‫‏إزاى تكتب CV بالطريقة الجويلية‬ ؟؟!! ..


1

.

كتابة الـ CV مش اختراع , و هو موضوع اتهرس فى 100 دورة و ندوة حتى الآن .. و لكن عاوز أقول لك النهاردة شوية قواعد , تحطهم حلقة فى ودنك , عشان توفّر على نفسك وقت و مجهود و فلوس و محاولات تقديم فاشلة للعمل .. اتفقنا ؟؟

.

1) الـ CV مش ثابت .. يعنى بتطوره فى كل مرة تقدم فيها لوظيفة مختلفة أو فى مكان مختلف .. 

2) قبل ما تكتب الـ CV , اعرف إيه المطلوب منك , و إيه التوصيف الوظيفى اللى حتتقدم له ..

1

3) الـ CV لازم يكون صادق و مفيش فيه كلمة مالهاش لزوم

4) الـ CV لازم يكون سهل القراءة بخط واضح و ألوان متناسقة

5) الـ CV بيمر قدام عين مسئول الـ HR لمدة أقل من 30 ثانية , اسأل نفسك إزاى تجذب انتباهه بإيجابية لأكتر من كده .. خليك مبدع قدر الإمكان ..

6) الصورة بتاعتك المفروض تكون واضحة المعالم و رسمية قدر الإمكان , مش و انت قاعد فى الجونينة تحت شجرة الخوخ و باصص للقمر !! ..

7) لازم تكون حاطط مراجع لكلامك فى آخر الـ CV , كإيميلات ناس اشتغلت معاهم أو أرقام تليفوناتهم , عشان لو حبوا يسألوا عليك و يتأكدوا من كلامك , فى الجهة اللى انت رايح لها يعنى .. 

8) ما تحشيش الـ CV بشهادات وهمية أو تكون مش فاكر المحتوى اللى فيها , عشان حتتسأل فيها فى الـ Interview .. و حيبقى شكلك غير مشرف ساعتها !! .. لو مقتنى باقة زى Learn Pharmacy At Home من غير ما تكون شفت محتواها , ما تجيبش سيرتها , عشان ما تخليش شكلنا احنا وحش😦 ..

9) إوعى تكدب بخصوص أى كلمة فى الـ CV .. و دى غير القاعدة رقم 3 .. 

10) الـ CV مش لازم يكون كشكول كبير .. ورقة أو اتنين فيهم أهم إنجازاتك , يبقوا زى الفل .. احنا قلنا هما كلهم 30 ثانية بالكتير ..

11) اهتم فى الـ CV بإبراز إنجازاتك العملية على أرض الواقع أكتر من الدورات اللى حضرتها .. يعنى اشتراكك فى عمل تطوعى أو تدريب حى فى مستشفى , أهم عند اللى حيوظفك من 10 شهادات لدورات نظرية بحتة ..

12) خلى أول حاجة فوق خالص , هى اسمك بشكل واضح و كبير ..

13) خلّى إميلك الرسمى هو اللى موجود .. ما ينفعش تستخدم إيميل فضيحة – يودّى فى داهية – زى ده مثلا : ..

Anaelwadelfa7eet92@yahoo.com

14) حط رقم تليفونك الشغال .. و لو مش ضامن إنه يكون شغال , حط رقم والدك .. المهم لو اتصلوا بيك يوصلوا لك .. و نفس الكلام لو الإيميل بتاعك مش شغال , أو مش بتفتحه كتير ..

15) اعرض الـ CV على كذا شخص بتثق فيه قبل ما تبعته للجهة اللى تقصدها , عشان لو فيه أى خطأ إملائى أو فنى , ينبهك ليه .. أخطاء بسيطة جدا ساعات بتمر من قدّام عيننا من غير ما ناخد بالنا .. 

16) ما تاخدش CV واحد صاحبك , و تغيّر بعض البيانات و خلاص .. انت ما تضمنش ممكن يكون منيّل إيه عنده !

ممكن تاخد template فاضى محترم , و تملاه انت أسرع من لو بدأت CV من أول و جديد 

17) خليك صادق و ما تكدبش بخصوص أى معلومة تقولها .. و دى مختلفة عن رقم 3 و 9 برضه ..

18) تقدر تحمّل أكتر من 100 قالب جاهز للـ CV من اللينك المختصر ده ..http://goo.gl/xSALkA

مع تطور التقنية الحديثة أصبح من المُمكن تحويل الـ CV بشكلها التقليدى الى  Modern CV أو Smart CV  منظمة بطريقة أكثر جمالي…

Posted by AraGeek on Monday, March 21, 2016

19) بعد كل ده , ادخل على YouTube و ابحث عن كيفية كتابة سيرة ذاتية .. و شوف آلاف الفيديوهات

20) لو عاوزنا نختار لك شوية فيديوهات متكاملة , احنا نرشّحها لك بدل ما تدفع دم قلبك فى دورات تقول لك إزاى تعمل نفس الكلام .. و ده مش معناه إن كل الدورات دى بلح .. و لكن لو لقيت منها واحدة ممكن تمرنك عمليا على كتابة الـ CV و تراجعه ليك , يبقى على بركة الله … أهم حاجة إنك‫#‏تستثمر_فى_دماغك‬ صح .. ,  دي محاضرة رائعة , للأستاذ مدرب الشباب/ أحمد قدوس , عن كيفية كتابة السيرة الذاتية , و اجتياز المقابلة الشخصية , على الرابط ده , حتفيدكم جداااااا إن شاء الله ..

https://www.youtube.com/watch?v=Uwx-3cnm3Ww

‫#‏اتعلم_صح_باستمتاع‬
‫#‏أحبكم_فى_الله‬
.
أحمد الجويلى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s