ايه احسن مكان الواحد ياخد فيه #كورسات_معتمدة ومحترمة تنفعه فى المجال بتاعنا سواء صيدلية او مصنع او مستشفى او ميديكال ريب ؟؟


3idiots

وردنا هذا السؤال على جروب First pharmacology course online , و قررنا أن ننقل إجابتنا عليه إليكم هنا أيضا (مع بعض الإضافات) , كى تعم الفائدة ..

ايه احسن مكان الواحد ياخد فيه #كورسات_معتمده ومحترمة تنفعه فى المجال بتاعنا سواء صيدليه او مصنع او مستشفى او ميديكال ريب ؟؟

.

.

.

أول حاجة لازم نعرفها , إن الموضوع مش بالكورسات يا جماعة , و لكن بالخبرات اللى بتكتسبها من خلال الكورسات دى .. يعنى الشركات مش حتعيّن اللى معاه 70 شهادة , و تسيب اللى معاه 50 شهادة
.. , لكن حتعيّن اللى يقدر يفيدها أكتر من خلال خبرته و ممارسته

و ده لإن اللى بيعملوا الـ interviews فى الشركات مش مختومين على قفاهم , بشكل يخليهم يعيّنوا ناس لمجرد إن معاهم شهادات نظرية و بس , من غير ما يكون عندهم تدريب و خبرة

و قبل ما تكمل الكلام , دوس فى الملف اللى فى الرابط ده , و ادعى لى
http://wp.me/p2YNXX-gZ :)

ثانى حاجة لازم نعرفها إن الموضوع برضه مش بالمكان اللى حتاخد فى كورسات , و لكن بـ 5 معايير لازم نرتبهم صح فى دماغنا , قبل ما ناخد أى دورة أو أى كورس .. و الـ 5 معايير دول , كالتالى : ..
أول معيار : المحاضر , أو مجموعة المحاضرين .. يا ترى مين اللى حيدرّس الدورة ؟؟ .. مين اللى حيحاضر ؟ .. يا ترى سمعته كويسة ؟؟ ولا أول مرة نسمع عنه ؟؟ .. هل له فيديوهات مثلا ع اليوتيوب ,
نقدر نقيّمه من خلالها ؟؟ .. ولا إيييييييه ؟؟!!! ..
باتخنق جدا لما ألاقى إعلان عن دورة , و مش مكتوب فيه اسم المحاضر بتاعها !! .. باحسّ إنى حانضرب على قفايا لو حضرتها , لإن ده معناه إن المحاضر مش كفء للدرجة اللى تخلّى المعلن , يحطّ اسمه
ع الإعلان !! ..
..
ثانى معيار : المحتوى .. المحتوى اللى حيتم تقديمه فى الدورة , مناسب ليا ؟؟ .. مناسب للكارير اللى انا حابب أشتغل فيه بعد التخرج , أو فى خطوتى الجاية من حياتى , ولا يبعد كل البعد عنه , فيبقى مالوش
لازمة ؟؟!!
كل اللى حضروا معانا قبل كده , عارفين إنى أخدت زمان كورس HPLC , لسه قيمته المادية (كانت 100 جنيه) , طالعة من نافوخى , لحد النهاردة , لمجرد إنى ماستفدتش منه بنكلة , و بادعى لصاحبى و حبيبى د. Ahmed Khairy فى كل صلاة , لإنه هو اللى دلّنى عليه أيام الكلية .. و كل ده , عشان كان بشهادة معتمدة !! .. و انا أساسا عمرى ما كنت بتاع Quality Control ولا شغل فى مصانع و كده .. لكن أيامها وقعت فى الخيّة بتاعة #شهاداااااااااااات_معتمدة !!
و قبل ما نتكلم على تالت معيار , لازم نقول حاجة صغننة , و هى إنى ما ينفعش آخد كورسات فى كل المجالات اللى ربنا خلقها فى الدنيا , و بعدين أكون جاهز لأى مجال .. الكلام ده كان زمان يا سادة .. دلوقتى حضرتك المفروض تاخد الكورسات اللى تفيدك فى مجالك اللى انت محدده من الأول , بناء على سؤاااااااااالك للناس اللى اشتغلت فيه
و لو كنت حضرتك لسه مش محدد مجالك اللى ناوى تشتغل فيه بعد التخرج , فأسهل وسيلة لتحديده , هى إنك تفضل تسأل ناس كتير , فى مجالات كتير , عن مميزات و عيوب مجالاتهم , و من خلال كلامهم , تقدر تحدد ناوى على إيه , طبعا بعد ما تحدد نقط ضعفك و قوتك , أو ما يسمى بـ SWOT Analysis .. يا ريت تبحثوا عن البتاع ده على جوجل , و تعرفوا يعنى إيه ..
يعنى ببساطة كده .. فيه شوية مجالات مشهورة , و فيه غيرهم طبعا , ممكن كل واحد يختار منهم مجال , عشان يشتغل فيه بعد التخرج .. ممكن نجمعهم فى الصورة دى
مجالات العمل
لو لسه ما حددتش , تدوّر على ناس تكون بتشتغل فى كل مجال , و تسألهم على طبيعة شغلهم واحدة واحدة كده .. و مفيش مانع إنك تروح تتمرن معاهم شوية .. لحد ما ترسى على بر ..
و بعد كده تاخد كورساتك بقى و تكمّل اللى ناقصك
..
تعالوا بقى نتكلم على تالت معيار .. و هو المكان : هل المكان اللى حندرس فيه الكورسات دى , مكان مناسب للشرح ؟؟ .. هل مكيف ؟؟ .. القاعات مريحة ؟؟ .. الداتا شو متشاف كويس ؟؟ .. الساوندسيستم شغال تمام ؟؟ .. انا مش باتكلم على اعتمادية دلوقتى ولا بتنجان .. الاعتمادية دى بتتجاب بالفلوووووووووووووووووووووووووووووووووس , مش أكتر .. و الشركات بقت عارفة كده كويس , و مش بتشغل حد على أساس الشهادات اللى معاه
..
و عشان كده رابع معيار , هو الشهادة : .. و دى أصبحت – زى ما قلنا – زى قلتها .. مالهاش فايدة , غير إن يتنصب عليك نصباية محترمة , فى كورسات بيتم الترويج لها عن طريق الشهادات اللى بتقدمها , و دى كلها هرى السنيييييييييين .. و مش هى الحاجة اللى حنركّز عليها لما نيجى ناخد أى كورس بعد كده ..
..
أما خامس معيار , فهو السعر : .. و اسمح لى هنا أحط لك قاعدتين مهمين جدا ..
القاعدة الأولى : رتب أولويات بشكل صحيح .. يعنى ما تصرفش 200 جنيه على 2 كيلو كنافة بالفسدق , و تبخل بيهم على كورس مفيد , و الناس بتشكر لك فيه ..
والقاعدة التانية : ما تحكمش على حاجة من غير ما تعرفها , أو تسمع رأى الناس فيها .. يعنى ما تقولش على حاجة إنها غالية أو رخيصة , إلا لما تتعرف عليها عن قرب , و تعرف رأى الناس فى محتواها .. و الكلام ده انت بتطبقه من غير ما تحس , لما تروح السوق مثلا , و تسأل على الطماطم , أو الخيار !! ..
……..
و لو اتكلمنا بشكل مفصل , فانا أقدر أفيدك فى مجال الـ Community Pharmacy بإذن الله , عن طريق اقتناء باقتنا الثلاثية المتكاملة Learn Pharmacy At Home , و اللى شهد بكفاءتها كل من اقتنوها بفضل الله .. أما فى المجالات التانية , فبيكون لها كورسات تانية , بيفيدك فيها اللى اشتغلوا فيها بالفعل قبل كدهو الدليل .. كلام الناس اللى هنا بفضل الله ..http://goo.gl/0XRMW7

أحبكم فى الله ..

أحمد الجويلى

5 responses to “ايه احسن مكان الواحد ياخد فيه #كورسات_معتمدة ومحترمة تنفعه فى المجال بتاعنا سواء صيدلية او مصنع او مستشفى او ميديكال ريب ؟؟

  1. ازاي اقدر اشتغل في مصانع الادوية الحكومية؟
    يعني ازاي انقل تكليفي عليها وانا نقيمة في القاهرة

  2. شركة في المعادي بتعمل في الخدمات طبية ..مطلوب من الجنسين مؤهلات علييا ومتوسطة للعمل الجاد في مجال التسويق داخل الشركة والعمل تحت ضغط…….
    للاستعلام………01287714470
    ………………….01122959617

  3. لو سمحت صيدلي الجيش بياخد كام والشرطة. برضة وهل بيقدروا يفتحوا صيدليات جمب شغلهم والا مش مسموح ان يكون ليه اي مشروع بأسمة ؟

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s