أهم 5 قواعد عااااااااامة – فى رأيى – للتعامل الصيدلانى مع الأطفال


3

أهم 5 قواعد عااااااااامة – فى رأيى – للتعامل الصيدلانى مع الأطفال , بشكل يؤدى إلى مزيد من الاحترافية إن شاء الله … و خلينى أعرضها على حضراتكم باختصار ..

#الأولى : التحويل ع الطبيب المناسب أسلم بكتير من التعامل الصيدلانى بقلب جامد , مع الأطفال .. لإن – ببساطة كده – #الغلطة_بجون .. يعنى العواقب بتكون وخيمة … #المناعة_قليلة .. الجسم لسه #ما_يستحملش .. الجرعة لازم تتحسب بدقة متناهية .. تاريخ الحساسية لسه غير معروف .. التأخر فى تقديم العلاج الصحيح , ممكن يؤدى إلى مضاعفات منيلة بنيلة .. و عشان كده , لو مش متأكد من الحالة و علاجها , حوّلها ع الطبيب المناسب فورا .. و ده صح الصح .. و لا يعيب أى صيدلى فى شىء ..

#الثانية : الطفل فى الغالب , مش بيعرف يقول #عنده_إيه .. يا إما بيعيّط , أو لو كان أكبر شوية , آخره يقول إنه فيه “أوفّة” بتوجعه , أو فيه “واوا” و خلاص !! .. و عشان كده , حيرة المعالج بتكون أكتر .. فتقييم الحالة من خلال الصيدلى , لازم يكون عن خبرة و احترافية و ممارسة شديدة جدا .. و إلا الطفل ممكن ياخد علاج لحاجة غير اللى بيشتكى منها , و نبقى أخرنا علاجه الحقيقى لا قدر الله ..

#الثالثة : #الحرارة_العالية عند الأطفال أخطر جدا من لو تواجدت عند الكبار .. و ممكن تسبب خلل فى أحد مراكز المخ .. يقول لك مثلا : الواد كان زى الفل , جاله دور برد و سخونية , و بعده ما بقاش بيسمع خالص ! .. مركز السمع باظ بسبب السخونية .. و عشان كده , المخ هو الحاجة اللى باخاف عليها , و لازم أتعامل مع الحرارة العالية , بحذر شديد , كل ما كان الطفل أصغر فى السن ..

#الرابعة : الـ #Adherence أو التزام الطفل بتناول العلاج بالشكل الكافى , من أغتت مشاكل التعامل الصيدلانى مع الأطفال , و عشان كده , الصيدلى الشاطر , هو اللى يختار فى علاجه , الحاجات اللى طعمها حلو , أو يتجنب الحقن قدر الإمكان , لو كان ينفع استخدام الدوا الشرب .. كل ده عشان نسهّل على الطفل – و على والديه – عملية تناول الدوا .. و فى الآخر يدعوا لنا للسبب ده🙂

#الخامسة : بلاش تدّى حقنة لأى طفل داخل الصيدلية .. مش لمجرد إن الطفل ممكن يعيّط و يكرهك بعد كده , و يبقوا بيخوفوا العيال بيك (و بصراحة دى حجتى الأصلية فى الموضوع ده😉 ) , و لكن لإن #الحساسية شىء وارد جدا , و قدرتك على إنك تلحق الطفل بأى شكل , بتكون صعبة جدا و شبه مستحيلة لو حصلت (من فرط القلق فى الوضع ده) … فخلّى العملية دى تتم على يد الطبيب أحسن , و برضه ده لا يقلل من دورك أو كفاءتك أى شىء ..

يعنى من الآخر , مع الأطفال , #خلى_عينك_فى_وسط_راسك ..

..

و دلوقتي كام مرة سألت نفسك على حساب جرعات الأدوية للأطفال ؟؟
كام مرة اتلخبطت فى صرف أدوية ما تنفعش لسن أطفال معين ؟؟
قد إيه اتضايقت لما الأب و الأم ياخدوا علاج معين لابنهم و ما يجيبش نتيجة ؟؟
.
كل دى حاجات تخلينا فى أمس الحاجة إننا نطور نفسنا أكتر فى مجال الـ Pediatric Pharmacy .. و عشان كده , حنقدم لكم النهاردة playlist كاملة (مدتها أكتر من 28 ساعة) صوت و صورة ‫#‏مجانا‬ لفيديوهات و محاضرات كاملة (أغلبها بالعربى😉 ) , على اليوتيوب , جمعها حديثا أحد الـ youtubers الكرام , و لقيتها أثناء بحثى على النت , للرد على إحدى الصيدلانيات الكريمات بخصوص source متميز , نقدر نزوّد بيه خبراتنا فى المجال ده بإذن الله .. و بعد ما شفت الـ items بتاعتها ازبهلّيت بصراحة , و قررت أهاديكم بيها ..🙂 ..
.
و بالمناسبة , أنا فخور إن أحد محاضراتى عن الـ patient counseling كانت موجودة كـ default فى قائمة التشغيل دى , جنبا إلى جنب , مع عدد من محاضرات صديقى و أستاذى اللى دايما بافخر بيه د. تامر شاهين 🙂  
.
و قبل ما نقدم لكم الرابط الخاص بالمحتوى الرائع ده , حابّين نقدم لكل اللى حيشوفوا البوست ده , 4 مقالات مجمعة , ممكن تكون متعلقة بالقصة دى .. و هم : ..
.
معلومات هامة عن تغذية السنة الأولى
http://wp.me/p2YNXX-hM
.
الطبيعى أحلى ولا القيصرى ؟؟ .. التمر حنة
http://wp.me/p2YNXX-ql
.
نصائح صيدلانية للوالدة حديثا
http://wp.me/p2YNXX-fN
.
عن تأخر النطق و الكلام عند الأطفال
http://wp.me/p2YNXX-zr
….
و دلوقتى , دي الـ playlist الكاملة (مدتها أكتر من 28 ساعة في 39 فيديو ) في مجال الـ Pediatric Pharmacy ..

https://www.youtube.com/playlist?list=PLpH6nfGAQ0y1TNEILtBG_Oqv2hfzFRmRQ

و لو عجبك الموضوع , و حسيت بأهميته , لا تتردد فى نشره على خير ان شاء الله🙂  .

‫#‏أحبكم_فى_الله‬ ..

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s