5 يجب عليك أن تتجنبها إن كنت مريضا بالحساسية ..


بيقول لك إن بيبقى فيه حد حسّاس .. و حد تانى جبلّة مش بيحس .. يعنى الحساسية دى حاجة حلوة على فكرة ، لإن عكسها هو إن حد يعتدى عليك و انت ولا الهوا !! .. و عشان كده ، بنعتبر إن #الحساسية أحد وسائل #التنبيه فى الجسم لما يدخله حاجة مش كويسة أو يتعرض لمصدر خطر ، و دى بتبقى طريقة تفكير الجسم لما تظهر عليه أعراض الحساسية .. يعنى الجسم – لما تظهر عليه أعراض الحساسية – بيبقى عاوز ينبهك بإنك لازم تروح للدكتور لتجنب الخطر المحدق بالجسم .. حلوة محدق دى ؟!!😀

الحساسية ممكن تيجى فى أماكن كتير فى الجسم .. منها العين أو الأنف أو الرئتين أو الجلد .. إلخ .. و يمكن أن تورررررررث من الأب أو الأم إلى الطفل بأشكال مختلفة .. يعنى الأب يكون عنده حساسية فى العين ، فالابن يورثها كحساسية فى الجلد .. و هكذا .. . و المادة السحرية فى موضوع الحساسية هى #الهيستامين .. جزىء صغنون بييجى من أمينوأسيد مشهور اسمه #هيستيدين ، و بيتصنع و يتفرز مرة واحدة من خلايا صغنونة برضه اسمها Mast Cells ، و موجودة فى الأماكن اللى قلنا عليها فوق ، و دى اللى بتبخ الهيستامين فى الدم لما الجسم يحس إن فيه Allergen (أو مسبب للحساسية يعنى) بيحاول يؤذى الجسم ..

h1 . الهيستامين بقى عشان يشتغل لازم يؤثر ع المستقبلات بتاعته الخاصة بالحساسية ، و اللى اسمها H1 receptors فى نفس الاماكن اللى قلنا عليها برضه .. و دى غير ال H2 receptors اللى موجودة فى المعدة و القلب و بيشتغل عليهم الهيستامين لما تركيزه يبقى أعلى مما فى حالة الحساسية و يبقى مركز عليهم هما بس .. . الشاهد بقى إن الحسّاسين زيادة عن اللازم ممكن يتأثروا بمسببات الحساسية أكتر من غيرهم .. و عشان كده فيه 5 حاجات مهمة المفروض أصحاب الحس المرهف دول يتجنبوهم :

#المسبب : 90% من شطارة المعالج للحساسية تكمن فى قدرته على اكتشاف المسبب لها ، و تبقى أمه داعية له اللى يكون سبب الحساسية واضح قدامه .. لإن كبرى الاخطاء فى علاج الحساسية هى عزق المريض بمضادات الحساسية المختلفة والكورتيزونات عميانى كده .. فى حين إن معرفة ال Allergen و تجنب التعرض إليه ممكن تغنى المريض عن استخدام أى أدوية من أساسه أحيانا .. . و المسبب ممكن يكون واضح زى السجاير فى حالة مريض حساسية الجيوب الأنفية .. أو خفى و معقد زى بداية موسم حرق قش الرز مثلا بالنسبة لمريض حساسية العين ، و اللى بيتعذب بسببها لمدة شهر أو اتنين فى السنة ، و يبدأ ماراثون الجرى بين أطباء العيون ، بلا جدوى ، فى حين إن الحل يكمن فى إنه يغير مكان إقامته لبيئة أنضف شوية ، مش بيتحرق فيها قش الرز !!!
h3
 ………
#الجفاف : أمراض كتير بيكون الحل البسيط و الناجح لها هو الإكثار من شرب المياه .. أو – و انت الصادق – شرب المية بكم كافى كما يجب أن يكون بالفعل .. و المية بالنسبة لمريض الحساسية (أيا كان نوعها) تعتبر علاااااااج رئييييييييسى لحالته .. و بتقلل من حدتها بمجرد البداية فى شرب 2 أو 3 لتر عليه يوميا .. دى أحد الرسايل اللى باركز عليها فى دوراتنا و محاضراتنا ، فى حين إنه من النادر حاليا إنك تلاقى معالج بينصح مريضه بالكلام ده !!!
..
(تقدر تنضم لينا و تحجز مكانك في دوراتنا القادمة من خلال الرابط ده http://wp.me/P2YNXX-xN )
………
#العصبية و #التوتر الزائد : الحالة النفسية ممكن تكون السبب الرئيسى ورا أمراض كتير .. الحساسية أحد أهم الأمراض دى إن لم تكن أولها .. و الحالة بتسوء عند المريض العصبى .. و أحيانا يكون المريض هادى جدا ولكن بيتعرض لضغوط نفسية شديدة ، فتبدأ تلاقيه مش بيبان عليه على هيئة عصبية ظاهرة ، و لكن – فى الطب الشعبى – بيقولوا إن العصبية بتخرج لاإراديا على هيئة أمراض زى دى .. عشان كده #جلسات_الاسترخاء بتكون علاج تكميلى فعااال جدا فى أغلب حالات الحساسية ..
………
#الجهل_بالحالة : و ده ممكن يكون الطامة الكبرى بالنسبة للحساسية ، لما يتم تشخيصها (وعلاجها طبعا) على إنها حاجة تانية .. (تينيا ما بين الاصابع مثلا) ، و كل ده نتيجة نقص الخبرة العملية أو الاعتماد البحت على المعلومة الأكاديمية المنقوصة .. و نهرى المريض ساعتها مضادات للفطريات ، فى حين إن علاجه غير كده تماما .. . الجهل بالحالة كمان ممكن يخلى المريض يعتقد إن مرضه معدى – و هو عكس ذلك – بالشكل اللى حيخليه يتجنب الاقتراب من الناس ، أو يخليهم يهربوا من التواجد معاه !! .. و ده حينيل حالته النفسية أكتر و أكتر .. و ده يزيد الحالة سوء !!!!! . علّم مريض الحساسية اللى بيتابع معاك حالته كويس ، و قول له إزاى يقدر يتعايش معاها زى ما بنوضح من بداية البوست ده ..
………
#الكورتيزون_الزائد : احنا ما نقدرش ننكر ان الكورتيزون مهم كعلاج للحالات المستعصية من الحساسية .. و لكن احنا ضد الافراط والاستسهااااااال فى استخدامه لأى حالة حساسية ، بشكل ممكن يبكر بظهور أعراض جانبية خطيرة للكورتيزون فى وقت قصير ، عند استخدامه بكثرة و انتظام وبلا توقف تدريجى
…..
كده احنا خلصنا كلام ع العوامل الخمسة المهمة فى نظرنا تجاه الحساسية
و نتمنى إننا نكون أفدنا حضراتكم و لو بحاجة بسيطة .. و لو ده حصل ، حنسعد بعمل share للبوست من بابه🙂

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s