أهم 32 سؤال و جواب عن الصيدلة الإكلينيكية


نقدم لكم الحوار المنتظر عن الصيدلة الإكلينيكية , و الطريق الأيسر إليها بإذن الله , مع Icu Ph Eman Sherif , الصيدلانية الإكلينيكية , بمستشفى الشهداء المركزي بمحافظة المنوفية .. و اللى حتجاوبنا بإذن الله على عدد كبير من الأسئلة اللى بتشغل بالنا و تفكيرنا تجاه المجال ككل ..

1

الحوار برعاية الكيانات الآتية : حاول تعمل لهم كلهم like , عشان حيتنشر عليهم مفاجآت كتير فى الفترة القادمة بإذن الله .. 

– Learn Pharmacy At Home

– OTC As It Should Be

– الصفحة الرسمية لحملة أنا صيدلى أنا فاهم شغلى

– أول معسكر تدريبى للصيادلة و طلبة الصيدلة : PSC 

– و أخيرا .. كياننا الوليد : Aug Academy ..

˙·٠•● Ƹ̵̡Ӝ̵̨̄Ʒ ●•٠·˙

و قبل ما نبدأ لازم ننوّه لدوراتنا القادمة فى عدد من المحافظات بإذن الله .. 

.

– محافظة القليوبية .. احجز مقعدك لحين إعلان التفاصيل هنا .. http://goo.gl/0aDt4Z

– محافظة المنيا .. OTC As It Should Be | Minia | Organized By Glaube Academy

– محافظة القاهرة .. احجز مقعدك لحين إعلان التفاصيل هنا .. http://goo.gl/Gzw8ag

– محافظة الإسكندرية .. Advanced OTC Condensed Course At alexandria

– محافظة سوهاج .. Advanced Condensed OTC Course | Sohag

– محافظة الدقهلية .. Advanced Condensed OTC Course | Mansoura

– محافظة بني سويف .. احجز مقعدك لحين إعلان التفاصيل هنا ..http://goo.gl/gRRBRu

– محافظة السويس .. احجز مقعدك لحين إعلان التفاصيل هنا .. http://goo.gl/OHiXTd

معسكر الصيادلة التدريبى (بالأسكندرية) .. بمتابعتك لصفحته PSC   .. 

♪♫•*¨*•.¸¸¸¸.•*¨*•♫♪

و الآن نبدأ الحوار على خير بإذن الله .. و نرحّب بالدكتورة ‫#‏إيمان_شريف‬ ..

✿ ❀ ✿ أحمد الجويلى

أهلا بيكى د إيمان .. و نشكرك لتشريفنا النهاردة (الجمعة 3 يوليو) , فى لقائنا الجديد من نوعه :)  ..

Icu Ph Eman Sherif

أهلا يا دكتور احمد سعيدة جدا بتواجدي معاكم النهاردة
☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
كنا حابين نعرف توصيفك الوظيفى حاليا فى المستشفى اللى بتشتغلى فيها , و اهم أدوارك ممكن يكون إيه ..

Icu Ph Eman Sherif توصيفي الوظيفي صيدلي إكلينيكي

بشتغل في العناية المركزة لمستشفى الشهداء المركزي
دور الصيدلي الاكلينيكي يطول شرحه بس هوا بيشتغل في اتجاهين
1- رعاية المريض 2- مركز المعلومات الدوائية
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
.يا ترى إيه أهم المتطلبات اللى حصلتى عليها علميا و مهنيا , و أهّلتك إنك تتواجدى فى المكان ده حاليا ؟؟
دبلومة الصيدلة الإكلينيكية جامعة عين شمس 2011
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
إزاى بتقدرى تتعاملى مع الزملاء من الأطباء داخل المستشفى فى حال الاعتراض على أمر يخص مريض لهم ؟؟ .. و فى حالة الاختلاف و عدم الاقتناع , مين اللى بيمشّى كلامه😉
التعامل مع الفريق الطبي عامة لم يكن بالأمر السهل
انت حد جديد في المكان وميعرفوش هوا اصلا بيعمل ايه فكان التدريج امر مطلوب في بداية العمل
في البداية كنا مستمعين فقط اثناء المرور الاطباء البشريين عندنا كانو بيستفيضو في شرح الحالة لينا ولما كانو يسألو عن حاجة تخص الدواء كنا بنجيبها بالدليل العلمي
واحدة واحدة بدأنا نقول اقتراحاتنا على الادوية خلال المرور وبصراحة كان يقبل معظمها

يعني مفيهاش مين يمشي كلامه🙂

☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
هل العمل مافيهوش أى صعوبات غير ضغط الشغل و العمل لساعات طويلة على مدار اليوم ؟؟
شغل الصيدلي الاكلينيكي مرهق وفيه قدر كبير من المسؤولية تجاه المريض
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
هل ممكن حد يشتغل صيدلة إكلينيكية , و مش معاه غير البكالوريوس كشهادة أكاديمية صيدلانية ؟؟
طبقا للجايد لاين لوزارة الصحة المصرية لتطبيق الصيدلة الإكلينيكية لابد من ان يكون الصيدلي الاكلينيكي حاصالتكليفل على شهادة في التخصص
الشهادات هي : بكالوريوس الصيدلة الاكلينيكية ( اللي بالفلوس دا :)  ) من جامعة القاهرة او طنطا او دبلوم الصيدلة الاكلينيكية ماجستير صيدلة اكلينيكية زمالة مصرية في الصيدلة الاكلينيكية فارم دي
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
4
إيه أهم الفروقات فى نظرك بين الصيدلة الاكلينكية فى المستشفيات الحكومية و الخاصة ؟؟
الامكانيات … المعامل
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
هل ممكن حد يتعيّن لمجرد إن معاه شهادات معتمدة كتير لكورسات أكاديمية أو مهنية ؟؟😉
مفيش حاجة في الحكومة اسمها اقدم على وظيفة كلينيكال واتعين فيها .. دا مفهوم خاطئ
في Criteria معينة الصيدلي بيمر بيها بعد التخرج وأثناء تكليفه بيتعين بعدها تلقائيا في الوظيفه حسب احتياجات المستشفى
بعد التخرج لو انت من صيادلة النظام الجديد ومعاك بكالوريوس صيدلة اكلينيكية تكليفك اساسا بيكون على مستشفى ولو انت مش منهم لازم تحاول تروح مستشفى
في المستشفى لازم تشتغل سنة كاملة كصيدلي مستشفيات مش اكلينيكي
لو معاك بكالوريوس كلينيكال يبقى مش محتاج شهادة اضافية لكن لو بكالوريوس عادي يبقى تختار اي شهادة من السابق ذكرهم وتاخدها
بعد السنة الشغل المفروض ان قسم الكلينيكال عندك في المستشفى هيطلعك تدريب 6 شهور وبعدها 6 شهور شغل تحت اشراف سينيور كلينيكال فارماسيست وبيكون اسمك جونيور خلال السنة دي
بعدها بتبدا الشغل في القسم المتاح
☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
ايه طموح جضرتك يا دكتور فمجالك ؟؟ ازاي تقدري تكبري فيه وممكن حضرتك تاخدي ايه يؤهلك لكده ؟؟ وبالنسبة لحضرتك الصيدلية الاكلينكية بالفعل مطبقة علي الوجه السليم ولا مسمي وظيفي وبس زي فمستشفيات كتير ؟؟ ولو حد صيدلي عادي وحابب يبقي كلينكال حضرتك تنصيحيه بالاستمرار ولا ده مكلف ماديا وعلميا دون الفائدة المتوقعة ؟؟ شكرااا جدا لتشريف حضرتك
السؤال من د. Norai Osama ..🙂
طموحي بصراحه مش في مصر خالص
لكن بالنسبة للتدرج اللي حاطاه الادارة المركزية للصيدلة فانت ممكن تتدرج لحد head of clinical pharmacy unit
بالنسبة للتطبيق على الوجه السليم فانت في الاخر في حكومة :)  لو حابب تطبق على الوجه السليم محدش هيمنعك يعني الأماكن اللي بتقولو انها اسما فقط فدا طبعا بسبب الصيادلة نفسهم اللي خلوها اسما لأن لو اشتغلتها بحق مش هتلاقي وقت تقعد
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
انا خريجة صيدلة جامعة اسكندرية دفعة السنة دي 2015 و لما سالت علي دبلومة كلينيكال في الكلية قالولي في دبلومتين واحدة اسمها فارم دي و دي دراسة سنتين و لازم اجيب شهادة اني بشتغل في مستشفي..عشان كده قالولي اخد التكليف في مستشفي..و بالتالي دي التقديم فيها بعد سنة لمل يجي التكليف الدبلومة التانية اسمها دبلومة مستشفيات و دي نفس نظام الفارم دي بس دراسة سنة واحدة امبارح لقيت الاعلان اللي هبعته لحضرتك عن دبلومة تقريبا تالتة..تبع جامعة عين شمس بس مش شرط اكون بشتغل في مستشفي انا استفساري..ايه الفرق بين ال 3 دبلومات..و حضرتك شايف انهي الاحسن فيهم؟
السؤال من د. Aya Tarek Abu Ali
اولا الفارما دي ليست دبلومة الفارما دي ماجستير مهني وتقييمها اعلى من الدبلومة في ستاندارد الوزارة
دبلومة المستشفيات ليست دبلومة كلينيكال
أي دبلومة كلينيكال لا تشترط العمل في المستشفى بس لو اخدتيها من حقك تنقلي مستشفى
☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
بالنسبة للصيدلة الإكلينيكية فى المستشفيات الخاصة , الموضوع بيمشى على إنه تقديم ثم تدريب ثم تعيين و هكذا ؟؟
لا بيمشي واسطة🙂
وكفاءة بردو يعني لو مش شاطر وواسطة يبقى لا بردو
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
3
انا تعبت من كتر ما سالت في المجال ده شوية اقول الدبلومة كويسة بعد تطلع مش كفاية… اقول البورد الاقيه سمعته راحت اقول ماستر يقفلوه عالبلد كلها حتى الفارم دي صعب اوفر مبلغها في سنتين بس عايزة كلام من الآخر اعمل ايه بالظبط عشان اجمع بين نظري و عملي،سليم في وقت قليل و ازاي استفيد باللي هعمله بعد كدة معنويا و ماديا؟
السؤال للد. شيماء سامى
مين قال ان البورد سمعتة ضاعت🙂
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
ايه الجامعات ال بتدى شهاده الكلينيكل السؤال للد. Mostafa Atef Essa
عين شمس و طنطا بيدو دبلومة والقاهرة وطنطا بيدو فارم دي
جامعة الاسكندرية وجامعة المنصور ة وجامعة اسيوط وجامعة المنيا … فيهم دبلومة كلينكال
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
هل الصيدلي الاكلينيكي هو اللي بيكتب الدواء بعد ما الدكتور يشخص ولو لا ليه مايكتبش الدوا اذا كان هو الخبير الاول بالدواء ؟؟
السؤال للد. Abdelghaffare Emad
لا طبعا دا بردو مفهوم خاطئ
الصيدلي بيمر مع الطبيب ويتناقشو في الدوا وبيقول ملاحظاته وبعدين بيراجع الوصفة الطبية وبيكون معاه check list عشان ميتوهش واي حاجه تانية بيبلغ بيها الطبيب وبيتم تعديلها
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
هل التخصص فى قسم معين من الطب زى الباطنه او القلب مهم للصيدلى الاكلينيكى وايه مدى تأثير موضوع التخصص على دور الصيدلى الاكلينيكى خصوصا انه مش مطبق فى مصر اثناء الدراسه فى الكليه ؟؟
السؤال للد. ساره عبدالله
طبعا التخصص افضل لأن مفيش حد هيقدر يلم بكمية المعلومات الضخمة عن كل ادوية جميع الأمراض ويلم بكل الجايد لاينز اللي في الدنيا🙂
والتخصص بيكون عن طريق انك تلتزمي بقسم محدد او تاخدي احد تخصصات البورد الأمريكي
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
البورد الامريكي ما له وما عليه؟
السؤال للد. Mohamed Saad Abo Salem
ماله :)  : البورد الأمريكي هوا خلاصة ال guidelines بين ايديك في التخصص اللي بيتم دراسته هوا علم تطبيقي لا غنى عنه لأي صيدلي اكلينيكي حتى لو واخد اي شهادة تانية علميا بالنسبة لي انا فهو الأفضل والافضل منه هوا ما يأتي بعده من قدرة على البحث في المواقع المعتمدة بحرفية عالية
ما عليه بالنسبة لنا احنا … انه لا يكفي للعمل في مستشفيات قوية في الصيدلة الإكلينيكية في الخليج للاسف ولكنه طريقه للمفاضلة
يعني من الاخر انت بتعلي ال CV بتاعك بكل الشهادات اللي بتاخدها
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
د.ايمان هو سهل أن أي حد يشتغل ف ف مجال الكلينكال ولا مطلوب وسطه جامده ولا بيعتمد بس ع المستوى العلمي والمجال ممكن ياخد شكله ف مصر بشكل أوسع ولا لسه بدري ؟؟؟؟
السؤال للد. Alaa Mahmoud
ان شاء الله المستقبل في مصر للكلينيكال داخل المستشفيات الحكومية ودا بيعتمد على صبر القائمين على العمل حاليا وقدرتهم على تمهيد الطريق أمام الاجيال القادمة
وسهل جدا تشتغل كلينيكال ومن غير واسطة في الحكومة انا قلت ان في CRITERIA محددة للصيدلي الاكلينيكي
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
بالنسبة للتفتيش هل فى حد يخص الكلينكال فى الحكومة ؟
السؤال للد. فوزية عز الدين
ايوا في تفتيش اكلينيكي لكن اي موضوع في اوله بيكون صعب
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
2
.. ايه اهم حاجه لازم اكون فهماها كويس عشان اعتبر نفسي صيدلانيه اكلينيكيه ؟!
السؤال للد. Mona Alsaeed
المرض اللي هتتعاملي معاه وطريقة علاجه والقدرة الجيدة على التواصل مع المريض والفريق الطبي
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
هل في فرص عمل كافية للمجال دة في الوطن العربي عمتا ” بحيث اني مضيعش وقتي في دراسة تاني و في الاخر اخرج مالقيش شغل ليا كمان ياريت نعرف متوسط الراتب المتوقع للصيدلي الكلينيكال المصري في الخليج ؟
السؤال للد. Hossam talaat
العمل كصيدلي اكلينيكي في الخليج مش حاجه سهلة بس لو وصلتلها فالمرتب من 17 الف وانت طالع🙂
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
دلوقتي انا سمعت ان الضيدلي الاكلينيكي بدا يدخل عمليات ممكن اعرفه وظيفته ايه وهو بيستفاد ايه وبيفيد الدكاتره والمريض ف العمليات بايه ؟!
السؤال للد. Asmaa Ali Deraz
اي مكان بيتم التعامل فيه مع الدواء فالصيدلي الاكلينيكي متواجد فيه …. احنا في المستشفى لسه موصلناش للمرحلة دي بس اعتقد قريبا هتحصل
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
ايه رأي حضرتك في إني أتدرب في مستشفي ع الكلينيكال علماً بإني هدفع مبلغ حوالي 3000 ج لتدريب مدته شهر هل ده اقتراح كويس …علما بإني بدرس بورد والمفروض امتحاني لسه ع 2016 ~~
السؤال للد. ReRe Gad
بصي يا دكتورة 3000 ج في تدريب كلينيكال لمدة شهر ليه ؟؟ لو عشان تسافري لازم خبرة عمل لمدة سنة على الاقل والبعض بيطلب 3 سنوات عمل في مستشفيات الكلينيكال الكبيرة في مصر زي 57357 او دار الفؤاد وغيرها
لو اخدتي زمالة كلينيكال افضل بكتر وهتاخدي 3 سنوات او 4 بالمبلغ نفسه
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
لو درست البورد واحتازت الامتحان ازاى اقدر اطبقه علشان منساش اللى درسته ده يعنى لو ربنا قدر انى مشتغلتش بيه ؟؟
السؤال للد. Asmaa Abyad

Icu Ph Eman Sherif

البورد كعلم تطبيقي تطبقه في اي مكان حتى في الصيدليات العامة
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
بداتى ازاى يا د. ايمان وبالتفصيل الممل انا فى طريقي ان شاء الله واخد البورد ايه المتاح ليا بعد كدة
السؤال للد. Ogha Nona
انا اخدت دبلومة من 2011 2014 صاحبتي في الدبلومة كلمتني قالتلي ايمان في اجتماعات في المديرية هيطبقو كلينيكال
تاني يوم كنت بشهادتي عند مديرة إدارة الصيدلة في محافظة المنوفية دكتورة سهام وقدمت شهادتي
نقلتني مستشفى وروحت التدريب الوزاري في مستشفى الحميات بشبين الكوم ورجعت اشتغلت في مستشفتي
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
لو الصيدلية الحكومية اللى انا فيها لسه ما فيهاش صيدلة إكلينيكية , إزاى أطبقها فيها ؟؟
السؤال بتصرف , للد. martha saad

Icu Ph Eman Sherif

هتتكلم مع رئيس القسم اللي انت حابب تشتغل فيه انك حابب تمر معاهم عشان تتعلم وتستفيد منهم اثناء المرور وتشوف الادوية ناقصه موجودة او اي مدخل تحس انه متماشي مع طبيعة الاطباء اللي هتتعامل معاهم
وفي نفس الوقت وانت في القسم تراجع الادوية بتاعت المرضى وتعمل الشغل الكلينيكال كله واي خطأ تلاقيه تبحث عنه وتجيب معلومة موثقة وتطبعها بشكل مرتب وتوزعها للاطباء وهكذا
تبدأ حضور الميتينج اللي بتنظمها شركات الادوية وتحاول يبقالك كلمة كل مرة عن دوا معين انت لاحظت خطأ في استخدامه او Drug interaction متكرر مثلا
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
معلومات عن الفارم دي بعد اذنك يادكتوره هل تؤهلني للعمل كصيدلي اكلينيكي ومدي قوتها ايضا عن البورد او الماستر
السؤال للد. Helmy Mosa

Icu Ph Eman Sherif

العمل داخل مصر اي شهادة منهم تؤهلك للعمل في الحكومة … في الخاص اعتقد البورد اقواهم والفارم دي والماستر دبلومة لأ
خارج مصر في السعودية فارم دي وماجستير للعمل في الجامعات و البورد يعلي السي في
قطر —- مبيعترفوش بالفارم دي المصري ولا الماستر على حد علمي وبحثي هما عاوزين شهادات اجنبية😦
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
دبلومه الصيدله الاكلينيكيه من جامعه طنطا اللى مدتها سنه مفيده قد ايه ؟وهل انا عندى البيزيك بتاعها والمعلومات الاساسيه وانا خريجه صيدله عاديه اسكندريه 2012ولا حتبقى صعبه علينا انا سألت وعرفت انهم بيقبلوا فى طنطا اى حد وباى تقدير بس حتستفيد بيها فى ايه؟
السؤال للد. Ola El Banna
بصي يا دكتورة معظم دبلومات الكلينيكال في اي جامعه بتكون الى حد كبير تكرار لمنهج اخر سنة
مهياش صعبة ابدا
وعامة الدبلومة هتبقى زي البكالوريوس قريب جدا ومش هيكون فيها تميز ارشحلك البورد او الفارم دي افضل و البورد افضل علميا من الجميع
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
لما امسك فايل المريض اركز علي ايه وايه الخطوات اللي هتبعها والمصادر
السؤال للد. Rawia Salah

Icu Ph Eman Sherif

الشغل لازم يكون systematic & evidence based يعني في check list تتابعي بيها وفي follow up sheet لكل مريض وكل الكلام دا انا بنزل منه نسخ على الجروب بتاعي
باختصار .. هتشوفي الاول المريض دخل القسم ليه ؟ وبعدين تروحي للمريض تاخدي منه medical & medication history ودا علم لوحده
وبعدين تبصي على ال lab test بتاعت المريض وتشوفي وظائف الكبد والكلى وحاجات كتير اوي بتتعرف من التحاليل ودا علم لوحده برده🙂
تدخلي باه على الادوية وتراجعيها طبقا لليست اللي معاكي هحطلك مثال عليها دلوقتي :

drug interaction dose adjustment duration adminstration any duplication adverse drug RX or contra indication وغيرها كتير🙂

 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
1
سؤالى لخصوص ال drug information Center ازاى يبقي ممبز و مسمع ز فعال ف المستشفي غير الفلايرز و رد ع اسالة واستفسارات ايه تانى يميزنا ؟
السؤال للد. Ph Samar

Icu Ph Eman Sherif

قوة صفحتك عالفيس بوك والمؤتمرات والمحاضرات اللي بتنظموها
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
لو سمحت يا دكتور هو ممكن لو عملنا دبلومه كلينكال وبعدها دراسات عليا نبقى ذى إللى دخل القسم ده من الأول ولا ده مش يكافئ ولا مش هيبقى لها لزمه وبرده هيبقى فى فرق بين الصيدلى العادى والكلينكال وشكرا واسفه ع الاطاله
السؤال للد. Fatma Osama

Icu Ph Eman Sherif

دبلومة كلينيكال تعتبر دراسات عليا على فكرة ولوحدها تخليكي زيه وافضل لان معاكي postgraduate
المهم انك تعرفي ان الكلينيكال مش هيبطل يذاكر ويحدث نفسه ابدا يعني الفيصل في الشطارة مش بالشهادات
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
بعد سن الثلاثين هل سيفيد التطوير ؟؟
السؤال للد. Moroo Kimo
قال رسول الله صلى الله عليه وسلم: ((إن قامت الساعة وبيد أحدكم فسيلة فإن استطاع أن لا يقوم حتى يغرسها فليفعل))
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
عايزين فعلا الطريق من بدايته بالنسبه للناس للي شغاله في وحدات صحيه ليس ليها أي علاقه بالكلينيكال خالص وازاي نقدر نتدرب في مستشفيات كبيره للي مطبقين فيها الكلينيكال من غير واسطه
السؤال للد. Esraa Hamad
اولا يا دكتورة الكلينيكال ليس حكرا على المستشفيات … الوزارة بدأت بيها لانها الأكبر او اي شيء من وجهة نظر الوزارة لكن ال outpatient هو الاكثر عرضة لمشاكل الأدوية … انا كنت وحدة وكنت شغالة كلينيكال أقوى من دلوقت🙂
ببساطة لازم يتم تفعيل الاشراف الصيدلي على دولاب الطوارئ وجلسة التطعيمات لازم تتم تحت اشراف صيدلي وكمان تنظيم الأسرة لوحدة قسم كامل … وفعلي ندوات صحية للمرضى يوم التطعيمات وجلسة مع الحوامل يوم حقنة التيتانوس … واعملي مركز معلومات يخدم القرية او المنطقة بأكملها
 ☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚☚
ايه احسن الأقسام في تطبيق الكلينيكال؟ وهل شهاده البورد كافيه؟ وايه الخطوات الي لما امشي عليها ابقى واثقه اني ماشيه صح
السؤال للد. lolla hendy
اي شهادة من السابق ذكرها كافية للعمل لكن الكلينيكال لا يكف عن التعلم وتحديث نفسه وتطوير قدرته على البحث عن المعلومات الموثقة ودا علم لوحده

卝 ❀ ✿¸¸¸.•*´¯`✿ ❀ ✿ ❀ ✿ ❀ ✿¸¸¸.•* ´¯`✿ ❀ . ◊

اتمنى اكون اجبت عن الأسئلة بالشكل الكافي مع علمي التام ان كل كلمة كتبتها يبنى تحتها الاف الكورسات التعليمية والتدريبية نصيحتي اتعلمو القدرة على البحث ابحثو عن كورس drug information دي اكتر حاجة فادتني وفي النهاية هطلب منكم الانضمام لصفحة مركز المعلومات الخاص بالمستشفى عندي وبالانضمام للجروب الخاص بخطوات الصيدلة الاكلينيكية
هناك في امثلة حية وشرح مستفيض ونماذج للورق اللي بنشتغل بيه وقريبا جدا هنظم تدريب عندنا للصيادلة فتابعونا🙂
رابط جروب : Clinical pharmacy practice step by step من هنا :
 دمتم بخير🙂
  
فى نهاية حوارنا معاكى يا د إيمان , انا مش عارف أشكرك إزاى بجد على كم المعلومات و الخبرات الهائل اللى أفدتينا بيه , و ما بخلتيش بيه على جموع الطلبة و الصيادلة اللى بيدوروا على بصيص أمل لمهنتهم .. و الوقت اللى قضيتيه معانا هنا .. و بجد ربنا يجعله فى ميزان حسناتك , و يقدرنا على رد ربع الجمايل دى🙂 .. و بنشكر كل اللى تابعونا من بداية الإعلان عن الحوار , و لحد النهاردة ,  .. و نرجو منكم الدعاء لنا بدوام التوفيق و النجاح , و أن يجعل الله عملنا كله خالصا لوجهه الكريم ..

10 responses to “أهم 32 سؤال و جواب عن الصيدلة الإكلينيكية

  1. كلية صيدلة عين شمس افضل ام القاهرة؟
    هل المواد فى قسم كلينيكال الى فى عين شمس نفس الى فى القاهرة (الى بالفلوس ) ولا مختلفة ؟
    ايه الفرق بين قسم كلينيكال الى فى عين شمس والى فى القاهرة ؟

  2. السلام عليكم .هو ينفع واحد مش في كلية صيدله يأخذ كورسات تعادل بكالوريوس الصيدله ؟
    ولو فيه ايه هيا أهم الكورسات الي ممكن يأخذها ؟

  3. لو سمحتوا ….انا صيدلانيه لغيت تكليفى للعمل فى شركه خاصه ثم تركت العمل بها….هل يحق لى العمل فى المستشفيات الحكوميه لو اخدت البورد الامريكى فى الفارماكوثيربى….وايه الاماكن الاخرى اللى ممكن اشتغل فيها بالبورد

  4. السلام عليكم ورحمة الله وبركاته
    انا ف رابعه كليه زراعة وان شاء الرحمن هيكون تقديري الإجمالي امتياز .
    فكنت حابه اسأل انا ممكن اكمل صيدله بعد زراعة ام لا
    ولو كملت ايه مجالاتي الا ممكن اشتغل فيها .
    وهل من الممكن اني افتح صيدلية باسمي.
    ويا تري ده هيكون مكلف اوي ولا ف المعقول
    وارجو من سيادتكم الرد .
    وشكراً.

  5. لو سمحتى يادكتوره انا مش فاهمه الفرق بين الفارما دى وزماله الكلينكال والبورد وماجستير الكلينكال وأنهى أفضل حاجه فيها

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s