قواعد الإجازة الأربعون


1.jpg

1. فكّ عن نفسك بالطريقة اللى تحبها , و اطلع من مود الدراسة شوية , بما لا يخالف شرع الله ..
2. حاول تسافر أكبر قدر ممكن من السفريات لأى حتة .. دى حاجة مش بتتسهل فى الدراسة ..
3. الدراسة فيها بتتعلم عشان امتحان .. الأجازة : ممكن تتعلم فيها باستمتاع ..
4. ما تلزمش نفسك بـ tasks كتير مش على رغبتك , لمجرد إنك شايفها مفيدة لمستقبلك .. سيب نفسك تعمل اللى بتحبه ..
5. جرب تشتغل .. مش لازم تشتغل فى مجال دراستك .. المهم حاول تدوق طعم فلوس تجيبها بعرق جبينك ..
6. اتدرب صح فى الصيدلية .. اقرا : http://wp.me/p2YNXX-JL
7. اتفرج على واحدة من الـ TEDx talks يوميا ع الأقل ..
8. مارس أى رياضة , مش لازم تروح جيم يعنى .. ممكن حتى شطرنج ..
9. اتعلم مهارة جديدة .. سواء يدوية أو اجتماعية او حتى لو لها علاقة بالكمبيوتر ..
10. لف على قرايبك , و زورهم .. تلاقيك ناسيهم طول الدراسة ..
11. اسمع حلقة من خواطر الشيخ الشعراوي يوميا .. حتلاقيهم ع اليوتيوب على فكرة ..
12. دور على كورس فى مجالك , تحضره لايف أو أونلاين .. بس اختار كويس ..
13. روح مع والدك الشغل فى يوم من أول النهار , و شوف بيتعب قد إيه ..
14. قررى تريّحى ماما من شغل البيت فى يوم , و حضرى نفسك لدعوة حلوة آخر النهار .. بتفرق ..
15. دعبس فى الكنوز اللى عندك ع اللاب أو الكمبيوتر , و اللى حمّلتها طول الدراسة و ما شفتهاش ..
16. حمّل كتب صوتية , و حطها على موبايلك , و اسمعها و انت بتتمشى لوحدك لمسافات طويلة ..
17. اتعلم العزف على آلة موسيقية أيا كانت .. حتى لو الطبلة ..
18. كوّن صداقة جديدة كل يوم , و اتعرف على ناس جدد من دول مختلفة ..
19. جرب نظام غذائى جديد , ما كنتش متعود عليه ..
20. اسأل عن اللى حتدرسه السنة الجاية فى الكلية .. بس من بعيد لبعيد ..
21. راجع المواد اللى درستها و حاسس إنها تطبيقية فى شغلك اللى تتمناه بعد التخرج ..
22. اتعلم لغات .. ادخل ع اليوتيوب , و اتعلم أى لغة جديدة بطريقة Pimsleur ..
23. اقرا عن تجارب نجاح الآخرين .. اكتب بس فى google : قصص نجاح .. و عيش ..
24. اشترك فى عمل تطوعى خيرى .. الجمعيات الخيرية على قفا من يشيل ..
25. تابع قناة National Geographic , سواء تليفزيون أو يوتيوب ..
26. اتعلم السواقة لو ما كنتش اتعلمتها ..
27. اتعلمى الطبيخ لو ما كنتيش اتعلمتيه ..
28. حافظ على مواعيد نومك الطبيعية , و ما تقلبش يومك رأسا على عقب , بحجة إنك فى أجازة ..
29. قيس أطول فترة ممكن تعيش فيها بدون فيس / واتس / إنستجرام / .. إلخ. و ادى نفسك جايزة كل ما تلاقى الفترة دى زادت ..
30. اكتب يومياتك , و المواقف اللى بتتعرض لها , بشكل عام أو خاص .. أو سجلها بصوتك ..
31. بيع الحاجات اللى مش لازماك على OLX Egypt , و وفّر تمن الحاجات اللى حتلزمك أكتر ..
32. نام براحتك , و انت بتسمع لجلسات استرخاء زى دى https://youtu.be/lYr6M7BwJYc

2
33. أكثر من النوافل .. ما بقاش وراك حاجة أهو .. ‫#‏ملكش_حجة‬
34. اختلى بنفسك لمدة 15 دقيقة يوميا , و تخيل فيهم مستقبلك تحب يبقى إزاى بتفاصيله كلها
35. ماتفكّرش فى الارتباط بأى شكل , لحد ما تخلص دراسة , و تبقى قادر تفتح بيت من شغلك ..
36. فكّرى فى الارتباط براحتك .. دى سنّة الحياة أصلها .. و لا عزاء للرجال ! ..
37. ما تقراش روايات هايفة .. دى مش حتخليك مثقف .. و إنما مثقف زائف ..
38. نتعلم تجويد يا جماعة .. و البوست جاهز أهو .. و فيه مسابقة السنة الجاية إن شاء الله برضه ..https://goo.gl/oR4wx9
39. ماتضيعش وقتك فى حاجة مش مفيدة ولا ممتعة بالنسبة لك ..
40. نشرك للبوست ده , ممكن يغيّر حياة كتير لسه مش بيفكروا كده ..
.

1.jpg

دي كانت نيتي وانا باكتب لكم المقال ده

شير لو انت كمان عندك نفس النية😉

‫‫#‏اتعلم_صح_باستمتاع‬

#‏المجد_للمبادرين‬
‫#‏أحبكم_فى_الله‬
.
أحمد الجويلى

 

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s