القواعد الجويلية للإنترفيو


  1. مفيش أسهل من الكدب فى المقابلة الشخصية , إلا إن كدبك يتفقس على يد اللى حيقابلك
  2. خليك صادق .. بس ما تبقاش مدب
  3. الإنترفيو بالنسبة لك تجربة , مش نهاية مطاف .. ما تزعلش لو ما اتقبلتش
  4. ماتخالفش ضميرك عشان تقول إجابة تسعد اللى قدّامك
  5. خليك نفسك و ماتتصنّعش أو تقلد شخصية حد تانى
  6. ولّع فى الكتب الرخيصة زى : الإجابة المثالية لأهم 134 سؤال فى الإنترفيو .. مفيش إجابة مثالية
  7. الإنسان اللى قدّامك مش إنسان آلى أو كمبيوتر .. ابتسم فى وشّه باعتدال و ثقة
  8. فيه أسئلة نمطية تقليدلية زى : شايف نفسك فين بعد 5 سنين ؟؟ / اوصف نفسك فى 20 ثانية / تحب تكون ديل أسد ولا راس حمار ؟ .. و خلافها .. الأسئلة دى مالهاش إجابة نموذجية .. طريقة الإجابة نفسها و ثقتك فى نفسك فى أثنائها , هى اللى بيتعطى عليها التقييم ..
  9. ادرس المكان اللى حتتقدم له قبل ما تروح الإنترفيو
  10. ركّز ع الإنجازات اللى قمت بيها بشكل فعال خلال آخر مرحلة من حياتك .. و جرجر الحوار إليها
  11. اهتم بمظهرك بشكل رسمى .. مش حاوصّيك بقى
  12. اهتمى بمظهرك بشكل لائق و محترم .. مش حاوصيكى برضه
  13. سيطر على جسمك و انفعالاته .. ماتعرقش .. ماتهزّش رجلك .. ما توسّعش ياقة القميص بإيدك .. ما تقفلش قبضة إيدك .. ما تحكّش مناخيرك .. ريلاااااااااااكس
  14. ماتنتظرش الوصول لكم كافى من العلم النظرى قبل ما تدخل الإنترفيو .. كل ما حتتعلم أكتر , حتكتشف مدى احتياجك للعلم أكتر
  15. اعرف إزاى تقدم شوية العلم اللى عندك – سواء كتار أو قليلين – بشكل حلو و طعم مستساغ للّى حيقابلك
  16. ابحث عن نقط التشابه بينك و بين المحاور فى أى حاجة , و لمّح إليها ..
  17. خلي عندك عزّة بنفسك , حتى لو كنت فى أمسّ الحاجة للعمل .. همّا المفروض يعيّنوك عشان كفاءتك , مش عشان احتياجك للمادة
  18. اعرض المهارات اللى عندك , و اللى ماحدش يقدر يحلّ محلّك فيها .. اظهر لهم “تلميحا” إنك الشخص المناسب للمكان المناسب
  19. أيا كانت نتيجة الإنترفيو , امشى و انت سايب انطباع إيجابى عنك .. يعنى لو حسيت إنك اترفضت , مش لازم تقول و انت طالع : عبوكو كلكوا
  20. اتفرج على فيديوهات ع اليوتيوب , بعنوان “كيف تجتاز المقابلة الشخصية” أو “How to pass an interview”
  21. ما تنساش .. الصدق حل لكل المشاكل , حتى لو ما بانش إنه كده فى القريب العاجل

 

أحبكم فى الله

أحمد الجويلى

 

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s