‫#‏إزاى_نذاكر_صح ؟ عندما يتحول العرقسوس إلى عم جابر جلسرين!!


studying

لاحظنا إن عدد كبير من الرسائل اللي وصلتنا مؤخرا جه من ‫#‏طلبة_صيدلة‬ , و قائم على سؤال ‫#‏إزاى_نذاكر_صح‬ ؟!! .. و بنتسأل كمان عن أفضل الطرق اللى ممكن نفتكر بيها معلومات صماء فى المذاكرة ، ممكن تكون الحاجة فيها للفهم قليلة .. زى العقاقير مثلا .. مليانة اسماء طويلة و مواد فعالة و استخدامات و غيره من المعلومات اللى محتاجة تتربط ببعضها .. و من غير تنظير كتير أو مصطلحات مكلكعة ، حاقول لكم ببساطة ع السر اللى ساعدنى على حفظ حاجات كتير من المادة دى تحديدا لحد دلوقتى بفضل الله ..

✿ ❀ ✿ خلينا نفترض إن عندنا 10 معلومات بخصوص ‫#‏العرقسوس‬ أو ‪#‎Liquorice‬ عاوزين نحفظهم صم , و مش عارفين إزاى , و طالع عينينا فى مذاكرتهم فى مادة ‫#‏العقاقير‬ .. و نفسنا نطبق عليهم مبدأ ‫#‏اتعلم_صح_باستمتاع‬ اللى بنقول عليه , و اللى بنحاول نطبقه إلى حد ما فى باقتنا التدريبية Learn Pharmacy At Home .. نعمل إييييييييه ؟؟!! ..

.
خلينا نشوف إيه همّا الـ 10 معلومات دول أولا : ..
.
– الـ origin أو الاسم اللاتينى .. Glycyrrhiza Glabra ..
– يحتوى على Saponin اسمه glycyrrhizin ..
– الـ glycyrrhizin يعتبر محلى أقوى من السكر المعتاد 50 مرة ..
– يحتوى على Flavonoids كمان و Salicylic acid ..
– الـ Salicylic acid اللى فيه بيخلى له تأثير مشابه للأسبرين على البرد و الصداع البسيط ..
– العرقسوس بيرفع الضغط شوية , عشان بيساعد على حبس الماء فى الجسم أو water retention شوية
– بيحافظ ع المعدة , عشان بيقلل من إفراز الحامض المعدى ..
– العرقسوس (بالـ Flavonoids اللى فيه) بيرفع من كفاءة المناعة , عشان بيحسن مستويات الـ Interferon فى الجسم .. و بيقاوم الاورام السرطانية كمان ..
– يحتوى على Phytoestrogens , و عشان كده مفيد فى تخفيف أعراض سن انقطاع الدورة عند السيدات ..
– الجزء المستخدم منه هو الجذور .. roots ..
قبل ما أكمّل .. دى من المراجع البسيطة ع الكلام اللى فوق ده .. و فيه غيرها كتير ..
.
.
إزاى بقى نحفظ الكلام ده بسهولة و ‫#‏استمتاع‬ ؟؟!! ..
.
لو احنا بصريين حنتخيل اللى حنقوله كمشهد مصور مشوق , و لو كنا سمعيين , حنردده كقصة ممتعة ..
.
عم جابر جلسرين (اللى هو الاسم اللاتينى أو الـ origin و لكن بالمصرى) (1) , بيّاع عرقسوس , بيمشى فى الشارع بشكله المعروف , و ينادى “يا عسل يا عرقسوووهوووهوووووس” (3) .. العرقسوس فى الدورق الكبير عليه رغوة واضحة (عشان الـ saponins) (احم احم 2)😛 .. و الكوباية الواحدة عند عم جابر بجنيه و نص (تمن شريط أسبرين (5) ) .. نادى عليه من البلكونة الحاج ‫#‏مناع‬ (8) , و طلب كوباية بروّق بيها دمه و دماغه (5) يطرّى بيها على معدته (7) , و عشان هو متعود ع الكوباية الصباحية من العرقسوس كان طالع فى البلكونة فى عزّ البرد بالفانلة الخفيفة (ليه ؟؟ .. عشان مناعته بقت قوية ;) (8) ) .. الغريب إنه طسّ وشه بآخر بق كان موجود فى الكوباية , و كإنه شاور جيل  (2).. شوية و نادى مراته ‫#‏فتحية‬ (9) من جوه , عشان تشرب كوباية هى كمان , عشان ضغطها واطى (6) و أعراض انقطاع الدورة مغلباها (9) .. و بعد ما شربوا الكوبايتين , قالوا له : تسلم إيدك يا عم جابر , مش عارفين من غيرك كان ممكن نعمل إيه , .. قال لهم : تشكروا .. أنا ‫#‏جذورى‬ كلها هنا و ما اقدرش أسيبكم (10) .. و دى شغلتى أبا عن جدّ !! .. ‫#‏انتهى_المشهد‬
.
‫#‏التعليق‬ : ..
.
الطريقة دى ممكن تجهدك فى البداية لمحاولة ربط المعلومات بالخيال بالشكل ده , و لكن بعد فترة حتتعود , و تستمتع بيها , و يبقى عندك مئات القصص الممتعة و الصور المشوقة المرسومة فى خيالك انت لوحدك , و اللى حتخليك تبتسم كل شوية و انت قاعد فى الامتحان لما تفتكر عم جابر و الحاج منّاع و مراته فتحية (اللى هى أقرب اسم جه فى بالى للـ Phytoestrogens :D ) ..
.
الطريقة دى كل ما كانت عناصرها ‫#‏غريبة‬ و مضحكة و غير معتادة على تفكيرك , حتبقى أكثر ثباتا فى عقلك و عمرك ما حتنساها .. و نفس الوقت اللى حتقضيه – دقايق مش أكتر – عشان تنسج مشهد زى اللى فات ده , حيكون هو الوقت اللى ممكن تقضيه فى ممارسة الطريقة العقيمة للحفظ المعتاد , و هى ‫#‏التكرار‬ ..
.
الطريقة دى مش الوحيدة اللى ممكن نحفظ بيها زى كده .. فيه طرق كتير , ممكن تكون أفضل بالنسبة لك , و لكن انا باقول لك ع الطريقة اللى نفعت معايا شخصيا , و كنت معجب بأى مقدم للمعلومة بيقدمها بشكل مشابه , سواء عن دراسة لطرق الشرح و علم النفس الطلابى , أو عن وصول فطرى إليها ..
.
الشرح للطريقة دى بأسلوب علمى ممل جدا و مرهق للعقل , و أنا ما يهمنيش إنى أسرد لك أسسه و تنظيره , على قد ما يهمنى إنك تبدأ تجربه من دلوقتى , و تستمتع بيه فى أكبر قدر ممكن من المعلومات , و تربطها ببعضها , و تلاحظ فى نهايتها , إنك بقيت حافظ مشهد قصصى ممتع , بدلا من 10 معلومات رخمة غير مترابطة ببعضها ..
.
‫#‏دلوقتى‬ برضه تقدر تجرب الفكرة مع 5 من أصدقائك المقربين , و يبدأ كل واحد فيكم يمسك جزء من المنهج , و يلخصه أو يحوّله بالطريقة دى لعمل فنى ممتع , و تبدأوا تحكوه لبعض فى قعداتكم لما تتفسحوا سوا أو لما تقعدوا على كافيه , أو حتى لما تتقابلوا قبل السكاشن فى الكلية أو بين المحاضرات ..
1

˙·٠•● Ƹ̵̡Ӝ̵̨̄Ʒ ●•٠·˙

تحديث : بعد ما نشرنا البوست ده , بأسبوعين , جاتنا الرسالة دى على الخاص

11214279_10153185815721207_6241368391643051485_n.jpg

كلمات زى دى تكفينى من الدنيا

 و عشان نعمم الفايدة بإذن الله , قررنا إننا نحطّ  لحضراتكم قائمة من أفيد الفيديوهات اللى ممكن تساعد فى الموضوع ده , بناء على ترشيحاتنا , و ثقتنا فى أصحابها , و إنها حتفيدكم جدا و تغير حياتكم للأفضل بعون الله🙂

………………………….

………………………….

………………………….

………………………….

………………………….

………………………….

………………………….

‫#‏أحبكم_فى_الله‬
‫#‏لا_تنسونا_من_صالح_دعائكم‬
.
أحمد الجويلى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s