اللى انا حاشتغل فيه , عن طريق إنى أسأل اللى شغلوا المكان ده من أصدقائى المقربين قوى , عشان يقولوا لى الدنيا فيها إيه من جوه .. مزايا و عيوب و فنيات شغل و أسرار مهنة .. و بعد كده الكورسات المهمة اللى لازم تاخدها , بتاخدها فعليا بعد ما تتعين , .. (ده فى الشركات المحترمة .. مش عارف الشركات التانية ما بتدّيهاش ليه !!) .. زى مهارات التواصل و الإقناع و التفاوض و التقديم و البيع و التسويق .. بجانب كورسات متخصصة علمية فى الأصناف الدوائية اللى حتشتغل عليها طبعا .. 

أما بالنسبة للصيدلية .. و ده اللى أقدر أفيدك فيه أكتر , لإنى ما اشتغلتش فى شركات قبل كده , .. فالموضوع بيرتكز على أكتر من حاجة بجد

أولا : التمرين الذاتى .. تتمرن بنفسك على إيد دكتور فاهم و خبرة فى الصيدلة .. و لو ما لقيتش فى الصيدلية اللى حتتمرن فيها “ألأوبشن” ده , حنقول الحل كمان شوية  .. إن شاء الله

ثانيا : “تتمرمط” فى أكتر من صيدلية , فى أكتر من منطقة .. عشان تشوف مرضى أكتر .. و حالات أكتر .. و خبرة أكتر .. و تقرا أدمغة صيادلة و أطباء (حوالين الصيدلية) أكتر .. حتلاقى صيدلية جنبها أطباء فى تخصصات معينة … و صيدلية تانية جنبها أطباء فى تخصصات تانية .. و خبرتك حتزيد فى التخصصات دى شوية بشوية .. و ما تخافش من التجربة الجديدة .. كلنا بدأنا صغار .. الموضوع بييجى بالتدريج

ثالثا : اكتسب كل يوم معلومة جديدة على الأقل .. و طبقها فى مجال شغلك .. دى كانت نصيحة أخ عزيز .. و اكتشفت إنى كنت باطبقها من غير ما أقصد قبل كده .. بفضل الله أولا و أخيرا .. 

رابعا : الكورسات اللى المفروض بتاخدها بتتدرج طبقا لدرجة خبرتك الشخصية بمواضيعها .. و اللى تحس إنك نفسك تتميز فيه , احرص على حضور دوراته .. بشوية شروط حنقولها كمان شوية .. المهم المواضيع المهمة هى

  • مواد مهمة زى الفارماكولوجى و الميكروبيولوجى و الصيدلانيات و العقاقير
  • خبرات متراكمة زى كيفية الوصف الصيدلى , أو التعامل باحترافية مع أكثر الحالات شيوعا داخل الصيدلية
  • دورة الصيدلة الإكلينيكية .. 
  • دورة الإسعافات الأولية , لكيفية التصرف السريع للحالات الطارئة
  • الفارم دى
  • دبلومة الصيدلة الإكلينيكية بجامعة من الجامعات التى تقوم بتدريسها
  • البورد الامريكى أو الكندى أو ما شابهه .. 9 شهور من الدراسة التى تؤهلك لتكون صيدلى إكلينيكى فى مستشفيات مصر أو الخليج
  • ماجستير الصيدلة الإكلينيكية , و الدكتوراة فيما بعد

طبعا مش كل الحاجات دى بتلزمك عشان تقف فى صيدلية ببساطة .. و لكن ده التطور الطبيعى فى وجهة نظرى لحد عاوز يطور نفسه , بغض النظر عن كونه عاوز يستمر فى المهنة كصيدلى أو لأ 

أما الشروط اللى لازم تتوافر فى أى كورس عشان تاخده شوية حاجات

أهمها (أولا) الثقة فى مقدمين الكورس .. المحاضرين .. كانوا واحد أو أكتر .. لازم تكون متأكد من إنك حتاخد منهم معلومة ممكن تفيدك و يكون لها تأثير فى حياتك .. و يفضّل لو كانوا محترفين أو أكاديميين , بشرط تجربتهم بنفسك قبل كده , أو إن حد يشهد لهم بالكفاءة قدامك , قبل ما تتخذ خطوة حضور كورس أو اقتناؤه

ثانيها .. الالتزام بحضور الكورس نفسه .. لإن الكورس ما بيكونش عبارة عن شوية فلوس بتدفعها و تاخد بيها شهادة فى آخر الكورس و خلاص .. و ده ببساطة عشان الشهادة أصبحت الآن عديمة القيمة على كل المستويات .. و أى حد عاوز يوظّف أى حد , بيلقى نظرة واحدة على الشهادة , و بعد كده يلقى “ألف نظرة” على صاحب الشهادة , اللى المفروض يكون اكتسب كم كبير من العلم فى مقابل حصوله على الشهادة دى , و غالبا بيتناقش معاه فى المحتوى العلمى ده , قبل ما يتوظف فى المكان اللى المفروض يتوظف فيه .. و عدم جدوى الشهادة بيزيد لما اللى بيقدموا الكورسات “يوهموا” المتقدمين لحضور الكورس , بإن شهاداتهم لها قيمة , عن طريق اعتمادها من أماكن مالهاش أى تلاتين لازمة (بمجرد دفع فلوس لهم عشان يعتمدوها) مهما كان اسمها برّاق أو لامع

ثالثا .. المذاكرة .. لإن الاختبارات الصورية اللى بتاخدها فى أى كورس مش حتقيس حجم مذاكرتك .. و طبعا اللى حيقدموا الكورس مستحيل يخلّوك تدفع فلوس فى بداية الكورس (كقيمة الكورس) و فى الآخر ما تنجحش فى الامتحان , حتى لو كنت كاتب فى الاختبار آخر أغانى الأخت نانسى عجرم بدل الإجابات !!! .. و عشان كده , لو عاوز تستفيد , لازم تذاكر بجد .. بجد قوى

رابعا .. التطبيق .. اعرف كويس قوى , إن أى معلومة مش حتسخدمها فى مجال شغلك فى المستقبل القريب , ممكن تتخزن فى ذاكرتك , و لكن حيبقى مكانها “درج الكراكيب” .. و حتواجه صعوبة عظيييييمة فى إنك تفتكرها تانى ساعة ما تحتاجها , بغض النظر إن كان وقت احتياجها ده هو امتحان كتابى أو تطبيق عملى مباشر فيما بعد .. 

خامسا .. الحافز المناسب .. لو مفيش حافز , ابقى قابلنى لو فلحت .. دايما خلّى عندك الحافز اللى يخليك “تعضّ فى الأرض” من كتر الحماس و التفوق .. و بلاش يكون الحافز “منحط” زى المنافسة مثلا بينك و بين شخص معين , لإن بمجرد تغلبك عليه فى امتحان ما , الحافز حيفقد قيمته و حينتهى .. و ساعتها حتقع تانى .. لكن خلى حافزك عالى القيمة , و مستمر فى الزمن … زى إقناعك لنفسك بإن اللى بتدرسه ده ممكن ينقذ روح بنى آدم لو اتطبق صح فى الوقت المناسب .. و ده ثوابه لا يقدر إلا عند الله سبحانه و تعالى 

و لو الخمس حاجات دول بقوا فى دماغك .. , تأكد من إنك حتنجح فى اختيار الكورس المناسب لك , و حتنجح فيه إن شاء الله , كما لم تنجح من قبل ..

و برضه عشان نسهّل عليك السكة شوية .. لازم نقول لك , إن ربنا سبحانه و تعالى قدّرنا على تقديم نوعين من الدورات اللى اتكلمنا عنها فوق .. من الدورات اللى ممكن تفرق معاك كتيييييير قوى لو عاوز تحقق حلمك فى مجال الصيدلة , زى ما فرقت مع ناس كتيييييير , حضروا الكورسات دى أو اقتنوها بالطريقة اللى حنقول عليها حالا 

الدورة الأولى هي : Applied Pharmacology

و الدورة التانية في الأوتيسي تم تقديم مستويين منها بفضل الله :

  • المستوى الأول بعنوان : Advanced Condensed OTC Course
  • و المستوى الثاني بعنوان : OTC As It Should Be

الأولى أعدنا فيها شرح مادة الفارماكولوجى الصعبة بطريقة تخليك تستمتع بيها بجد .. و كمان ربطنا فيها الدراسة اللى درسناها فى الكلية , بالواقع العملى داخل الصيدلية .. الدورة (مصورة بجودة عالية .. على ديفيدى) تم تصويرها داخل الصيدلية .. فى 22 ساعة مكثفة .. “اتلككنا” عشان نربط اللى بيندرس “كمادة علمية جافة” بالواقع العملى اللى بنحتكّ بيه فى الصيدلية .. لما بنتكلم عن اسم علمى , بـ”نمدّ” إيدينا ع الرف اللى جنبنا و نتكلم شوية عن الدوا التجارى اللى بيحمل صفاته .. و نشرح شوية فى الدنيا بتاعته .. من أفضل ما أفتخر بيه مع ناس أخدت الكورس ده معانا , إن واحد منهم قال لى : يا جويلى , الكورس ده رجّعنى صيدلى تانى , بعد ما كنت بدأت أتحول إلى بياع بامبرز ..

و الدورة التانية هى الأوتى سى .. و اللى – بفضل الله – تم تقديم المستوى الأول منها أكثر من 41 مرة خلال 4 سنوات في أكثر من 19محافظة بفضل الله  , من 6 سبتمبر 2011  , تاريخ بداية جولاتنا بالدورة فى الأسكندرية .. و فيها بنستعرض أهم الحالات اللى ممكن نقابلها فى الصيدلية بشكل مستمر .. و نعرف إزاى نقدر نتعامل معاها باحترافية و فنية صيدلانية متميزة .. الدورة مدتها 18 ساعة  .. مقسمة على 5  أيام .. و دى ممكن تشوفوا رأى بعض اللى حضروها “لايف و أونلاين” على اللينك ده 

http://youtu.be/6X3r67TbTvk

أما المستوى التاني من الأوتيسي مدته 12 ساعة تقدر تشوف تفاصيله من هنا

http://wp.me/p2YNXX-dg

الميزة فى الدورتين دول , إنك تقدر تحصل عليهم بنظام الأونلاين .. المادة العلمية بتكون مسجلة .. صوت و صورة .. جودة عالية .. هاى كواليتى .. هاى ديفينيشن .. و معاها الورقيات الخاصة بيها و المراجع المهمة لها .. كل ده على ديفيدى .. بيكون محمى بكلمة سر , تضمن لك إنك تكون الوحيد اللى يستفيد بيها بإذن الله .. و التواصل بيكون موجود بيننا على مدار الـ 24 ساعة , طول أيام الأسبوع .. عن طريق الفيس .. لطرح أى أسئلة , أو الاستفسار عن أى حاجة .. بجانب إنك بتضاف على جروب مغلق بيكون خاص بالناس اللى أخدت الدورة فقط , بيكون عليها أكتر من 90 بالمائة من كل الأسئلة اللى ممكن تيجى على بالك بخصوص المحتوى العلمى للدورة أو خارجه .. و أنا باقوم بالرد على الأسئلة دى بإذن الله .. 

الديفيدى بيوصل لك “لحدّ باب البيت أو الصيدلية” بإذن الله , بعد أقل من 72 ساعة من حجز الدورة .. 

باختصار قامت الدورات دى بتغيير حياة اللى اقتنوها إلى الأفضل ..

يمكنك قراءة انطباعات بعض من اقتنوا الباقة خلال الفترة السابقة , من خلال هذا الرابط : http://goo.gl/gsBMvR

فى نهاية حديثى , أرجو أن أكون قد أوفيت و أنجرت (بالرغم من طول حجم المقال) .. و اعذرونى لكتابتى بالعامية , فقد وددت أن أكون كمن يحادثكم وجها لوجه , فى مقهى تحبون التواجد فيه , و أنتم تحتسون مشروبكم المفضل ..

و إذا أردتم اقتناء أحد الدورات التى نقدمها , ما عليكم إلا إرسال رسالة sms , على رقم 01008916220 , مكتوب فيها جملة : #أود_شراء_الباقة , ثم ضع اسمك الثنائى ..
و سيتم التواصل معك خلال 24 ساعة بإذن الله , لإيضاح كيفية إتمام الحجز ..

الآن شاهد بالفيديو أيضا .. 

الوصايا الـ 10 الذهبية للنجاح فى الصيدلية ..

الجزء الأول

http://youtu.be/BY9BocnQY80

الجزء الثانى

http://youtu.be/n8nUiyLV0IM

لو عجبك الكلام ده .. ما تنساش تضغط شير🙂

مع تحياتى .. و أحبكم جميعا

أحمد الجويلى

يمكنك قراءة الجزء الأول من هذا المقال بعنوان (إزاى أطور نفسى كطالب) من هذا الرابط  http://wp.me/p2YNXX-lc

7 responses to “إزاي أطوّر نفسي كصيدلى ؟؟| الجزء الثاني

    • الباقة الثلاثية ( شاملة الدورتين الاولى و التانية بمستوييها ) بقيمة 1740 جنيه فقط .. و للحصول عليها , ما عليكم إلا إرسال رسالة sms , على رقم 01008916220 , مكتوب فيها جملة : #أود_شراء_الباقة , ثم ضع اسمك الثنائى ..
      و سيتم التواصل معك خلال 24 ساعة بإذن الله , لإيضاح كيفية إتمام الحجز ..

  1. طب لو عاوز أحضر الدورتين دول (محاضرات) وليس أون لابن هيكلفوني كام ؟

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s