7 أنواع من الأشخاص ماينفعش يحضروا معانا في دوراتنا


7

7 أنواع من الأشخاص ماينفعش يحضروا معانا في El-Gewaily Tour 2017 !! ..
.
1. غير الصيادلة | اللي بنقدمه موجّه بالتحديد للصيادلة و طلبة كلية الصيدلة , حصريا .. و لو كنا حابّين نكسب ماديا و خلاص , كان بابنا اتفتح ع البحري للجميع .. و لكن احنا مؤمنين دايما إن الصيادلة أولى بالعلم الصيدلي المتخصص , من غيرهم
.
2. كانزو الشهادات | لو حضرتك ناوي تحضر بحثا عن شهادة تضيفها للـ CV الخاص بيك , بدون الاهتمام بالمحتوى المقدم , ولا استمتاعا بأسلوب عرضه , فنحب نطمّنك إن حضورك الكريم مش حيكون مفيد لحضرتك , لإننا مش بنضرب شهادات , بجانب إن المديرين و مسئولي الـ HR اللي بيتقدم لهم الشهادات اللي حضرتك تقصدها , بيفطسوا على روحهم من الضحك لما يشوفوها في CV حضرتك .. اقرا كدهhttp://wp.me/p2YNXX-gZ
.
3. اليائسون | إحنا بنكلّم اللي لسه عندهم أمل .. لو شايف إن مهنة الصيدلة إلى زوال , و إن العلم الصيدلي زي قلّته , و إنك نادم أشد الندم على دخولك الكلية , .. طب ناوي تحضر معانا ليه ؟؟!! .. إحنا كلامنا موجّه للّي ناويين يستفيدوا بيه في صيدلياتهم , و يفيدوا مرضاهم , و يستعيدوا ثقتهم في نفسهم , و يقدّموا خدمة متميزة .. لكن بالنسبة لك , أرجوك اعمل Career Shift في أقرب وقت ..
.
4. عديمو المسئولية | لو لسه فاكر إن السبب في مشاكل مهنة الصيدلة , هي جهات أخرى غير الصيدلي نفسه , فاسمح لي أبشرك بإن مشاكلك عمرها ما حتتحل .. إحنا بقى مؤمنين بإن “ظروفك هي مسئوليتك” , و “لو غيرت تفكيرك , حتتغيّر حياتك” .. لكن طالما انت بتنتهج #نظرية_الكومودينوhttp://wp.me/p2YNXX-Hq , و منتظر إن الكون يتغيّر عشان خاطرك , فحضورك معانا لن يضيف لك أي شىء ..
.
5. السحتجية | لو بتقرا المصطلح ده لأول مرة , فهو معناه “آكلو السُحت” لكن بالعامية !! .. يعني اللي – في وجهة نظري – مرتبين أولوياتهم المالية بشكل خاطئ , و ما عندهمش أي مانع في إنفاق المال / الوقت / المجهود في أي شىء ممتع و لكنه غير نافع (شيشة / بلاي ستيشن / كنتاكي / مسلسل مدبلج 674 حلقة .. إلخ) , و لكن يفضّلوا الحصول على العلم #مجانا , و ده لإنه في الأساس رخيص عليهم , و مش مدركين أهمّيته و حجم قدرته على تغيير حياتهم للأفضل !! .. إن لم تود أن تبذل شيئا في سبيل العلم , فتمتع باستقرارك في بحور الجهل !! ..
.
6. المبررون | لو كل واحد مننا دوّر على “حِجّة” واحدة يقولها للمحيطين بيه , عشان مايقومش من مكانه و يتحرك , حيلاقي 1000 حجّة مختلفة .. و لكن زي ما شخص عزيز عليا قال : دايما فيه نوعين من الحجج , نوع يقال للناس , و نوع حقيقي بيفضل جوانا , و احنا بس اللي نعرفه .. مثال : “كان نفسي أحضر , لكن للأسف عندي شغل في الوقت ده” .. ده سبب ظاهري , يتقال كويس للناس .. لكن السبب الداخلي – غالبا – بيكون “أنا مش متأكد إني ممكن أستفيد من الحضور يعني” !! .. و الدليل هو إن صاحبنا ماسألش مديره أصلا إن كان ممكن يوفّق أوقات تانية لحضوره في الشغل , عشان يحضر فعليا معانا !! ..
.
7. المسوّفون | لو ناوي تنتظر لحد آخر لحظة عشان تتخذ قرار الحجز , فاحنا بنطمّنك : غااااالبا لما تيجي تحجز فعليا , مش حتلاقي عندنا مكان , أو ع الأقل حتلاقي #خصم_المبادرين انتهى , و ساعتها حتسألنا في أول تعليق على صورة اليوم الأول من الدورة “هي حتتعاد إمتى تاني ؟؟ أصلي ما لحقتش أحجز” , و مش عارفين ممكن نقول لك إيه لما نشوف التعليق ده !! .. http://wp.me/p2YNXX-15l
.
لو كنت واحد من الـ 7 أصناف اللي فاتوا , احنا بنعتذر لك لو كان كلامنا وجعك .. و لكنّه وجع مقصود .. للمرة المليون , لو حضر معانا 100 جدعان و مبادرين في كل محافظة , أبرك من لو حضر 1000,000 كغثاء السيل , يطلعوا من الدورات بدون استفادة , لمجرد إن ماعندهمش الصفات اللي ممكن تؤهّلهم للتطوّر و النمو بجد , مش هزار ..
.
#الصراحة_بتوجع

أحمد الجويلى

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s