رسالتى الشخصية لكل اللى داخلين ‫#‏صيدلة‬ جديد


رسالتي

    خدعوك فقالوا “اتعب فى ثانوى عشان ترتاح فى الكلية” .. الدنيا ما فيهاش راحة يا زعيم :)  .. الراحة فى الجنة و عليك بخير .. الكلية مش كافيتيريا و Fun Days عمّال على بطّال  ;)  .. و لكنها محاضرات و سكاشن و شغل جد مش هزار .. الكلية جميلة لو بتحبها , لو داخلها عن حب , حتستحمل تعبها و ضغطها و تستمتع بيه .. أما لو عشان مستخسر المجموع أو عشان رغبة الوالد فى البيت , أو عشان تتجوزى جوازة راقية , ففى الحالة دى حتتعب معانا كتير ..:/

.

و فى نفس الوقت كليتنا مش بعبع .. ما تسمعش كلام اللى يكرهك فيها بعد ما دخلتها برغبتك .. خمس سنين ممتعين من حياتك , حتترحّم عليهم بمجرد ما تتخرج , و تقول فى سرك “هااااااااااااااح .. ولا يوم من أيام الكلية ”😀   .. احضر محاضرات مش عشان فيه امتحان فى آخر الترم و بس , و لكن عشان الدكتور ممكن يقول معلومة تغير لك حياتك , أو يحكى موقف حصل معاه , تستفيد منه للأبد ..  :)

.

كليتنا كلية عملية , المفروض تحاول تربطها بالواقع العملى من أول يوم .. و لو ما عرفتش , اسأل “إزاى ؟؟!!” .. و قبل ما تدرس حاجة , افهم فايدتها إيه .. عشان ده حيساعدك ع الاستمتاع بيها .. إوعى تغش .. لو غشيت فى الكلية , حتبيع ترامادول بعد الكلية , و حتبقى تاجر مخدرات قد الدنيا , بس بشهادة !! ..  >_<

.

ما تشغلش نفسك أثناء الدراسة بحاجات المفروض تفكر فيها بعد الدراسة , زى الارتباط و الجواز و خلافه , مهما كنت متعلق بحد , أو شايف نفسك – فى المرحلة دى – إنك جدير بالمسئولية .. ماتخليش أحلام الشباب توقعك على جدور رقبتك .. كل مرحلة لها أولوياتها , و لما تنتهى منها , تقدر تدخل فى اللى بعدها ..🙂

.

اتمرن فى الصيدلية فى أى أجازة تحصل عليها .. بشروط حنقول لك عليها لو تابعتنا ع الفيس بشكل شبه دائم , .. و بمناسبة الفيس , خلينى أقول لك إنه أكبر ثقب أسود لتضييع الوقت .. لو ما انتبهتش لوقتك و انت قاعد عليه – بالتحديد – ممكن تاخد الـ 5 سنين فى 10 سنين ع الأقل يا زعيم !! ..

.

دول أهم نصايح – فى نظرى – المفروض تحطهم حلقة ف ودنك و انت بتحضر أول سكاشن , و تلبس البالطو الأبيض فيها لأول مرة .. أو و انت بتاخد سيلفى لنفسك فى المدرج , و تكتب فوقها “لقد هرمنا من أجل هذه اللحظة” .. :)  ..

.

و كهدية شخصية منى , حاقدم لك عدد من الفيديوهات , اللى حتساعدك على المذاكرة فى الكلية , لإنها المفروض تفرق عن أيام الثانوى .. ممكن تلاقيها من خلال الضغط ع اللينك ده

.

http://wp.me/p2YNXX-sh

.

و كمان منّى ليك , مجموعة فيديوهات كنّا قدمناها زمان , بعنوان‫#‏رسائل_صيدلانية_يومية‬ ع الـ YouTube , و كانت سبب فى عدد كبير من الطلبة و الصيادلة , يعرفوا بجد يعنى إيه ‫#‏صيدلــة‬ .. و تقدر تشوفها بالترتيب من هنا ..

.http://goo.gl/NeJX5W

.

و فى النهاية دايما باقول لكم

 ‫#‏أحبكم_فى_الله‬ ..

أحمد الجويلى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s