الزتونة فى الفرق بين ‫البورد الأمريكى‬ و‏الفارم دى‬ و‫‏دبلومة الكلينيكال‬ و ‏الماجستير‬


1

‫#‏البوست_المنتظر‬ | الزتونة فى الفرق بين ‫#‏البورد_الأمريكى‬ و ‫#‏الفارم_دى‬ و‫#‏دبلومة_الكلينيكال‬ و ‫#‏الماجستير‬ , و غيرها من الشهادات .. 

.

بص يا ريّس .. أنا صيدلى community و أفتخر , مش clinical .. و ده مغزاه إن سكة الصيدلى الحر , تختلف عن سكة الكلينيكال .. و ممكن أكون درست منهج واحد من اللى فوق قبل كده من 5 سنين , و اكتشفت أثناء دراسته , إنه ممكن ما يكونش الـ most optimum فى وجهة نظرى , .. و ده لإنى مؤمن إن الدراسة اللى حابذل فيها من وقتى و مالى و مجهودى , لازم تكون fitting بشكل دقيق جدا , مع مجال العمل اللى انا ناوى أشتغله بعد التخرج .. 

.

و شوية بشوية , اكتشفت إن كل مكان بيبقى له متطلبات معينة , ممكن تختلف عن المكان اللى جنبه , .. يعنى مستشفى X فى اسكندرية , ممكن يكونوا شايفين إن شهادة الفارم دى أهم من شهادة البورد , فلما يطلبوا صيادلة إكلينيكيين , أو لما تروح تتقدم للعمل معاهم , تلاقيهم يكتبوا إن الأفضلية للحاصلين ع الفارم دى , مش البورد .. و على العكس تماما فى مستشفى Y اللى جنبها ! .. طب الذكى يعمل إيه بقى ؟؟ . فى وجهة نظرى , المفروض تبدأ الطريق من آخره .. و تسأل نفسك : أنا نفسى أشتغل فين ؟؟!! .. فى مستشفى السلامة مثلا ؟؟!! .. ع البركة .. أنا دلوقتى خريج جديد .. يا ناس يا اللى بتشتغلوا فى مستشفى السلامة , أدرس إيه بعد التخرج , يؤهلنى إنى أشتغل معاكوا بعد سنة مثلا ؟؟! .. و اللى يقولوا لك عليه , ادرسه .. ده الطريق المختصر يا ابنى الغالى .. 

.

لو مش مقتنع بإجابتى دى , و فاكر إن فيه شهادة منهم أهم و أقيم من التانية بشكل مطلق فى العموم كده , انت حر طبعا , و لكن كان زمانهم اكتفوا بواحدة الكل يدرسها بعد التخرج علطول , و يلغوا الباقيين يا ضنايا !! .. و ده كلام غير منطقى .. العلم مش حصرى أو مقصور على شهادة واحدة أو محتوى واحد !! .. العلم فى أماكن كتير يا روح قلبى !! ..

.

اللى يهمنى فى كل الكلام اللى فات , إنك لما ترسى على محتوى منهم , لازم تتأكد إنك جاهز له علميا و وقتيا , بالشكل اللى مايخليكش تيأس أو تكسل بعد فترة .. أو تطلع بعد الفترة الطويلة دى كلها , بشهادة جديدة و خلاص , و مفيش علم تطبيقى دخل دماغك .. كنت متضايق و مصدوم جدا , لما زميلة فاضلة قالت لى إنها حصلت على دبلومة كلينيكال كاملة فى آحد الجامعات المعروفة , و لما دردشنا شوية بخصوص بعض المعلومات البسيطة فى ‫#‏المضادات_الحيوية‬ , قالت لى بحسرة : مش فاكرة حاجة !! .. 

.

زملائى المهتمين بالفروقات الجوهرية بين الشهادات دى , لهم باااااع طويل فى توضيح التباين فى السعر و مدة الدراسة و جودة المحتوى و تواجد الجانب العملى من عدمه , فى كل واحد من الشهادات دى .. و تقدر تشوفهم فى البوستات الجميلة دى بالتفصيل ..

.

https://goo.gl/JWyElS

https://goo.gl/6VwV5f

https://goo.gl/B0cdaX

https://goo.gl/HNrRgI

.

و ده بوست مفصل عن الدرجات والشهادات المتاحة في تخصص الصيدلة الإكلينيكية في مصر

https://goo.gl/FNNB2o

.

و ده حاجة عن ‫#‏البورد‬ مخصوص .. بوجهة نظر محايدة .. على أساس إنها أكتر حاجة بنتسأل عليها حاليا ..

https://goo.gl/6SjU4n

.

و ده بوست تــــــحـــــــفـــــــــــة عن تفاصيل دبلومة الكينيكال بصيدلة عين شمس , كتبه د. محمد فرج الله ..

https://goo.gl/niDvab

.

و أخيرا بقى .. بالله عليك تقرا الكلام ده عن ‫#‏الكلينيكال‬ و التطوير العلمى للنفس (من وجهة نظرنا) .. 

.

أكثر من 5 نصائح جويلية بخصوص الصيدلة الإكلينيكية

http://wp.me/p2YNXX-La

.

أهم 32 سؤال و جواب عن الصيدلة الإكلينيكية

http://wp.me/p2YNXX-J5

.

الحيلة الوحيدة للتغلب على إلغاء شهادة البورد الامريكي في مصر (سابقا)

http://wp.me/p2YNXX-zx

.

إزاي أطوّر نفسي كطالب ؟؟| الجزء الأول

http://wp.me/p2YNXX-lc

.

إزاي أطوّر نفسي كصيدلى ؟؟| الجزء الثاني

http://wp.me/p2YNXX-fQ

.

ياااااااااااااا رب أكون قدمت لك شىء مفيد يريّحك من الحيرة , و يختصر عليك الطريق , و يوصلك لبر الأمان .. و ما كان من صواب فمن الله , و ما كان من خطإ فمن نفسى و من الشيطان .. و اسألوا المتخصصين فى المجال ده أكتر منى برضه , من اللى تثقوا فى علمهم و نزاهتهم .. اتفقنا ؟؟!! ..

 ‫#‏شير‬ للبوست على بروفايلك .. 

.

‫#‏اتعلم_صح_باستمتاع‬

‫#‏أحبكم_فى_الله‬ 

.

أحمد الجويلى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s