“ما تفرّطش فى الكنز و تأكد من قيمته” ..


علمك الصيدلانى (سواء قبل التخرج أو بعده) هو الكنز اللى المفروض تحافظ عليه🙂 , و تقدّمه – بالشكل المناسب – للى يستحقه🙂 .. تفريطك فيه , عن طريق الزهد فى تحصيله , أو تقديمة على طبق من فضة لغير المنوطين بالحصول عليه , معناه إنك بتضيع الكنز من إيدك , و تهدر جواهره ع الأرض ..😦
.
اتعلم الصيدلة بشكل صحيح و تطبيقى و متطور , و قدّم علمك بشكل مهضوم لأقصى درجة للمريض🙂 , مش لأى حد تانى😉 , ممكن يستخدمه بشكل غير سليم , و أسلوب ممكن يضيّع بيه حياة المريض , اعتمادا على إنه بقى دكتور , بالخبرة !! .. >_<
.

1

مهما وقفت فى الصيدلية بدون دراسة أكاديمية 5 سنين , مش حتعرف إن كيس الشاى الأخضر اللى فى علبة إيزيس , يحتوى على Tannins مكن تسبب Anemia زى اللى موجودة فى الشاى الاحمر العادى .. و عشان كده ما ينفعش يتشرب بعد ما ناخد كبسولات الحديد .. و دى بتتاخد فى الـ Pharmacognosy طبعا ..😉
.
اللى ما عدّاش على أولى صيدلة , ما درسش Organic Chemistry , و اللى من خلالها بيقدر كيفية تحضير المركبات العضوية , و اللى بعد كده بيدرسها فى الـ Pharmacology تانى , و يعرف إزاى ممكن تعالج البنى آدميين !! ..🙂
.
اللى ما درسش Pharmaceutics , ما يعرفش الفرق بين الـ Dosage Forms و بعضها , و ما يقدرش يحدد يعنى إيه Stability After Reconstitution لـ Vial سعره آلاف الجنيهات .. و اللى ممكن يطبّق شوية Pharmacoeconomics , و يستغل معلومة تساوى دهب , و يستخدم الـ Vial ده أكتر من مرة , طالما كانت الـ Stability بتاعته لسه موجودة .. (حالة اتسألت فيها امبارح على فكرة , بخصوص مستشفى بيحصل فيها هدر بالشكل ده) ..

.

1
ما تفتكرش إن الصيدلية #وقفة_بالخبرة و خلاص .. و ما تسمعش كلام اللى بيقولوا إن اللى بندرسه فى الكلية #حمادة و اللى بنشوفه فى الصيدلية #حمادة_تانى_خالص .. و اثبت على مبادئك لو العالم كله خالفك , طالما متأكد إنك صح .. و ما تستعجلش ع الفلوس , لإنها بتيجى لوحدها بالحلال بعد كده , عشان ربنا مقسم الأرزاق من قبل ما سعادتك تتولد ..

.

فى الكلية ما تزعلش لو ماعرفتش الفايدة التطبيقية ورا كل معلومة بتاخدها .. و لكن تأكد منها حتى لو ما عرفتهاش .. اسأل بخصوصها الدكاترة .. و لو ما عرفوش , فده مش معناه إنها مش موجودة .. اسأل تانى و تالت و رابع .. لحد ما توصل للإجابة .. و إن شاء الله حتوصل🙂
.
اتفقنا ؟؟!!
#شير_بقى
.

أحمد الجويلى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s