هل أنا مادّي ؟؟


مادّي

عشان أنا مادّى فحت , و كل همّى الفلوس و خلاص , و بيطلع لى نابين كبار فى بقّى , أول ما الدنيا تليّل , .. و باشتغل مصاص دماء بعد منتصف الليل , و الشمس لما بتطلع بتحرقنى , و لما البدر بيبقى فى السما , بابقى فى أنشط حالاتى المادية , ..

و عشان الباقة التدريبية اللى باقدّمها , قيمتها المادية 1580 جنيه , يبقى أنا كده من الإقطاعيين بتوع زمان , اللى بيكرهوا الفقرا و يستعبدوهم , و يقولوا عليهم كلمة “خرسيس” بتاعة الأتراك دى , .. و طبعا لما باقول كده , باكون ماسك الكرباج فى حديقة الفيلا , و باستمتع بتعذيب اتنين تلاتة من “الخراسيس” دول !! ..

و عشان انت أساسا لو بصيت فى عينيا , حتلاقى علامة الدولار فى عين , و علامة الاسترلينى فى العين التانية , و لو هزيت راسى , حتلاقى عينيا بتقلب أعداد و أرقام , زى ماكينة صرف الفلوس اللى عند البنك كده !! .. 

و عشان أنا راكن الـ BM فى الشارع تحت , كل شوية باطلع فى البلكونة , و أشوفها اتخبطت ولا لسه .. و انا أساسا مش باعرف أسوق , و لو لقيت واحد راكب عربية فى الحر ده و الزحمة دى , باقول : الحمد لله الذى عافانا مما ابتلاك به و فضّلنا على كثير من خلقه تفضيلا ..

أعزائى , عشان كل ده , أدعوكم لقراءة الملف ده , و اللى فيه بلاوى كتير عنّى طبعا أكتر من كل اللى فات ده , .. و ده عشان أؤكد لكم حقيقتى اللى خبيتها عنكم كل السنين اللى فاتت !! …

اتفضلوا ..

https://docs.google.com/file/d/0B99JlCMKWsj3T2ItTlN6U2xqMVE/edit?usp=sharing

مع تحياتى الجشعة ..

أحمد الجويلى ..

 

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s