اكسب 18000 جنيه شهريا


✿ ❀ ✿ المكان : نادى ألعاب دمنهور

✿ ❀ ✿ الزمان : الجمعة الماضية ..الواحدة ظهرا ..

✿ ❀ ✿ الحدث : – بصراحة يا د. أحمد .. انت شاطر فى الصيدلة .. لكنك شاطر فى الفيسبوك برضه .. و احنا عاوزينك تعلّم عيالنا إزاى يعملوا لنا صفحة على الفيسبوك , و يمسكوها لنا .. عشان احنا كدكاترة – بأمانة كده – ما عندناش وقت ولا مهارات إننا نعمل حاجة زى كده .. و لكن الجيل الجديد اللى زى عيالنا عنده إمكانية لكده .. – من عينيا يا دكتور .. مفيش أى مشكلة .. و استمرت الجلسة المهارية دى ساعتين و زيادة .. شرحت فيها لشابين واعدين أهم الـ tips و الـ tricks اللى يعملوا بيها صفحة ناجحة لطبيب مالهوش أى تواجد قبل كده على الفيسبوك .. و لاحظت إن الكلام كان مميز و جديد عليهم جدا , برغم إنه كان بالنسبة لى معاد و مكرر , من فرط استخدامه المستمر , و دخوله لعقلى بشكل متراكم على هيئة تجارب و خبرات منها اللى اكتسبته بنفسى , و منها اللى سافرت بالساعات للحصول على معلومة بخصوصه ..

و فى نهاية الجلسة دى , و قبل ما اقوم بلحظات , وصل الحديث إلى قيمة اللى حيحصل ده , لو مسك الصفحة حد محترف , ففكرت شوية , و وشوشت الشاب بسرية و قلت له : الصفحة التسويقية دى ممكن تتمسك بـ 3000 جنيه فى الشهر , و يكون مناسب لها جدا .. و فعلا لقيت الطبيبين اللى كانوا موجودين , مرحبين بحاجة زى كده , لو الصفحة اتمسكت باحترافية زى ما شرحنا , و قالوا الكلمة اللى فجّرت كل الأفكار دى فى دماغى .. قالوا : مش خسارة طبعا !! ..

و رجعت البيت مشى .. و طول السكة باسأل نفسى سؤال واحد : ليه الصيادلة ما يفتحوش باب الرزق لنفسهم فى ساعات الفراغ ؟؟!! .. و بدأت بعد أول بوست كتبته عن الموضوع , أبلور الفكرة فى دماغى أكتر و أكتر .. عشان تتأكد طرق نجاحها بإذن الله .. و خليك معايا عشان أقنعك بيها بإذن الله ..

˙·٠•● Ƹ̵̡Ӝ̵̨̄Ʒ ●•٠·˙ الفكرة بيقوم بيها طرفين أساسيين .. طبيب (يفضل يكون جراح فى تخصصه) و صيدلى (أو طالب فى كلية الصيدلة) .. عاوزك بقى تركّز فى مميزات كل طرف كده ..

الطرف الأول : الجراح – غالبا مالهوش فى الفيسبوك , و ما عندهوش مهارة استخدامه كمنجم تسويقى لنفسه – عنده علم طبى غزير و متخصص فى مجاله , و بيخرجه فقط للمرضى اللى بييجوا له – مأخوذ عنه صورة ذهنية – بما إنه طبيب – تفيد بإنه متكبر و مش بيوصل للناس بسهولة – دخله الشهرى مرتفع فعليا , مقارنة بباقى المهن اللى بتعتمد على المهارة الشخصية .. يعنى أقل عملية جراحية , الجراح فيها بياخد – غسيل إيده بس – شىء و شويّات (اللهم لا حسد) .. – و أخيرا , الفارق بينه و بين المنافسين له فى مجاله حاجتين مهمين : مهارته و أخلاقه ..

الطرف التانى : الصيدلى أو طالب الصيدلة – أكيد عنده وقت فاضى خلال يومه , حتى لو داخل الصيدلية .. (طالما ممكن يستفيد بيه ماديا) – يقدر يفهم العلم الطبى الغزير اللى عند الطبيب و يعيد صياغته بلغة سليمة و بسيطة – عنده القدرة و القابلية للتعلم , خاصة لو كان لحاجة بيعشقها زى الفيسبوك , اللى بيقضى عليه أغلب وقته – عنده علاقات قوية , مع أطباء جراحين اتعامل معاهم قبل كده , إما كصيدلى او كمريض أو حتى كأحد الأقارب

ღϠ₡ღ إيه بقى الفكرة ؟؟!!

الفكرة بقى قائمة على تشبيك الطرفين دول ببعض .. و كل واحد فيهم يفيد التانى .. الصيدلى (أو طالب الصيدلة) , يمسك صفحة طبية , يتعمل فيها personal branding راقى و محترم للطبيب , بشكل يخلّيه أحد نجوم الـ facebook بالفعل , فى المنطقة اللى هو متواجد فيها .. و يضاعف من عدد مرضاه اللى ممكن ييجوا العيادة , و يخفوا على إيده بإذن الله , بدلا ما التسويق له بيتم مجانا من خلال الصيدلية , لما المريض يدخل يسأل على طبيب كويس فى تخصص معين ..

ღϠ₡ღ تفاصيل الفكرة : ..

ساعة أو اتنين يوميا , ممكن تتواجد من خلالهم بشكل محترف و مدروس على الفيسبوك , ممكن يساعدوك – كصيدلى أو طالب صيدلة – على التسويق الناجح , بصفحة متميزة , لطبيب جراح (بأجر 3000 جنيه شهريا) , أو بحد أقصى لـ 6 أطباء (بأجر 18,000 جنيه شهريا) , بضمانات متبادلة للنجاح المشترك , بإذن الله ..

3

ღϠ₡ღ ضمانات النجاح بإذن الله : ..

1) سوق جديد و بحر واسع لسه مفيش فيه حيتان : ..

تواجدى فى مجال الـ facebook marketing على مدار الـ 5 سنين اللى فاتوا , فتح عينى على إن أغلب الـ brands التجارية , متواجدة بكثافة حاليا على الفيسبوك , كصفحات مشهورة (زى كنتاكى – فتح الله – nike – دولسيكا .. إلخ) .. كل نشاط تجارى ناجح حاليا , بقى له صفحة ع الفيسبوك .. بعد ما كان من سنة أو اتنين , 7% بس من الأنشطة دى , مهتمين بالفيسبوك بشكل تسويقى لهم !! .. حاليا بقى , الناس اللى محتاجين branding لهم شخصيا – زى الأطباء – مش كلهم متواجدين بشكل سليم على الفيسبوك , و إنما بيعتمدوا فى التسويق لنفسهم على التواجد الحى فى الشارع مثلا , أو انتقال سمعتهم الطيبة من مريض لمريض .. و ده قريب جدا مش حيتم الاكتفاء بيه , و اللى حيسبق حاليا , هو اللى حيضمن الـ market share بتاعه بأكبر نسبة ممكنة ..

2) علم مضمون و متجرب : ..

التسويق الشخصى على الفيسبوك , بيجمع شوية مهارات و خبرات بتكبر يوم بعد يوم , و له قواعد اكتشفناها و طبقناها بنجاح بفضل الله , على مدار 5 سنين مرّت علينا معاكم , و ربنا أكرمنا بنجاح على مستوى مصر بحالها , و عدد كبير من بلاد الوطن العربى كمان .. النجاح ده توفيق كامل من عند ربنا , اللى هدانا لشوية مصادر و معلومات , قدرنا من خلالها نطبّقها على نفسنا , و نوصل بيها لحضراتكم و نعمل بيها branding لنفسنا .. و من خلال فكرتنا الجديدة , مش حتضطر إنك تخترع العجلة من أول و جديد , و تعافر و تجرب زى ما حصل معانا على مدار 5 سنين .. لإننا ببساطة , حنعرض عليك أسرارنا بالكامل , و كمان أهم المصادر اللى حصلنا منها على علم متجدد بخصوص القصص دى , و تقدر تشاهدهم فى ساعتين زمن أو أقل بإذن الله .. و حنقول لك إزاى كمان شوية ..

3) مش حتخسر حاجة : ..

كل طرف من الاتنين , مش حيخسر شىء من التجربة .. بشرط إنه يبدأ صح كل خطوة من خطواته .. يتعلم إزاى يقوم بكل مرحلة بشكل سليم , و بعدها يطبّق بالتدريج , بناء على الشروط اللى حنقول له عليها .. أعتقد إن أى صيدلى عنده شوية وقت فاضى , ممكن يقضيها قبل النوم , فى التفاعل على 6 صفحات , مش حيخسر كتير , لو عرف إن الساعة دى ممكن تدرّ عليه دخل يترواح من 3000 جنيه (من عميل واحد) , إلى 18000 جنيه (من 6 عملاء فقط) .. , و أعتقد برضه , إن مفيش جراح ممكن يرفض إن عدد المرضى الواثقين فيه من قبل كده , يتضاعف فى عيادته أو المستشفى الخاصة بيه , فى مقابل إنه يضحى بـ 3000 جنيه شهريا للشخص اللى حيساعده فى كده .. خاصة لو كان أول شهرين حيتمّوا بدون مقابل مثلا .. (إلا إنه يكون متشبع أو راضى تماما بعدد المرضى اللى بييجوا له شهريا , و الحجز عنده كمان 6 شهور مثلا .. اللى زى ده , خلاص , مش محتاج تسويق بالصلاة على النبى) ..

4) أنا اللى حاقدم لك العلم ده بنفسى : ..

خلال ساعتين , تم تصويرهم و إخراجهم باحترافية – و حيشوفوا النور قريبا بإذن الله – حاقدم لك الزتونة كالعادة , بشكل بسيط و متجرب , و أهم النصايح اللى تخليك تعمل صفحة ناجحة لطبيب جراح , و تنجح بيها معاه , و ييجى له أكتر من مريض فى أول شهرين و يقول له : الله ينوّر يا دكتور .. عاملين انتوا أحلى شغل ع الصفحة فى الفيسبوك .. الواحد بقى بيفتح الفيسبوك عشان صفحتكوا والله .. كل ده حاقدمهولك بشكل سريع .. و لك مطلق الحرية إنك تدرسه معانا , أو مع آخرين من اللى لهم تجاربهم الخاصة كـ facebook marketers محترفين أكتر منى , و لكنهم برضه حيقدموا لك ده بمقابل أكبر منى , لإنه يعتبر بالنسبة لهم أسرار شغلهم اللى مش حيخرجوها بالساهل .. و لكن أنا هدفى إنك تنجح و تشيل من دماغك فكرة السفر بحثا عن الفلوس مثلا .. و عشان كده , الأهم من مشاهدة الـ mini-course اللى قدّمناه , هو إنى حاساعدك – قدر استطاعتى – خلال مشوارك لو قررت تدخل الـ career ده , بإنى حابصّ معاك على صفحتك , و أقول لك كل فترة على أهم النصايح اللى المفروض تقوم بيها , عشان تنجح بيها بشكل أسرع , و أدلّك على خفايا ماحدش حيقولها لك إلا العبد لله , لإنى عشتها بنفسى قبل كده .. و الأهم كمان , هو إنى حادلّك على مصادر المعلومات المفصلة اللى حصلت عليها قبل كده , و أهم الصفحات المتخصصة فى المجال ده و اللى المفروض تتابعها .. و كمان حنعمل جروب خاص بينا , لكل اللى حيقرروا يبدأوا الـ career ده معانا من الطلبة و الصيادلة , و نتجمع عليه , و نناقش مشاكلنا , و نساعد بعض ع النجاح , و نقدم عليه آخر المستجدات بإذن الله .. و ما ننساش كل يوم إن غاية عملنا , مش إننا نكسب 18000 جنيه و بس , و إنما إننا ندلّ مريض على الطبيب الأكفأ بالنسبة له بإذن الله ..

ღϠ₡ღ قصة ختامية : ..

صيدلانية زميلة بتشتغل فى صيدلية مستشفى خاص , كلمتنى ع الموبايل من يومين مخصوص , عشان تسألنى عن ماهية الفكرة أم 18000 جنيه دى , فلما سألتها : تعرفى جراحين ؟؟ .. قالت لى : آه , و علاقتى بعدد منهم كويسة كمان .. فسألت : زى مين ؟؟ .. فقالت : د. فلانة .. دى متخصصة فى جراحات القولون و الشرج .. بواسير و ناسور بقى و كده .. و شاطرة جدا على فكرة .. , ساعتها عينيا لمعت , و انا باقول لها : أهو احنا حنساعد الدكتورة دى , على إنها توصل لأكبر قدر ممكن من المرضى اللى ممكن يكونوا مش لاقيين حد كويس يعمل لهم العمليات دى , و خايفين منها .. خاصة البنات و السيدات , اللى ما يقبلوش إن طبيب راجل , يعمل لهم العملية دى بسهولة .. كل الفكرة إن ده حيتم من خلال الفيسبوك .. فقالت لى : و هى تستحق إن الناس تعرفها أكتر بصراحة .. و ساعتها , انا حسّيت إن اللى بنعمله , مش مجرد جرى ورا المكسب المادى و خلاص , و إنما أغلى من كده بكتير ..

ღϠ₡ღ و دلوقتى ..

الـ Mini-course اللى بنتكلم عليه , المفروض إنه يكون متاح – لكل الراغبين فى الحصول عليه أونلاين , مع الدخول ع الجروب السرّى اللى بيجمع كل من شاهدوه – بإذن الله , يوم 31 مايو الجارى .. و لكن لكل المبادرين , اللى ناويين يحجزوه من دلوقتى , كل المطلوب منهم إنهم يبعتوا SMS من رقم تليفونهم على رقم 01008916220 , مكتوب فيها النص الآتى

(fb marketing- الاسم الرباعى – الإيميل) , و احنا حنتواصل مع كل اللى حيبعتوا إن شاء الله , برسايل نشرح فيها كيفية الحجز بالتفصيل .. إما من خلال فودافون كاش أو التحويل البريدى أو أحد مندوبينا على مستوى الجمهورية .. , عشان يتم تسليم فلاش ميمورى 8 جيجا , عليه المحتوى بالكامل , و كم ضخم إضافى من البهاريز التسويقية , المتاحة بالفعل على youtube من قبل كده , و لكن احنا حنحمّلها لك و نحطها مع الـ Mini-course (المحمى بـ serial number غير قابل للنسخ أو التشغيل إلا على جهاز واحد) بإذن الله

قيمة الاستثمار بالدورة المصغرة : 294 جنيه فقط

˙·٠•●♥ Ƹ̵̡Ӝ̵̨̄Ʒ ♥●•٠·˙˜”* و أخيرا ..

اللى عملناه دلوقتى , هو إننا عرضنا الفكرة بشكل وافى متكامل , و مش باقى غير الأسرار و الخفايا , و اللى ممكن تحصل عليها من خلالنا , أو من خلال أى منفذ تعليمى على youtube بشكل مجانى من خلال ناس كتير بتتكلم فى المجال ده , سواء عربى أو انجليزى , و لكن كل اللى حنضيفه احنا , هو إننا حنختصر على حضرتك الوقت و المجهود , اللى ممكن تبذلهم , لحد ما توصل لنجاح منقطع النظير فى المجال ده بإذن الله , كـ facebook marketer محترف , و لكن خلّى بالك إنك لازم تبدأ صح , عشان ما تيأسش فى أول الطريق لو خطواتك كانت متعثرة لا قدر الله .. و انا ما يرضينيش إنك تتوه فى طريق واسع و مبشّر زى الطريق اللى نوّر قدامك دلوقتى .. و يسعدنى إنى أساعدك فيه بكل ما أستطيع بإذن الله ..

1

تحياتى ..

أحمد الجويلى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s