رسائل صيدلانية يومية من جديد :)))


1512570_10151769516706207_1881075829_n

انتظرونا يوميا بإذن الله , مع رسالة صيدلانية مصورة من زمان , و معلومة جديدة مكتوبة معاها إن شاء الله ..

رسالة رقم 01

إلى كل ‫#‏متابعينا_الجدد‬ .. اتفضلوا شاهدوا الفيديو , و قولوا لنا رأيكم ..

أما ‫#‏متابعينا_القدامى‬ .. و اللى شافوا الفيديو ده قبل كده , فخلينا نقول لهم إن استخدام بعض المضادات الحيوية بالفم , زى الأوجمنتين و الكليندامايسين , ممكن يسبب إسهال .. و ده مش حساسية , بقدر ما هو نتيجة القضاء على 90% أو أكتر من البكتيريا الموجودة فى الأمعاء , بشكل يسمح بنمو بكتيريا ضارة تانية اسمها Chlostridium difficile و اللى بيكون علاجها هو إيقاف المضاد الحيوى ده , و استخدام عقار الـ Vancomycin أو الـ Metronidazole , للقضاء عليه بشكل آمن إن شاء الله ..

و الكلام ده موجود بالتفصيل هنا برضه

http://www.infectioncontroltoday.com/news/2012/01/single-dose-of-antibiotic-can-increase-vulnerability-to-intestinal-infection.aspx

…………………………………………………………………………………………………………

رسالة رقم 02

إلى كل ‫#‏متابعينا_الجدد‬ .. اتفضلوا شاهدوا الفيديو , و قولوا لنا رأيكم ..

أما ‫#‏متابعينا_القدامى‬ .. و اللى شافوا الفيديو ده قبل كده , فخلينا نقول لهم إن أغلب الأشربة من المضادات الحيوية , المفروض إنها تتحط فى التلاجة بعد ما “تتحلّ” , و لكن المهم بقى إن فيه نوع مميز , ما ينفعش يتحط فى التلاجة , و هو ‪#‎Clarithromycin‬ , و الموجود فى أسماء تجارية كتير , زى ‫#‏كلاسيد‬ و ‫#‏كلاريميكس‬ , عشان لو عملنا كده , بنلاقيهم بيكلكعوا و يعمل Cake مش ظريف فى قعر الإزازة , يصعب تناول الجرعة معاه .. فالإزازة فى الحالة دى , بتتحط بره التلاجة , فى درجة الحرارة العادية خالص , و يتم استخدامها خلال 14 يوم من فتحها لأول مرة ..

و الكلام ده موجود بالتفصيل هنا برضه

http://www.drugs.com/cdi/clarithromycin-suspension.html

…………………………………………………………………………………………………………

رسالة رقم 03

إلى كل ‫#‏متابعينا_الجدد‬ .. اتفضلوا شاهدوا الفيديو , و قولوا لنا رأيكم ..

أما ‫#‏متابعينا_القدامى‬ .. و اللى شافوا الفيديو ده قبل كده , فخلينا نقول لهم إن من أهم النصايح اللى نقولها لمريض قرحة المعدة أو الارتجاع المريئى , هو إنه يمتنع عن تناول الأكلات اللى بتتعبه .. زى الحراق , أو المسبّك , أو التقيل ع المعدة .. و كمان الابتعاد التااااام عن المشروبات الغازية و الكحوليات , بجانب الابتعاد عن تناول مضادات الحموضة المعتادة بغزارة , لإن كل الحاجات دى بتسبب زيادة إفراز الحامض المعدى , بشكل يؤخر فعالية العلاج ..

…………………………………………………………………………………………………………

رسالة رقم 18

إلى كل ‫#‏متابعينا_الجدد‬ .. اتفضلوا شاهدوا الفيديو , و قولوا لنا رأيكم ..

أما ‫#‏متابعينا_القدامى‬ .. و اللى شافوا الفيديو ده قبل كده , فخلينا نقول لهم إنه بالنسبة ‫#‏للسؤال_الأزلى‬ .. عن العناب المنقوع و المغلى .. من فيهم يعمل على تنزيل الضغط ؟؟!! .. كل المراجع لم تذكر طريقة تحضير المشروب .. و على ذلك انبرى الجميع يساوون بين الطريقتين ‫#‏النقع‬ و ‫#‏الغليان‬ .. و كل المراجع ذكرت أن المواد الفعالة المسئولة عن تنزيل الضغط اسمها Anthocyanins .. و تنتمى فى تركيبها الكيميائى إلى طائفة الـ Flavonoids .. (كانت فى آخر منهج الـ Phytochemistry فى العام الثالث من دراستى الجامعية .. الجزء الذى كان يهمله الكثيرون قبل الامتحان , لأنه جاء “فى الآخر” ) .. !!!

الشاهد أنى كنت غير مقتنع بأن الطريقتين فعالتين لتنزيل الضغط .. و ذلك بسبب ‫#‏التجربة‬ مع عدد كبير من مرضاى , على مدار 10 أعوام من ممارسة المهنة فى الصيدلية .. كان يأتينى مريض الضغط , و يقول أنه احتسى الكركديه , و لم ينضبط قياس ضغطه , فكنت أسأله عن طريقة تحضيره , فيذكره أنه غلاه , فكنت عندها أنصحه بتكرار التجربة , و لكن بنقع كمية جديدة منه , دون أن تلمس النار .. و فعلا كان يعود بعد أن تحسنت أعراضه قليلا !! ..

و ذلك جعلنى أذكر الأمر فى ‫رسالة رقم 18  , قبل ما يقرب من 4 أعوام من الآن , برغم عدم وضوح الرؤية من المراجع العالمية .. و لكن صحة الناس عندى كانت أولى ..

و فى كل مرة كنت أرى الجدال دائرا حول الأمر , على جروبنا الصيدلانى First pharmacology course online , كنت أتجنب الخوض فى المسألة , إعزازا و تكريما لأساتذتى الأفاضل المتواجدين قبلى دائما , (المؤيدين للرأى السائد .. مغلى أو منقوع .. كله واحد) .. و يعتمدون فى ذلك , على المراجع الموثقة .. إلى أن اصطادنى زميل فاضل قبل قليل , و استفزنى لعرض وجهة نظرى ..

و فعليا , أكرمنى الله بعرضها من جديد بأسلوب بسيط , مع عرض نظرياتى المتواضعة , التى ذهبت أبحث من جديد على أدلة لإثباتها , و فعلا , هدانى الله إلى أكثر من رابط لمواقع كبرى و شهيرة , تجيب على السؤال ببساطة ..

الـ Anthocyanins (الموجودة فى العناب و فى غيره) تتكسّر بالحرارة يا سادة ..

المواد الفعالة المسئولة عن تخفيض ضغط الدم , تفقد فعاليتها إذا تعرضت للنار .. و هذا هو الحل للمعضلة .. فقط بإعمال العقل فى النص , بناء على علم سابق , و قبله هدى من الله .. ليس أكثر و لا أقل ..

و إليكم أحد هذه الأدلة : ..

http://www.sciencedirect.com/science/article/pii/S0924224409002271

Anthocyanin pigments readily degrade during thermal processing which can have a dramatic impact on colour quality and may also affect nutritional properties.

و على هذا , فأتمنى أن نصحح معلوماتنا تجاه الأمر , و نؤمن بأن الكركديه ينبغى أن يكون منقوووووووووووعا , كى يساعد على تخفيض الضغط المرتفع .. أما غليه , فسيسبب تكسير المواد الفعالة التى بداخله , مما يؤدى إلى فقدان فعاليته كعلاج مساعد مخفض لضغط الدم ..

و من هنا أتمنى أن يزول الخلاف الصارخ الذى لاحظه زملائى الأعزاء بين ما كانوا يقرأونه فى الكتب و المراجع , و ما كانوا يغضّون الطرف عنه من شكاوى مرضى الضغط العالى , عندما يتناولون مشروب الكركديه بعد غليه ! ..

…………………………………………………………………………………………………………

فى أغلب دوراتى المطوّلة فى علم الـ OTC و الـ Non-Prescription Drugs , أنصح زملائى من الحاضرين , بإعمال عقلهم فيما يعرض عليهم , حتى فى المعلومات التى أطرحها عليهم , و تعلية قدر حسّهم الصيدلانى , أو ما نسميه Pharmaceutical Sense ..

فإذا قالت المراجع أن غذاء معينا يزيد من حدة ‫#‏حب_الشباب‬ مثلا , فأنا أسأل مريضى أولا عن مدى تطابق هذه المعلومة على حالته .. و إذا أجاب بالنفى , و تأكدنا من ذلك , فأنا أطرح كلام المراجع جانبا ..

لماذا أحرم المريض من الدهون مثلا أو من الشيكولاتة إن كان هو لا يتأثر بها , لمجرد أن بعض المراجع تذكر أن هناك صلة محتملة بينها و بين حب الشباب ؟؟!! .. نحن لا نهوى تعذيب المرضى .. و لا نطبّق كلام المراجع دون إعمال للعقل …

الخلاصة : يا سادة يا أفاضل … دوما ننادى – بكل إخلاص – أن مهنتنا مهنة علم و ممارسة .. و أنها – مع الفارق – مثل القرآن .. لا تستطيع أن تتعلمهما من الكتب وحدها .. و لا بد أن تمارسهما بنفسك , أو يقرأهما عليك من هو أعلم بهما .. و أن المراجع هى أساس هذا العلم , و لكنها – مثل العلم نفسه – يمكن أن تتغير بين الحين و الآخر .. و الأهم أن تشعل لديك الحسّ الصيدلانى و لا تكبته , لأنه من أسرع المقومات للصيدلى الناجح ..

أحبكم جميعا فى الله .. و أتمنى أن تستفيدوا بالبوست و تنشروه ..

.

.

.

و الآن استمع إلى هذا الملف الصوتى و غير حياتك كصيدلى

أحمد الجويلى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s