ليه أنا ماشي بالبكالوريوس ؟؟


1

صباح الفل .. قبل ما تنوى دراسة حاجة جديدة , تكون لها شهادة , يا ريت ترتب نواياك كويس , و تخلّى الليلة كلها فى الأساس , عشان العلم اللى حيدخل دماغك , مش الشهادة اللى حتتحط فى البوفيه , و يتقفل عليها😀  , أو تتعلق على حيطة فى أوضة الصالون😀  , لمجرد إن الناس ترضى عليك , و يقولوا #معاه_شهادة فى كذا .. عاوز أفكّر سعادتك , بإن إرضاء الناس سراب ما تقدرش تحققه بالكامل , و مفيش شهادة ممكن تحصل عليها , حتملا عين الناس كلهم .. و حتلاقى اللى يقول لك #كل_اللى_معاه_حتة_ماجيستير .. أو #الدبلومة_اللى_أخدها_كانت_سكّة .. أو#ده_اشترى_الشهادة_بفلوسه .. و هكذا ..

عن نفسى , باحاول أطوّر من نفسى (قبل و بعد تخرجى من الكلية) , على حسب حاجتى للعلم مش للشهادة😉 , .. و ببساطة , حضرت دورات و محاضرات و ندوات كتير بفضل الله , فى مجال الـ OTC , و الـ Clinical Pharmacology , و الـ Management و الـ Selling و الـ Marketing و الـ First Aid , و خلافها من المواضيع اللى ممكن تفيدنى (و الشهادات الخاصة بيها كلها فى شنطة سامسونايت جنب السراحة فى أوضة النوم😛 ) .. بجانب عدد كبير من الدورات الأونلاين , و المحاضرات المصورة و المسجلة صوتيا (فى الجرافيك و التصوير و البرامج و .. و .. و .. ) , و اللى درسنا ما فيها , بدون ما يكون لها شهادة , فى نفس التخصصات اللى تفيدنا ..
و فى 2012 , قررت مع عدد من أصدقائى إننا ندرس منهج الـ American Board , فى تخصص الـ Pharmacotherapy .. على يد اثنين من عباقرة الصيدلة فى مصر و الوطن العربى , على حد علمى , و هم أستاذاى العزيزان د. Ahmed Zidan و د. Amr Abdelraouf , فى نقابة صيادلة القليوبية .. على مدار 9 شهور تقريبا .. و كنّا داخلين التحدى دى (بسفر أسبوعى فى يوم الأجازة ) , بنيّة اجتياز الاختبار الأمريكي🙂 , و الحصول على شهادة البورد فى نهاية العام بإذن الله .. , لحد ما اكتشفنا – أيامها – فى منتصف دراستنا , إن شهادة البورد نفسها فى مصر , غير ذات قيمة قوية , فى المستشفيات الحكومية (و ده كان الشىء اللى اتغير قريبا , و بدأت الشهادة دى تاخد قوتها فى مواجهة باقى الشهادات , زى الزمالة , و الفارم دى , و غيرها) .. و لكن الشاهد , إن ساعتها قررت إن الامتحان نفسه بالنسبة لى مالوش داعى .. خاصة إنى كنت حدّدت إنى بادرس العلم الرائع ده , عشان يفيدنى داخل صيدليتى الـ Community , و إنى عمرى ما حاقرر فى يوم إنى أغير الـ Career الخاص بيا للعمل فى المستشفيات بأى صفة بإذن الله .. , و حتى لما شاركت فى تدريس أجزاء من نفس المنهج فيما بعد , كنت باتعمّد توصيلها بنكهة الـ OTC , للناس اللى بتكون حاضرة من الـ Community Pharmacists برضه🙂 ..
الشاهد من الكلام , إن المجال اللى بنشتغل فيه ( و هو تقديم خبرات الـ OTC , و توصيلها فى وقت بسيط ) , لا زال عدد الكورسات أو الدبلومات اللى ممكن أحصل عليها ( عشان شهادتها ممكن تتقل الـ CV بتاعي😉 , أو تخلينى ماشى بشهادة فيه , مش بالبكالوريوس ) , هو عدد قليل جدا , و مقتصر – على حد علمى – على دبلومات خارجية أجنبية , تقدم فى جامعات أوروبية أو أمريكية (و برضه غير معترف بيها فى مصر🙂 ) , و منهم ما أنوى إنى أحصل عليه , للعلم اللى حاستفيد بيه بإذن الله , مش عشان ورقة إضافية أحطها فى الشنطة السامسونايت , أو أزوّد درجتها فى الـ Discription الخاص بيا فى أكونت الفيس😀 !!  .
و عشان كده , فأحد الأسباب اللى بتخلينا فخورين بالمحتوى اللى ربنا هدانا لتقديمه , هو إننا بنربط – بفضل الله – بين اللى درسناه فى الكلية , بشكل أكاديمى و ممنهج , و بين اللى بنشوفه فى الصيدلية (مش أى مكان تانى) , على أرض الواقع (فى دورات الـ OTC اللى بنقدمها , سواء فى المستوى الأول أو الثانى) , بطريقة سلسة و مبسطة – بشهادة الناس اللى حضرت معانا بكرم الله – و لهدف واضح , و هو زيادة كفاءة الحاضرين داخل الصيدلية , فى أسرع وقت :) .. و دى الشهادة الحقيقية اللى بتزيّن جبيننا بفضل الله :) , لما الناس بتسألنى أو بتسأل عن اللى بنقدمه , لو كانت ما تعرفناش من قبل كده , لما تقول : هو معاه إيه غير البكالوريوس , عشان يقدّم اللى بيقدمه ده ؟!!:/ .. ساعتها انطباعات الحاضرين دى , بتكون فى نظرى , و فى نظر السائل كمان , أقوى – بفضل الله – من مليون شهادة أكاديمية , من أى جامعة عالمية أو محلية , بحصولى على كورس أو دبلومة معينة ! ..🙂 ..
أنا حبيت أكتب الكلام ده هنا قدّام الكل (بمنتهى الوضوح😀 ) , عشان يبقى حجة ليا أو عليا , فى يوم من الأيام , لو لقيتوا الشيطان وسوس لى إنى أحصل على شهادة , عشان يبقى معايا شهادات و خلاص ( لا قدر الله ) .. و طبعا لكم مطلق الحرية فى الاقتداء بالكلام ده , أو التغاضى عنه بالكامل , و ده لإن – ببساطة – ظروف شغل حضرتك , ممكن تختلف عن ظروف شغلى , و فى الحالة دى , لازم تفكّر بدماغك فى الشىء اللى ممكن ينفعك على وجه التحديد , بغضّ النظر عن تجربتى الشخصية و الـ Career اللى انا اخترته لنفسى بإذن الله  :)  ..
#ثق_فى_قدراتك
#خليك_حقيقى
#يعنى_إيه_شهادة
أحبكم_فى_الله ..

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s