عن شاي التخسيس و الإمساك


constipation

جاتنى رسالة , مضطر إنى أنشرها , عشان تتأكدوا – يا كل البنات اللى عاوزة تخسس نفسها – إن شاى ‫#‏رويال‬ مضرّ و بيعمل مشاكل فى القولون:/

✿ ❀ ✿ السلام عليكم

عندى سؤال يا دكتور واثقة ان حضرتك اللى هتقدر تفيدنى
انا عندى #البواسير من سنتين والمفروض كانت حالة رابعة بس رفضت اعمل عملية وقررت اتعايش مع الموضوع واتعالج مشكلتى دلوقتى في #الامساك عندى من اربع سنين كنت باخد شاى #رويال للتخسيس لمدة سنتين والدكتورة قالتلى ان هو السبب ف البواسير وقفته واخدت بيكولاكس ف الاول كان مفعولها قوى وبعدها بوقت قليل بس دلوقتى ممكن بعد 12 ساعة وساعات اكتر من كده جربت اوقفها شوية واستمر علي دوفلاك ولاكتيلوز مكنش بياثر جربت لبوس الجليسرين ماثرش نهائي جربت اقراص الكربون بتريحلى معدتى بس مبتشتغلش كملين نهائي بشرب مية كتير جدا اكتر حاجة بعملها ف حياتى مباكلش سلطة كتير دى مشكله انا عارفة
بطنى بتنتفخ من اقل حاجة وبتوجعنى مبعرفش وانا نايمة انام غير ع ضهرى لو اتحركت يمين او شمال توجعنى جدا المفروض عندى قولون عصبي من خمس سنين تقريبا بس عادى متعايشة معاه باخد مسكنات كتير وحقن اكتر
بحس بتقل فظيع ف بطنى مبقدرش اقف كتير بعد ما اكل وبرشام الهضم بحسه زى قلته فمش باخده
عايزة حل لكل ده وخصوصا الامساك

˙·٠•● Ƹ̵̡Ӝ̵̨̄Ʒ ●•٠·˙

يلا نشوف مناقشتنا للـ Case دى :

★*  شاى التخسيس أذى .. خاصة لو كان بيشتغل بطريقة التليين الزائد , بالأدوية اللى فيها Senna أو أشباهها .. و ده لإنها بتعوّد القولون عليها , و هو بيحاول يتغلب على تأثيرها عشان يرجع الـ stool لقوامه الطبيعى , فيقلل من حركته الطبيعية شوية , فنزوّد احنا الجرعة الخاصة بالشاى , و هكذا , لحد ما نوصل للوزن اللى احنا عاوزينه , فنوقّفه مرة واحدة , فيقلب معانا بإمساك مزمن , ممكن يوصل لشرخ أو بواسير والعياذ بالله , زى ما حصل مع الزميلة الفاضلة .. و عشان كده هو لا يفضل للتخسيس , و إنما لحالات الإمساك الطارئ و المعروف سببه , و اللى أمن معاه إننا نستخدم Stimulant laxatives زى كده ..

★* لو كان الإمساك حديث بسبب شاى التخسيس , كان حيبقى الحل هو العودة إليه , ثم التوقف التدريجى على مدار فترة طويلة شوية , عشان القولون يرجع لطبيعته زى زمان , بعد ما حيضطر يرجع يشتغل و يتحرك زى ما الكتاب بيقول , و ده طبعا مع النصايح اللى حنقولها لعلاج الإمساك بصفة عامة , و لكن المشكلة إن القصة حصلت و انتهت من سنتين , و العودة لنفس المسبب من جديد شىء محفوف بالمخاطر , و حنحاول تجنبه بإذن الله بالطرق اللى حنقول عليها ..

★*  من خلال الكلام , السبب الرئيسى ما كانش بس مسألة شاى التخسيس .. و إنما كان وجود القولون العصبى , و اللى بيكون سببه التوتر و الضغط النفسى من الأساس , و اللى ممكن يكون سببه 1000 حاجة !! .. و عشان كده , ممكن نستخدم الأدوية المعروفة للقولون العصبى لفترة بسيطة لحين زوال الأعراض , زى ليبراكس أو كلوكسيد او كولونا أو غيرهم , مع المواظبة على الاستماع لجلسة الاسترخاء دى , مرة يوميا قبل النوم , لمدة 21 يوم على الأقل بإذن الله ..

https://www.youtube.com/watch?v=lYr6M7BwJYc

★*  الممنوعات لمريض الإمساك كتير .. و هو أدرى بيها من أى حد تانى , و المفروض يبتعد عنها قدر الإمكان , و أهمها المعجنات زى البيتزا و اخواتها , و على الجانب الآخر , فكل الألياف زى الخضروات الورقية و غيرها من المحببات بالنسبة لمريض الإمساك , عشان بتحتفظ بالمية جواها فى القولون لفترة أطول , و تحافظ على قوام مناسب بعيد عن الصلابة بشكل كافى .. و لازم نشرب مية كتييييييييير زى ما الزميلة الفاضلة قالت .. من 2 لـ 3 لتر يوميا على الأقل , متوزعة على مدار اليوم .. 2 كوب قبل كل وجبة بربع ساعة , و 2 كوب زيهم بعد كل وجبة بساعة .. مع الإكثار من تناول الـ snacks بين الوجبات كمان ( خياراية .. جزراية .. تفاحاية .. إلخ  ) , عشان القولون يفضل شغال قدر الإمكان و يتعود ع الحركة من أول و جديد .. أعرف ناس كتير كان سبب الإمساك عندهم , هو إنهم مش بياكلوا من الاساس !! ..

★*  لو الإمساك استمر بعد كل الكلام ده , لازم ناخد أنواع مختلفة من الملينات ما تكونش stimulant laxatives , عشان القولون ما يتعودش عليها .. زى الـ bulk laxatives , زى بران / أبل لايت / أجيولاكس .. إلخ .. مؤقتا , لحين تحسين حركة القولون بشكل كافى .. و بعد كده ممكن نستغنى عنها بإذن الله , تدريجيا برضه .. و ممكن بيكولاكس او لاكتيولوز برضه نستخدم واحد منهم بشكل آمن , لو الحاجات اللى فاتت ما جابتش نتيجة ..

★*  و لكن طالما وصلنا للمرحلة الرابعة من البواسير , يبقى “انسى يا عمرو” .. لازم عملية .. و انا بصراحة عرضت الحدوتة دى كلها , عشان نوصل للتعليق ده , و اللى حابب أركز فيه على نوع منسى من أنواع علاج البواسير , و هو مغطس برمنجنات البوتاسيوم , و اللى ممكن يستخدم فى الحالات البسيطة و المتوسطة , و ممكن يقلل من حدة الحالات المتقدمة زى حالتنا كده , لحد ما نعمل العملية .. و ممكن نتعرف على طريقته من الفيديو ده ..

https://www.youtube.com/watch?v=YNzBcJWTLwc

♪♫•*¨*•.¸¸¸¸.•*¨*•♫♪

لو استفدت من المقال ما تنساش تعمل شير😉🙂

أحبكم في الله

أحمد الجويلى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s